عمليه التكميم! خاااايفه

السلام عليكم …!!
انا من بعد مناقشات مع اهلي و اقنعهم الحمدالله اقتنعو اني اسوي عمليه التكميم
امس كان موعدي مع الدكتور اسامه الصانع كان خووش دكتور بس اختي مو مرتاحه له
تقول خل نشوف دكتور ثاني .. و اليوم موعدي مع الدكتور محمد الجارالله و كلمت العنزي قالولي ان ماكو قبل تاريخ 22/2 و انا محتاجه اني اشوفه قبل بس قالتلي بتحاول تحطني قبل ..
السؤال الحين ايهو احسن دكتور بينهم؟ صراحه انا سمعت وايد يذمون كل واحد منهم و محتاجه لان السالفه فيها مخاطره و انا محتاجه اسوي العمليه الشهر الياي فلازم اقرر بسرعه عشان اسوي التحاليل
بنات امانه العمليه صعبه؟ انا وحده وااايد اخاف بس امس اقابل دكتور اسامه و قلبي يرقع و ارجع

اعرف اكثر من وحده مسوين عند اسامه الصانع وحمدالله توفقوا ونزلوا

استخيرى

سويها لا تترددين
واذا تحبين سويها بدار الشفا عند التمياط
هذا بروفسور سعودي يدرسها برا بعد
موفقة

والله ماعندي خلفيه بس ماحبيت ادخل ومااعلق

الله يقومك بالاسلامه وتكون عملية ناجحه ميه بالميه ياااااااااااااااااااااارب

اختي سوتها عند خالد العنزي و زوج اختي سواها عند الهيفي
من الي شفته وضع اختي واااايد احسن من زوج اختي

upp

يمدحونه خالد العنزي من الي اقراه

اغلب البنات الي اهني مسوين عنده

شوراج نطري

اليوم كان عندي موعد مع الجارالله حسيته شوي متسرع يعني اليوم قابلته و خذا مني تحليل
و حطلي موعد منظار و بالمره حطلي موعد العمليه!! بس انا ناطره العنزي ودي ان يكون عنده
شنو تشورون علي؟ اتم على الجارالله ولا اذا قدرت اروح حق العنزي

انا سويتها عند العنزي انصحج فيه الصراحه

حبيبتي الله يوفقج وتقومين بالسلامة .. انا مسوية تحويل مسار عند الصانع .. شوفي حبيبتي عن تجربة لا تدققين حيل على الطبيب صح لازم تحرصين على جراح سمعته زينة بس ترى هذي العمليات تختلف نتائجها من شخص للثاني .. وكل الي قلتي عنهم والنعم فيهم استخيري وتوكلي على الله .. المهم التزامج عقب العملية بالغذاء الصحي والرياضة اهو الي رح يعطيج أحسن نتيجة .. وماله داعي للخوف والقلق ترى العملية حدها سهالات ان شالله

انصحج بدكتور احمد الشرهان
دكتور كبير وفاهم شوفي انا من 6 سنين وانا اقول بسوي
وماتصير كل ما اقرر اسوي يصير شي او اسمع شي اهون
بس هالدكتور سبحان الله الامور صارت سهالات
بحثي عن الدكتور بقوقل والله يوفقج وتقومين بالسلامه

صلي استخارة