|
|
قوة كويتيات تقبل الله صيامكن وقيامكن وجعله في ميزان حسناتكن
ابي انقل لكن مشكلة صديقتي بعد عيني بجتني وصراحه عجزت ارد عليها وقلت لاخآب من أستشآر وجيت استشيركن فيها
مالكن بالطويله
دقيت على رفيجتي وتوأم روحي والا احس صوتها متغير ..قلت عسى ما شر ام فلان قالت ابد سوآلف الحريم الي تغث
بس لما قالت لي السآلفه كسرت خآطري
تقول كانت هي وحماتها اللي زآيرتهم ومرت حماها وخآلتها قآعدين يتغبقون والا راحت ( رفيجتي) تغسل واهي طآلعه من الحمام(وانتم بكرامه) تسمع خآلتها تتشكى من الجهآل انهم يخربون صآلتها طبعأ مافيه احد كبير الا ولد رفيجتي والباجي ابو سنه واشهر يعني مايتحركون من مكانهم
المهم والا العمه الزآئره تزف بولد رفيجتي وتقول لاعاد تدخل الصآله هذي مالت حريم
لما دشت رفيجتي سكتوا عن السآلفه وتطآلع ولدهآ والا منزل راسه منحرج
رفيجتي كانت تبيهم يفتحون الموضوع عشان تبرد حرت ولدها بس ماكو سكروه
وللعلم الولد ماينزل عند جدته الا على الفطور ولا يفطر وياهم يفطر مع عمامه
ولا دش الصآله ولا جآها لانها مظلمه ولا احد يقعد فيها
والخآله الله يهديها طيبه بس عليها جذبآت تألف كلام وتصدقه
يعني انا مره كنت موجوده وياهم والا جان تقول (الخاله) انا صج اصلي واصوم بس ماخلي الكذب وتضحك ههههه
الحين انتي كأم وكزوجه وعايشه مع حموله شلون تتصرفين بهالموقف وتراه موقف متكرر كل فتره تعيد وتزيد فيه الخاله
عادي ياااقلبي مدامهااااااا خالتي وعرافهانهااااااا تكذب
اقولهاااااااااااااااا كملي وش سوا ولدي بعد ووخليهاااااااا تكمللللللل هههههههههههه
بعد هذول الخالات .. ماكو احد كامل مثل ما احنا مو كاملين !
بس مانقول الا الله يعين .. والمرأة السنعه المفروض تعرف انه أبدى ماعليها بيتها وزوجها وعيالها بس .. مالها بالقيل والقال !
حبيبتي .. طيبي من خاطر رفيجتج وقوليلها خل تعدي الموضوع وتصبر … وذكريها بانه اكو خالات يمه الله يكافينا الشر نسرات ورديات حيل … والواحد لاشاف مصيبة غيره تهون عليه مصيبتة .. صح ؟
انه دايمن اللوم على عيالها يعني يوسخ يحوس ومن هالسوالف امنت بالله وقالت ماراح انزلهم ازعلت الخاله وقالت تبين تقطعين احفادي مني
يعني لا اذا نزلتهم ارتاحت من الحجي ولا اذا منعتهم ارتاحت بعد
اتووتا انا بعد قريت نفس مشكلتها بس دورتها مالقيتها الا صاحبتها كاتبه انه خالتها ماتزف الا بنتها يعني لو شنو ينكسر او يصير بالبيت تهد عيال البنات والاولاد وتروح لبنت صاحبتنا وتزفها زف ..بس الله يعين ما ادري يعني شكو يزفون يعلمون الام براسها ترى بنتج سوت وحطت مو يزفزفون الجاهل ويكسرون مجآديفه مهما كان جاهل
وسكرو الموضوع اكيد بيسكرونه لانه ما يسوى واشوى انهم سكروه لا تفتحينه وتكبرينه وتخسرين خالتج وحمولتج على شى بسيط
بيكبر وانشا الله بينسى
وانتى حاولى ما ينزل عليهم واجد شغليله دى فى دى او بلاستيشن خليه يلهى شوى عنهم ولا تنسين ان الحريم الكبار ما يتحملون
وقدرى كبر سنها
وتقبلى مرورى حبوبه
يعني كلامها يكون صح
بس اسلوبها بالكلام مو حلو
ويزعل الناس
والكلام يزعل لمن يكون من ورا الظهر
يعني لو جدامها الوحده تتقبل
بس من وراها اكيد تزعل
شتسوي بعد اللي قاعده
عند اهل ريلها لازم تتحمل
الله يعينها
وشي عادي الوحده تخاف علي بيتها او صالتها
ماشفتي جارتنا بلخيزرانا علي اليهال
والحمد الله علي كل حال
وواااااااااايد خاايفه لانه خالتي وااايد متحكمه بعيالهاا ومسويه نفسها البوس بالبيت ولازم الكل يسمع كلمتهاا والغرف لازم ماتتصكر
وماتنقفل وقوانين مالهاا اول من تالي وربي ماني عارفه شسوي ..وتقط نغزات واول ماااسولف عليهاا من شي / دايركت ترفع السماعه
ع بنتها العوده وتعطيها السالفه كلهاااااا ، يعني ماتنطر لمن اطلع لا اتكلم جداامي فماا بالكم لو طلعت ..؟!
