عادى اطلع بالمولود اماكن عامه ؟؟؟؟

شلونكم بنات

بغيت اسالكم متى اقدر اطلع بالمولود اماكن عامه

لانى بالاربعين وراح ابدا اجهز وماقدر اخلى البيبى بالبيت لانى ارضعه

عادى اخذه معاى السوق وخصوصا السوق ممغطى مو مكشوف على الا قل اكون مطمنه عليه معاى

بس اللكل يقولون لا حرام خليه بالبيت وانا صعب اخليه بالبيت وانا ارضعه شسوى

لا تاخذينه حببتي برد الجوو عليه

واخذيله من صدرج وخليهم يرضعووونه

شوفي حبيبتي انا عادي عندي بس الحين لأن الجو بارد حرام لا تطلعينه
شفطي حليب من صدرج حق رضعتين او 3 وطلعي خلصي مشاويرج ورجعي
انا ولاداتي كان الجو دفا فكنت اطلع عادي

الجو الحين مايساعد …

لاتطلعينه الجو مايساعد كلش

والله يسهل لج يارب

حبيبتي مو زين هالجو حق الياهل حرام صغيرونو @@

خليه بالبيت يعني بس خلي طلعاتج مع ريليج مو الا تطلعين خل يشد البيبي عودة بعدين لما يكبر أو ايي الصيف طلعية معاج مو من الحين

لا حرام جو سحتني وبارد
شفطي من صدرج وخليه

لا حرام

ياحياتى ماقصرتوا صج خرعتونى بس خيره سالتكم جزاكم الله خير على النصيحه بس ماعمرى شفطت شلون الطريقه وشلون احفظه

حبيبتي اخذيلج شفاطه اسمها medela mini electric ايد حلوه وناعمه ما تعور وشفطي الحليب وحفظيه يا بمميه يا في جياس لحفظ الحليب وخليه بالثلاجه او الفريزر اذا بتطولين منتي مستخدمته وقبل لا تحتاجينه طلعيه وسخنيه بماي دافي مو بالمكرويف ديري بالج

الله انا كنت مثل حالتج و كنت اخذه معاي كل مكان

والله هالايام صعبه الجو وايد بارد وحرام على البيبي صغير حيل

لا حرام يحوشه برد