|
|
السلام عليكم
شلونكم بنات ؟
شخباركم؟؟
انا سويت تحليل وطلع فيني نقص فيتامين د
وبصراحه ماني عارفه شلون أعالجه
منو طلع فيها نقص هالفيتامين وعالجته وشلون؟
ولكم مني كل الشكر
ياليت المشرفات ينقلونه لقسم الطب والصحه
وي فشله ههههههههههههههه
الله يشافيج ان شاء الله و امكو الا العافيه
انا اراجع د.سمير الشمري بدار الشفا يعطيني ابر فيتامين دال ويتابع تحاليلي
بس ايش اعراض نقص فيتامين دال للاستفاده
وسلامتج وماعليج شر لاتخافين واايد فيهم نقص فيتامين دال
|
المشاركة الأصلية كتبت بواسطة سبائك
 ممكن تحتاجين كورسات ابر بس لازم متابعه من دكتور غدد
انا اراجع د.سمير الشمري بدار الشفا يعطيني ابر فيتامين دال ويتابع تحاليلي |
هلا حبيبتي انا كت عند دار الشفا اعالج بس حرامية خذو فلوسي بدون نتيجة قمت حولت على الصباح غدد و هرمونات مرتاحه حييل معاهم خذيت ابر و حبوب مره بليوم و الحمدلله احسن وايد من دار الشفا غالي على الطل بس صج حروني!
و سلامتج
اول عطاني حبوب باس معدتي ما تحملت فعطاني الأبر
وجزاج الله خير
رفيجة امي جذي قال لها الدكتور
عمري لازم تروحين المستوصف او طبيبج المختص ويشفون على حسب النسبة يااما تكفيج الحبوب او يعطونج ابر فيتامين
ونصيحة اخذيها مني دامج صغيرة وطلع فيج نقص فيتامين دال ظروري تسوين فحص هشاشة العظام . . قاعدة اقولج جذي لأني اشتغل بمستشفى ونسوي هالفحوصات واغلب الحريم اللي عندهم هشاشة غالبا يكون عندهم نقص فيتامين دال .. لأن يأثرون على بعض عرفتي ؟
اذا تبين فحص الهشاشة روحي مستشفى الرازي يعطونج موعد .. واذا ماتبين تنطرين تروحين مستشفى الاميري عادي يدخلونج علطول حتى لو انتي مو تبع المنطقة .. تروحين قسم الطب النووي اللي صاير قبال مبنى ثنيان الغانم لأمراض الجهاز الهضمي وهناك يدخلونج علطول موجودين للساعة12 ..
ونصيحة ثانية .. تعرضي للشمس بالاوقات الامنة يعني الصبح او بداية المغرب لأن الشمس تعطي فيتامين دال وممكن علطول تتحسنين اذا اهميتي بنفسج . .
واسفة عالاطالة بس حبيت افيدج وعشان ماتتوهين قتلج من خلال خبرتي وشغلي .. ومافيج الا العافية انشالله 
بس الى تبى تشمس حق نقص فيتامين دال لازم شمس الشروق الصبح ومدة 10 دقايق او قبل الغروب وهم 10 دقايق
الى تبى شى طبيعي …….. احسن من الابر والحبوب
(:::::::: علمنى نفسج
ماعندي فكره
بس مو من ورا الدريشة لا الزجاج يمنع وصول فيتامين د – يعني تطلعين بالحوش
تشترين منتجات الحليب اللي فيها فيتامين د
كبسولات اذا النقص بسيط
اذا حيل لازم ابر