|
|
يا بنات انا محتارة
عندي مشكلة بالفك ، والتقويم لمدة 3 سنوات ما فادني
للحين عندي بروز بالفك العلوي ، وفكي السفلي راجع لي ورا
اليوم رحت للدكتور نائل الهزيم ، شرح لي العملية وقال فكري
ابقولكم الكلام اللي قاله لي وأبي رايكم ولو تعرفون احد سواها عنده ياليت تعلموني بالنتايج
قالي العملية مو سهلة
طبعا بنج كامل مدتها 5 ساعات ، وانام ليلة بالعناية المركزة
و3 ايام بالمستشفى
العملية طبعا تغيير بالفك ، فشكل الوجه كله راح يتغير
قالي يعني اللي يشوفج راح يقول مو هي ، وحدة تشبهها ، بس نفس البوهة
يعني الشكل راح يتغير حيل
احتمال الخشم ينفرش شووي
عقب العملية 6 اسابيع راح التزم بأكل ليّن ، واحتمال انتفاخات بالوجه تستمر لـ 6 شهور على الأكثر
واحتمال تنميل بالشفايف لمدة 6 شهور
قال حطي 5 آلاف دينار على جنب
المهم أنا محتارة وخايفة وكل شي
بس حيل ودي مو شوية ، لأني متأزمة نفسيا من الموضوع
شرايكم ؟
فيه أحد تعرفونه سواها ؟
ضروري لازم اقرر هاليوميييييييييين!
تدرين انا نفس مشكلتج وكنت دايم افكر اسويها بس قلت ماتسوى علي باجر الحجي ينقلب
المهم انتي استخيري لان هالشي مو هين
ودي لو أعرف أحد مسويها عشان يقولي شلون الدكتور
عندها الفك العلوي شوي يبيله تعديل
استخيري حبيبتي وشووفي شالخيره فيها
راح تخلي الويه مدور شوي للامانه انا شفت نتيجه حلوه على وحده بس اما الباجي كانت النتيجه عكسيه موشي الصراحه يعني اا مشكله بسيطه لا تسوينها
اعتقد هالعمليات اسهل لو تسوينها بالخارج
ولا دكتور عباس الرازمي عندة عيادة
استخيري اكثر من مره والله يسهل عليج
وجربي تروحين حق اكثر من دكتور لا تعتمدين على تشخيص دكتور واحد بس
انا ولدي عنده مشكله بالفك ووديته حق 5 دكاتره تقريبا ليما رسيت على دكتور عادل اشكناني وبوديه بعد استشاره عند دكتور نائل الهزيم ان شاءالله علشان اتطمن أكثر
والله أفدتوني حيل!
أبستخير آخر مرة
بس دارين ليش تقولين خل تروح حق واحد ثاني؟؟ اذا الدكتور فيه شي قوليلنا لان انا عندي نفس المشكله عفية اذا عندج معلومة فيديني فيها
انا اللي مدحه لي دكتوري مال تالقويم
وهم بعد ناس وايد مجربين شغله بالتلبيس وزراعة الاسنان ايام ماكان بالاميري ومافي احد ذمه كللللللش
بالعكس طق مطاقق عليه
بس كلام دارين خوفني بعد انا ماعندي الا ويه واحد لا اخترب ابتلش بعمري من يتزوجني لوووول