عنايتنا وعطوراتنا ~ خنخلي هالموضوع ريحته خنينة! كلشي ريحته اتينن حطوه

بسمـ الله الرحمنـ الرحيمـ

تشوق الصورة صح

طبعا ما اظن في وحدة ماتحب تدلع روحها باللوشنات والشور جل والسنفرات والكريمات والمسك والعطور و و و ..
موعشان الزوج والريال لااااااا هالشي اصلا موجود بطبيعة كل انثى!!

الي تدلع نفسها دايما وتحب تشوف روحها انثى + ناعمه + صافية
تزيد ثقتها بعمرها وبالتالي ينعكس هالشي عليها وعلى شخصيتها وحتى على تعاملها مع الناس
مو ولا مو

عقب هالمقدمة الي متعوب عليها يعني ابي كل وحدة تكتب لنا شنو تحب من سنفرات وكريمات وشغل دلع ونظافة ؟ والي تبي تحط صور من العم google بعد احلى واحلى عشان يصير الموضوع غني ومشجع ويستفيدون منه البنات

اي شي تحبينه وتدلعين فيه نفسج سدحيه هنيييي حتى لو مكرر عااادي التكرار يعلم الشطار ،، ترى هالنوع من المواضيع يشجع الي نست عمرها والي تكيسلت والي خذتها مشاغل الدنيا ،، يالله لاتحرمونا من سنعكم عشان الكل يستفيد وانا اولكم

تدرون خل ابدي انا احطلكم قشي عشان تتشجعون شرايكم

*
*

مجموعة ال Chocolate من بودي شوب

عجيبة يا بنات تينن تينن ريحتها الي مومجربتها من قبل لاتطوفها امااانة
تحسين روحج قالب ككاو يتمشى جربوها بتستانوسون عليها

*
*

بودرة المسك ماركة ليڤينيا

من احلى البودرات الي استعملتها بنااات حطوها اذا سبحتوا بمجموعة المسك من بودي شوب ولا اي مجموعة مسك عندج ،، وحطيلج نقطتين مسك ابيض عند مناطق النبض وتعالي شمي الريحة تينن
هالماركة ايي معاها لوشن مسك للي تبي تجربة انا شفته وماشريته مادري ليش!

*
*

مجموعة Secret Charm – Honeysuckle & Jasmine من فيكتوريا سيكرت

انا متكلمة عنها بقسم المكياج والعطور بس مومشكلة بتكلم عنها هني
هالمجموعة موصج بنااااات باردة حيل ومنعشة وفررررش للي تحب الروايح الفرش انصحها فيها وبقوووة
من كثر ما اهيا صيفية وفرشششش احب اسبح فيها قبل لا اروح الدوام الصبح تصحصحني وتعدل مودي لوووول والله جد
وعلى نفس اسلوبها شوفوا هالمجموعة الي تحتها

*
*

sea island cotton من باث اند بودي ووركس

هالمجموعة نفس طقة سيكرت جارم بااااااااااااااردة يابنات للي تحب الروايح الباردة
والله انها fresh fresh fresh بشكل وانتعاااااش بشكل مووووووطبيعي
حرام ما تجربونها اتينن شوية عليها! نظافة نظافة نظاااااافة جد نظافة

*
*

لوشنات شانيل

اذا تبووون لوشن خنين عقب الشور نصيييحة نصيييييحة نصييييحة
جربوا لوشنات chanel ال spray
تكون معبية على شكل بخاخ تبخينها على جسمج وتتدهنين
انا عندي شانيل chance الوردي صج صج اينن شوية عليه لايطوفكم

*
*

سنفرات وماسك تعطير الشعر من صالون جي سي سبا

هم هذول تحجيت عنهم بقسم العناية بالجسم وبعيدهم عليكم هني
شريت منهم سنفرة بريحة البخور حبيييتها ريحتها صج كانت فواااحه
واتوقع كانوا خالطين معاها شي مثل البيبي اويل او زيت الزيتون لاني عقب ما اتسنفر احس بجسمي ناااعم ومترررطب
اعجبتني الصراحة ورحت تالي جييلت منهم سنفرات بروايح ثانية
وشريت ماسك معطر للشعر بريحة البخور ماشاءالله حبيته وريحته خنينة وقوية وتمسك بالشعر
الصور خذيتها من اكاونتهم بالانستغرام

*
*

مجموعة عطر ( ميركل من لانكوم )

