عطوك 200 دينار وقالولك قعدي بالبيت وهدي الوظيفه ؟؟؟ استفتاء يابنات الكويت

عطوك 200 دينار وقالولك قعدي بالبيت وهدي الوظيفه ؟؟؟ استفتاء يابنات الكويت شتقووووولين ؟؟؟

موافقه ولا لا

ترى المبلغ 200 مو 300

لا والله شتسوي 200 هلالايام والله ماتنفع

احلى تقومين من الصبح وتروحين الدوام وتشوفين رفيجاتج

احسن من قعدت البيت!

يسلموو شهوده عالموضوع الكووول

موافقه وجنه العيد

صج انها ماراح اتكفي بس اخشها وايمعها والتفت على معاش ريلي وهو يصرف علي

على فكرة انا مااشتغلت لحد الحين بس تذكرت دوام الجامعة والامتحانت وقعدة الصبح

وضااااااق خلقي

طبعا لاء
ال 200 بهالوقت ماتكفي يادوب حق اول 3 ايام بالشهر
وبعدين انا مادرسنا وتعبنا علشان انخلي الشهاده بالدرج والا برواز انعلقها
ترى الشغل عباااااااااده
وبعدين الشغل اهو كيان وشخصية المرأة
يحسسها انها عايشه بالدنيا ولها دور وشخصية وطموح

——

انا اذا ريللي << بالمستقبل انشالله خخخخ

قالي ماتشتغلين
اقوله انشاءلله ومن اعيوني مارفضلك اي طلب يالغالي <<< اساحله
بس على شرط اتمشيلي معاش كثر اللي يعطوني اياه الوزارة وكل ما زادوا الدرجه انته اتزيد المعاش وغير العلاوات وغيرها وغير هذا مصاريف البيت عليك وما احط ولا فلس من معاشي على البيت << اصكر السالفه ابويها علشان يتحسف ليش بطل الموضوع لووووووووووول

واهو طبعا طبعا طبعا

راح يخليني اشتغل لووول ولا هالمخاسير

ترى انا مو شريرة بس الرياييل يبون جذي والا اشرايكم

لااللالالالالالالالالااااااااااااااااااااااااااااا ااااا يمكن اقعد بالبيت والف لا يمكن
اولا ملل شسوى بالبيت اكل ونوم
ثانيا 200 شسووون 160 قسط سياره و الباجى مكالمات وباجى مصاريفي شلون !!!!!!!!
وثالثا حتى لو اتزوجت وقالى اعطيج كثر معاشج وقعدى ما راح اقعد ما ادرى ما راح اعرف اقعد الدوام تجديد للنفس ومتنفس اشوى اذا مشتهيه اتهاوش اتهاووووووش بالدوام عشان لا اطلع حرتى بالبيت لوووووول
بسسسسسسسسسسسسسسسسسسس اى صح وبعدين انا دارسه حق شنو

والله انا يحوشني اكثر من هالمبلغ من صووي ابوووي كل شهر و صوووب ريلي ..الله لا يحرمني منهم ..

بس احس قعدت البيت مملة ..اكل ومرعى وقلة صنعاااا ..

أنا أييد الوظيفة فيها استقلالية و أقلها تضيعين وقتج بشي له فايدة ومردود مادي واجتماعي ..

اي والله اوافق

عسى الله يخلي ريلي الحمدلله حالته المادية وايد زينة وعنده بيزنس غير وظيفته

عاد لما اتخرج بيكون عندي ياهل إن شاءالله اقعد اجابله ابرك

لا ما استقيل .. صعبه و 200 ما تسوي شي .. و لا توفي الاحتياجات الخاصه .. فما بالج لو عندج مناسبات و بتهدين و الا في خاطرج شي .. ؟

و بعدين في الوقت معاش الريال و المره و عساهم قادرين ياخذون بيت و يوفون احتياجاتهم شلون اذا بيعيشون على معاش واحد ؟..

اوافق لاني ماحب الدوام وقعدة الصبح !!

بس 200 ما تكفي !!

لا و الله انا ما اوافق

اولا 200 ما تسوي شي هالايام

و ثانيا مع اني طالبة بس احس احسن اروح ادوام اشوف رفيجاتي و الدنيا احسن من القعدة بالبيت و الكسل

و لو قعدت بالبيت بصير دبة و ليلي يصير نهار و نهاري ليل خخخخخخخ اعرف نفسي

هههههههههههه ياحلوكم بس عاد صج ياليت يمشون هالمبلغ صج شوي بس يكفي مصروفك

طبعا لا لانها ماتكفي بهالايام……….

للحين النتيجه كالتالي 37 % موافقين

و63% مو موافقين

اوافق ونص وابصم بالعشرة بعد
…………………
اقعد مع عيالي احسن لي ساللي بالدوام وعوار الراس وضيقة الخلق

اشتغل من منازلهم بكيفي لا حنة ولا نجرة

تسلمين على الموضوع … شوفي اخذي النتائج بعد ما يخلص التصويت واعرضيها على وحدة من الجرايد ترى والله فكرة

يا ريتنا بالسويد , بالسويد الام الي كانت تشتغل قبل الولادة , بعد الولادة تقدر تقعد في البيت ولها ثلثين الراتب لمدة خمس سنوات علي ما اذكر او ثلاث يعني الام تيب الاول وبعد خمس سنين تيب الثاني خلاص وتالي تتقاعد , والله وناسة

شرايكم بنات نهاجر السويد