عملية تجميل خشمي عند د.خالد الصبيح وبالتفصيل الممل حياكم

السلام عليكم ..شلونكم كويتيات

موضوعي باين من عنوانه وحطيته للفايده فقط لاغير ..
بفضل الله خلصت عملية خشمي اللي كنت احن عليها من سنين وحققت حلمي اخيرا

آنا مشكلة خشمي انه كان عريض وفي انحراف بالعظم
اخذت موعد استشاره ولما وصلت العياده دخلوني غرفه صوروا خشمي من كل الجوانب ودخلهم الدكتور بالكمبيوتر ووراني شلي راح يسويه بخشمي
للأمانه الدكتور حيل حبوب ومريح واسلوبه يطمن وايد .. خلصت اخذت موعد للعمليه وكانت بتاريخ 3/4 يوم الاثنين اللي طاف
وسويت قبلها التحاليل ويطلب منج تصورين عند فوتوكينا او لقطات مع سيدي ويطلع عليج تقريبا 21 دينار
والاستشاره اول مره 30 والصور اللي بالعياده 30 بعد ..يعني شغلج كله 60 غير الصور اللي للعمليه عرفتوا ..
العمليه كامله كلفتني 2000 دينار
الدكتور خذا 1600
والمستشغى 400 دينار
العمليه تكون بمستشفى السلام ..
قبل العمليه بيوم في حبوب راح تاخذينها قبل النوم وبعد الساعه 12 بليل ممنوع الاكل .. تروحين العمليه صايمه
طبعا انا كنت حيل متوتره يوم العمليه ..ركبولي الدرب وحطولي مغذي مضاد للترجيع عشان مارجع بعد العمليه او تييني لوعه
وبعدها ياني دكتور التخدير سألني جم سؤال اذا عندي حساسيه من دوا معين او مركبه تقويم ..او ماكله شي ووايد اشياء هذا اللي يحضرني منها الحين
بعدين نزلوني العمليات ..طبعا لا تشوفون ويهي ..صارت فيني حاله هسترت قمت ابجي لما صارت الصجيه ههههههههه وامي حبيبتي كانت معاي تفول اللي يبي الدح لا يقول اح قبل لا يحطولي البنج دخل علي الدكتور قام يخطط على خشمي ويقولي شراح يسوي ويطمني وانا كنت اقرق عليه واحن ..دكتور ابي كيت وكيت .دكتور تكفه لا ترفعه مثل مايكل جاكسون ..دكتور ابي خشمي يصير ضعيف دكتور تكغه مو تخربه ..ماااادري شنو صار ونمت مافتت عيوني الا وانا بالعنايه ..الظاهر لوعت جبده وقال خل اطقها ابره انومها واصك حلجها هههههههههههههههه
المهم قعدت الحمدلله ماكان في عوار يذكر من خشمي ..بس اني كنت احس ان مهدود حيلي من البنج ..بس عوار مافي والله
وصعدوني غرفتي ويا الدكتور بعد ساعه شال الفتايل من خشمي ونظفه وكنت شوي انزف معني سويت تحليل سوله الحمدلله مافيني لكن غريبه الدم مارضا يوقف وغيرلي الفتايل 3مرات وبعدها قال ماتطلعين من المستشفى لين تطمن ان الدم وقف ونمت يوم واحد والصبح ثاني يوم خلاني اطلع

0

الحمدالله على سلاامتج وان شاءالله يطلع مثل ما اتمنييين

ألحمدلله ع السلامه وان شاء الله يطلع عنونو واينن ومثل ماتبين و زود

ناطره صور اكثر شجعتيي ان شاء الله اسوي عنده

بس سؤال لمن رحتيله حدد لعمليه ع طول ولا طول ع موعد العمليه ؟؟؟

..~

الحمد لله ع سلامتك

ويارب يطلع حلو ومثل ما تبين،،

.~

الله يسلمكم نرجس وغاده ..والله يسمع منكم يارب

حبيبتي الله يسلمج ..شوفي انا لما دقيت آخذ موعد استشاره كان بشهر واحد و قالتلي فللللل في موعد بعد شهر .وحطتلي موعد الاستشاره 2/19 اذا ماخاب ظني
وبنفس يوم استشارتي حددت موعد عمليتي بتاريخ 3/4 ..كان هذاا اقرب تاريخ ..لاني بغيت بالعطله قبل الدوامات يعني بس هذا اللي لقيته ..واامستشفى يعطونج اجازه دخول مدتها اسبوعين ماتنحسب من ضمن طبياتج ولا تدش ملفج وبس حبيبتي

بنات ان شاءالله راح احطلكم صور خشمي قبل وبعد وبالتدريج ..بس اسمحولي حاليا شوي تعبانه وللحين ويهي وارم ..وعندي موعد يوم الاثنين 3/11 اروح اشيل خيوطي والجبيره وان شاءااله اقولكم شيصير معاي

..~

اهم شي لا تلبسين نظاره هالفتره انتبهي
لا تسجدين..وحطي ثلج ٢٠ دقيقه كل يوم راح يخف الورم..

اي الدكتور قالي اصلا اقل شي شهرين مالبس نظاره كلش وانام سيدا وعلى مخدتين وممنوع عطور وبخور بهالفتره

كيف تتوضين حق الصلاة ؟
أحس مايستوي إذا بسويها
بسويها وقت الدوره

أتيمم وقت الصلاه ..لان الماي موزين يحوش خشمي والدكتور قالي كثر ماتقدرين لاتقربين صوبه

احسه بيطلع مررره حلو باين عليه مرسوم ماشاء الله فرق عن قبل
الحمدلله عاللسلامه ياقلبي

حمدالله على سلامتج يا قمر

تتهنين باللوك اليديد

لا تنسين تصورين لنا الشكل النهائي

حمدلله عالسلامه يا حلوه
الله يتمم على خير ويطلع مثل ماتبين حطيت موضوعج بالمفضله وبطل عليه كل يوم لاتبطين علينا
انا ناويه اسويه بس ارد من السفر بالصيف ان شاء الله ابي اعرف كل التفاصيل منج