عروس وبتسافرين مع حمولتج سفر سياره,, زهبتي فناتق وشغل عدل بالصور

بسم الله الرحمن الرحيم

عروس فكرتي انج راح تسافرين مع اهل ريلج بالسياره سواء لبنان مكه البحرين,,, شنو راح تسوين ؟
طبعا انا هالموقف صارلي ولأنهم متعودين على اناقتي وكشختي سويت بحث بالانترنت عن فناتق لسفر وحركات حلوه ومالقيت اللي فى بالي ,, وأنا اقصد الاشياء الجماليه والحركات اللي فيها سنع مو الاساسيات اللي الكل يعرفها ,,, وبعد ماسافرت مع اهل ريلي وخضت هالتجربه

قلت لازم افيد غيري ويكون لهم مرجع
وقبل كل شي بقول كم نقطه مهمه …
1- اذا وقفوا اهل ريلج عند مطعم او استراحه او حق الصلاة فى الطريق لاتأخرينهم وتكونين آخر من يصعد السياره نو !
2- غرفتج سواء فى فندق اوشقه مأجره خليها دايما مرتبه ومعطره وفراش السرير مسنع وحلو تكون معاج حركات حلوه حق السرير يعني كوشيه ملونه ,,, مفرش سرير ناعم عملي,,,,
3- بالسفر حاولي تاخذين ملابسج بالالوان الاساسيه الاسود والبني لأن كل شي راح يمشي مع هالونين .
4- أغراضج وجناطج الكبيره مو كل مكان فتحتي كل شي ,,, خليج عمليه ومرتبه ولا قالوا حمولتج مشينا انتي اول من تنزل جنطته ,,,قسمي جنطتج من داخل مربعات موجوده بتروفاليو البوكس الخام الواحد بنص وروعه اشكالهم ,, هالشي راح يخليج وايد سريعه وعمليه .
5- ضروري مرطب للويه واقوى نوع رووعه اشوي عليه لابرير بالكافيار ,,, ماتقولين ويهج مسافر ومرهق.
6- منشفة ماركة cannon بسرعه تنشف من الماي اذا بغيتي تردينها الجنطه .

آآسفه على الاطاله بقولكم شنو خذيت معاي ,,,, يلا نبدي
بطانيه خفيفه لسياره تكون حلوه وراقيه

آنا خذيت من صفاة الغانم بطانيه بنفسجيه مع مخادها صغار رووووعه شكلهم امسوين سيل عليهم وهم استخدمتهم بالفندق فوق الفراش طلع شكله راقي

كيس أحذيه

ضروري بنات تحطون أحذيتكم داخل كيس الاحذيه واحرصي تاخذين فلات بيج ونعل كعب اسود يمشي مع كل الالوان ,, طبعا فى أكياس حلوه وانثويه شكلها ترتب لج الجنطه ,,,

مبخره صغنونه

وطبعا آنا خذيت وحده من الشايع رووعه بدينار ونتفه تونس

عود وآه من العوووووووود ,,,

صابون ورقي خفيف ينحط بشنطة اليد

طبعا آنا خذيت نفس اللي بصوره من الفرس شكله على ورد جوري حلو وعملي وقت السفر

كيس بلاستك كبير له قفل

أكيد مهم عشان تحطون فيه الملابس المستعمله

عطر خفيف طيار سبراي

واسميه طيار يعني بسرعه يروح (عشان مافى احد يشم عطرج غير زوجج),, ترشين منه بالسياره وعلى هدومج ولا اذا نزل زوجج ورد لسياره يلقى ريحتها حلوه آنا خذيت نفس اللي بصوره فيكتوريا البنفسجي روووعه

اصبع فحم لاتنسون

ولاعة الفحم

جنطه خاصه بالمكياج والكريمات

تحطون فيها هم البخور والفحم والولاعه والامور الجماليه

هذي اهم اشياء حطيتها وكانت ضروريه ووايد استانسوا عليها اهل ريلي ,,,

ونبي هم كل وحده تدخل وتحط تجربتها والاشياء الفنتق المهمه اللي ريحتج وطلعتج سنعه عشان الكل يستفيد

وبس وسلامتكم ,,,, احبكم بالله

يعطيج العافية حبيبتي
الصراحة مجهود تشكرين عليه
انا بخور ماكنت اخذ معاي
لان الي اعرفهم خرعوني قالو انفتح عليهم مال الحرائق هههههه سيفتي وترشرشو بالماي هههه
وما اخذت بطانية ومخاد
لان الفندق فيه هالسوالف
اما بالنسبة لاهل ريلي ماسافرت معاهم الا يوم واحد وردينا فما نمنا بره
لكن انا نفسج تقريبا بالترتيب وهالسوالف
اسرع وحده واول وحده اخلص
كيس للجوتي
جنطة للمكياج
العطور
واخذ معاي جوتي رياضة وكعب
اما الفلات ما احبه كلش
ياكعب ياجوتي رياضة هههه
وبس

مشكوره حبيبتي وما قصرتي

صح كلامج ياالغاليه ,,, سكنا بالفندق ماشبيت البخور ,, وسكنا بشقق فندقيه والكل استانس على ريحة العود ,,,
فراش الفندق ابيض ساده ومخادي بنفسجيات نتفه طلع شكلهم كيوت على فراش الفندق و الشقه وهم استفدت منهم وايد بالسياره ونمت فيهم …

نورتي الموضوع بمرووج ,,,,,,,,

خوووش فكره ,,,, لما صعدت السياره وانا مسافره تحسفت على عزبتي بالبيت ,,, بس الحمدلله حمولتي شغلهم كامل من قهوه وشاي ,,,, وهم وحده قالتلي على فنتق مطارة كابتشينو بس راحة علي ,, المره اليايه ان شاء الله

مشكوووووره على فكرتج الحلوه نفسج والله مستانسه بردودكم خواتي

تسلمين غلاتي

بعدي شوي ريضة لا فكرت باخذ افكاااااااااااارج ممكن ؟؟ بعد تستاذن آخذهم آخذهم

ثانكسسووو <<فصلت

اوووبااا

لاينزل

ما شاء الله عليج كفيتي و وفيتي

موضووعج حلووو ,,, و بزيدج شغلات ثانوية ,,,,

قلم الديتول +مناديل ديتول +الاحسن تاخذين مبخر الكهربائي من اجمل و ربعه احسن لج من لوية الفحم + كريمات و دهونات للجسم و شور جل و شامبو و فرشه اسنان و معجون حجم ميني (تلقينهم في بوتس )

فناتك رؤعه ؤعجبتني شكثر شغلاااات ؤيلا بنات يامتزؤجات نبي فناتك >> طمااعه

ما شاء الله عليج سنعه

الصراحه شغلج وايد حلو ومرتب ما شاء الله عليج ..

اناا ليما الحين ما سافرت مع اهل ريلي بس اذا سافرت معاهم باخذ من افكارج الحلوه ..

ويسلمووو يا قلبي ..

ولا تحرميني من افكارج و افكاركم يا عرايس ..

تقبلي مروري

عن جد كفيتي ووفيتي

يعطيج العافيه

جزاكم الله خير على الردود الحلوه كل الاعضاء اللي ردوا هذا من ذوقكم والله
ثانكيوووووو

يعطيج الف عاافيه

يسلمووووووو