عن طريق شنو يفحصون الانابيب

عن طريق شنو يفحصون الانابيب المسكره منظار والا سونار مع بنج والا بدون بنج اسمع من بعض البنات هنى بالمنتدى تقول عندى الانابيب مسكره والله المستعان انا سويت كل التحاليل طلعت سليمه ماعندا الانابيب والله الفاتح الرزاق

حبوبه فحص الانانيب يتم عن طريق أشعه الصبغه
اهي عباره عن ماده يتدخل بالانانابي عن طريق امهبل و بالاشعه تبين اذا الانابيب مصكره او لا
و احيانا مع دخول الصبغه تفتح الانابيب
و اذا الالتصاق شديد يحتاج عميله

يعنى يحتاج بنج والا بنفس اللحظه مشكوره زهر على المرور

بالسونار يسوونها وبدون بنج مؤلمه نوعا ما كان احساس الم الدورة انا بعد ما سويت ظل يوم كامل ينزل مني دم وردي بدون رائحة

ان سويت اشعة الصبغة بدون بنج
كان في الم بسيط
مو مثل ما فهمت من بعض البنات انه اليم حاد
ولا ازيدج بعد خلصت من المستشفى و رحت السوق مع ريلي
الوضع كان جدا عادي

اما عملية المنظار تحتاج بنج عام و دخول للمستشفى
و الي فهمته من الدكتوره انه راح يدخل المنظار من السره و فتحات صغيره عند كل مبيض
هذي تاكدي منها زياده لاني ما سويتها فمعلومات مو اوكي

المفروض قبل لا تسوين اطفال الاناابيب
من ضمن الاجراءات الدكتوور يطلب هالاشعه لج
اذا لا سمح الله مصكره روحي حق الدكتوووور وحطي الاشعه بين عيوونه علشان يسويييلج العمليه ابلاش من عنده

لان الغلط منه

سمعي هالاشعه انا سويتها بمصر طلبت بنج بس امي خافت علي قالتلي اخاف المصريين ما يعرفون وجذي فديتها خايفه

فما خذيت بنج
هي تعور بس اخر شي يعني العوار الي يتحمل

والله يا كويتيه مذهله ان الدكتور سوى لى منظار 280 دينار الله لا يخسر ولما صحيت قلت له الانابيب زينه قال انا ماشفت الانابيب شنو اللى شاف ما ادرى بعدين قال لى اطفال الانابيب ماله علاقه اذا الانابيب مسكره والا لاء 0 والله اعلم

حبيبتي انا دكتورتي قبل ماتسوي تلقيح او طفل انبوب لازم تطلب منج اشعه الصبغه وبعدها تقرر انا سويت الاشعة وبين معاي ان انابيبي امسكرة وطبعا قلبتها مناحة ووبجي وحالتي حالة ونفسيتي تعبانه ،، المووهم رحت حق الدكتورة وقالت لي في هالحالة انبلش علاج طفل انبووب وقلت لها خل اسوي عملية المنظار قالت لا لانه احتمال الاتصاقات ترجع ويصير حمل خارج الرحم

ويارب اكون فدتج بالموضوووع ويارب يرزقنا الذرية الصالحة

والله انا فحصت الانابيب بالمنظار وكانت النتيجه ان اليمين مسكر الحمدلله على كل حال

اشعة ملونة ومايحتاج بنج

المنظار يحتاج بنج

سونار المائي ومايحتاج بنج وهذا اطفال الانابيب الصباح يسونة