نصيحه يقلبي ترى اناا كنت اطيح الكلافه بيننا وحاسبتهم مثل اهلي وحتى وحده من حموااتي اناا ويااهاا واايد مع بعض وكنت افضفض لها
وربي اكتشفت من مرت حمااي انه حماتي تقولهم ع كل شي اقوله لهاا تصوروااا ؟! ويقولون لج خافي من الحمااه تراها عقربه
وقررت من يوم وراايح اصير رسميه معاهم كلهم ..كنت اول مااسير عليهم كل ضحك وونااسه وسوالف . بس احس فيه شي غلط قاعد
يصير / وترى الرسميه تخليهم يحترمون الوحده غصبن عنهم .. وقررت حتى لو رحت اسكن معاهم راح اقعد بغرفتي ومالي شغل بااحد
حتى الغدى والعشى بخلي خدامتي تييب لي اياه بدااري .. علشان صج يطلع الحجي وانا عارفه راح يتكلمون ..
>> كله قاعده بالغرفه وشاايفهاا نفسهااا وماتبي تقعد معاناا ومن هالكلام لكن ماعلي من احد الزم ماعلي زوجي وبس …
وانتي حاولي يالغلاااا اذا صار شي ولا شي ولاخانقت ولدج اخذي ولدج وروحي دارج من غير تعليق ولاتنطقين بحرف ترى وربي اكتشفت
ان السعاده الزوجيه هي بيد الخاله / قالتلي الوالده ومااسمعت كلامهاا لانه خالتي مره قووويه والسانها طووووويل وفعلا خسرتهاااا
لانهاا تبي تتحكم فيني في شغلات مالهاا خص فيني وصرت احقرهاا ومااسير عليهااا وابو الشباب اخذي بس هوااشي ونصايح وامي وامي
واذا شرحت له قلب السالفه علي ..الله يعيني بس ع هالزوج والخاله ..
|
المشاركة الأصلية كتبت بواسطة مناهل
 حبيبتى هذى جدته مو عدوه بعدين بس هاوشت ما طقت
وسكرو الموضوع اكيد بيسكرونه لانه ما يسوى واشوى انهم سكروه لا تفتحينه وتكبرينه وتخسرين خالتج وحمولتج على شى بسيط بيكبر وانشا الله بينسى وانتى حاولى ما ينزل عليهم واجد شغليله دى فى دى او بلاستيشن خليه يلهى شوى عنهم ولا تنسين ان الحريم الكبار ما يتحملون وقدرى كبر سنها وتقبلى مرورى حبوبه |
يسلملي مرورك حبوبه بس هذي مشكلة صديقتي وانا لو مكانها ما اسكت يعني عادي ينزف الجآهل وامه مو موجوده واذا جت سكتن ..انا احب المصارحه يعني شايفه الجاهل يحوس ويوسخ امسكي امه وقولي لها بالوجه ترى ولدج فيه كيت وكيت مو يتوحدون فيه.. بس ماقلت هالشئ لرفيجتي عشان لاتحتر زياده
الله يصبرنا على الحموله ومثل ما قالت اختناsg الحموله شئ ثقيل يصعب حمله
لاهنتن كلياتكن
وماتقدرين تتهاوش معاهم عشان جاهل بتتعب تبلع وتسكت دام انها من جدته وعماته بس احد ثاني لا يعني مزاح وطعن رماح تقول ههه انا ما احب احد يكلم ولدي ولايقوله أ بس اهم شي الولد مايكون موجود بس طبعا ارجع واكرر هالكلام ماينقال للخاله
بس اذا تكرر هالشي عاد وزاد عن حده لا ستوووووب !! رجاءا محد يرفع صوته على ولدي كلموني انا و انا اوصله اللي تبوونه بطريقتي
وبس !!
يعني مهما قالت الخالة اعدي واحط عذري لنفسي كبر سنها وانها تخاف على صالتها مثل ما امي تسوي
يعني في الاول والاخير اعديها….وبالعكس انت جذي راح تكبرين بعينها يعني مو شرط الحين يمكن بعد سنة او ثنتين
وما دام اهي معروفه بجذبها الله يعينكم لي خرفت عليكم