بنات هالعطر راقي راقي راااااقي اعييز وانا اقول راقي
والله اني كل ما احطة يسألوني عنه
قديم مو يديد بس من احلى عطورات لانكوم
لوتشترونه اهوا والشور جل تصيرين فواااااااحة
انصحكم فيه من قللللب وسعره ما اذكرة بس مورخيص

*
*

وااااي شكثر عندي سوالف وعطووووور ماخلصت!!! بس عيزت الصراحة عورتني ايدي وانا اكتب
يالله عد دوركم اتحفونا باللي عندكم واي سؤال انا حاضرة

اقتباس:

المشاركة الأصلية كتبت بواسطة !@Bling@! اممممممممممممم يازين هالريحه الخنينة اللي فايحه بالقسم .. عصرت مخي ماطرا علي غير شغلتين …. اول شي معرووف بس هم ينفع نحطه بهالموضوع لانه يستاهل … مجموعة فيم فريش للمنطقة الآحــم .. خاااصةة الغسول والبودرة ،، واااي ياحلو البودرة مالته حتا للاباط احط منها شوي والششي الثاااني ،، عطر همن قديم (حدي غبار ماعليه نفاس ومقطوعه عن العالم الخارجي هههههه) عطر هيرمز البرتقالي واي واي ايهههههههبل ع ريحة هيل واشياءات خنينة جدا وااااو وبسس ،،

اي صاجة ايين فيم فرش ريحته ناااااااااااااعمة
كل المجموعة حلوة السائل وال spray والبودرة

تصدقين مع انه هيرمز قديم بس ولا مرة شميته مع انه خالاتي يمدحونة يبيلة والله

حياتي انتي مبروك ماياج وكلما عصرتي مخج زيادة وذكرتي شي تعالي حياج

امس بديت لستخدم سكراب بالسكر من باث اند بودي

نفس هذا بس الازرق

يبي له فراك عدل

بس ما كان لي بارض

لما تستخدمينه تحسين ريحته موب شيء

بس عقب الشاور بتم ريحتج تفوح ليمون

و هم امس بديت استخدم زبدة الشيا الخام للجسم

يقولون توحد اللون و تخفف الخطوط البيضا

بس ما نصحوني للوجه

لي عودة بإذن الرحمن

حلوة للبيت

خذيت نكهة تويلايت و افكر اخذ نكهتين بعد

شريت مسك الطهارة من عبدالصمد

ببدا بعد هالدورة ان شاءالله

تعالجت و للحين اثر

و مابي اقشر

من الله بشرتي حساسه و اختي قشرت الله لا يوريكم

صارت بشرتها تقب من اي شيء

كنت رايحه بوتس

و نصحتني بماركة herbline essentials

خذت الغسول يناسب اادهنيه و العاديه

و نصحتني بالمقشر من نفس بالماركة بنكهة المشمش و العسل

باقي على عرسي شهر تقريبا ان شاءالله

فدعواتكم احصل نتائج مرضيه

كلمة روووعه شوية علييه

اروع شيء للشفايف

عطر ميركل من لانكووم عاد انا من عشااااق لانكووم

قبل كم سنه شريته ومثل ماقلتي الكل يساألني عنه مع اني اذا طلعته قالووا قديم
بس بعد موضوعك شيشتيني بشتريه ان شاءالله مع مجموعته
وسعره ب500 ريال سعودي هذا يوم شريته

وللامانه احلى شي العطوور القديمه اللاحظ اذا شريت جديد اببداا مااتميز واللكل مثل عطري او يكون شامينه على احد

اخر عطرين شريتهم نيووو اخر شي نزل من دولتتشي اند غابانا والثاني من برادا
روااائحهم جميله وهااديه بس اببدا ماتميزت فيها

ومجموعة فيم فرش جربت البودره وجداا حبيتها مارح استغني عنها
بس باقي المجموووعه
وش تنصحوووني فيه ؟

وانا استخدم مسك روز من اجمل ولا استغني عنه

اما المسك الاسووود الطهاره للحين مااستخدمه وماادري ليه متردده

اممممممم وش بعد

اذا تذكرت رجعت

1- عطري اللي ماستغني عنه

————————————————————–
2- وريلي يحب عطر بلاك اكس اس و يميزني فيه

—————————————————————-
3- أستخدم لبعد الدورة املاح زارا تنظيف ولا أروع ..

الطريقة : مغطاة كاملة في الحوض لصغير اللي ينحط على المرحاض .. و ناقعة مرة في غرشة ماي صحة .. أحط بعد مغطاة
ما أكثر .. ممتااااااااااااااز .. و بعد ما اطلع من الحمام أحط لي فرصة من مسك الطهارة !

—————————————————————

يلا بنات حركوا روحكم ..