طلباتك اختي المطلقة عفوا

اختي المطلقة
طلباتك من يقوم بها
من تصليح للسيارة وشراء حاجياتك وعند مرض اطفالك وغير هذه الضروريات من يقوم بها لكي
في زمن قل به الرجال والكل يركض ويلهث وراء رضى زوجتة المصونة

مرمر هههههههههههههههههه
والله ضحكتني
الحين من قالج المتزوجات يقومون فيهم ريايلهم تري كلبو امهم نفس الشي يعني لاالمطقلة ولا المتزوجه وسألي وتشوفين

وانا مع ديحانية ، المرأة الكل في الكل في البيت

ودور الأب انلغـى بوقتنـا الحالــي

نتيجة تخلي الرجال اولاً عن دورهم في الأسـرة

ثم ان الأسرة لم تصبح من الأولويات بزمانا فهناك الديوانية والكافيهات … الخ

كذلك رغبة الزوجـة بممارسة دور الأب وان وحدها من تحل وتربط

من اهني بدت مشكلة تبادل الأدوار

وعسى الله يكون بعون النساء بزمن قل فيه الرجــال

مثل ما قالو البنات الحين المتزوجه والمطلقه واحد على اسهم كلشي والرياييل بالديوانيات وماكو شغل ولا يتحملون مسؤلية ابد .. لا واذا حاجيتيه يعصب بعد ..

بالنسبه لي انا .. حاجياتي وحاجات ولدي انا اقظيها يعني احنا بالكويت والمره تسوق الحمد لله والكويت صغيره وكلشي يمج .. وماكو مكان بالكويت ماوصلوله الحريم صراحه ..

بالنسبه للاشياء الجايه .. معاملات او سوالف تصليح سيارات .. لا هذي يا ابوي يا اخواني يسوونهم لي .. يعني حتى ابوي ما يرضى اروح بنفسي اسوي سياره ولا شي .. ولا انا اعرف هالسوالف يبيلها رياييل ..

وتسلمين ..

ماااااافي رجال قد المسؤليه الحين الا ناادر 1%

رياييل يلوعون جبد

لازم حنه عشان يبون لج شي

نفك نفسنا من عوار راس ونروح

ولا نطرش سايق

تحياتي

افاااااااااااا
زين انا سيارتي خربانة ولا احد سائل ولا شايف شسوي ابي اصلحها اشلون

اشرايكم اخذلي بنشرجي
ابي الله يسلمكم بنشرجي زين وين اوديها تعبت محد حاس فيني

مثل ما قالوا الخوات الحين المتزوجة هي الرجال لأنها تقوم بكل شئ ويعطيهم العافية على تحملهم هذي المسئولية

بالنسبة لي الوالد طول الله بعمره إذا بنشرت سيارتي يصلحها لي وأي شئ يتعلق بمعاملات هو يسويها لأنه ما يرضا أنا أسويها بس للأسف انخدعت بخواني قبل الطلاق كانوا يقولون حن راح نوقف معاك بس بعد الطلاق اتضح كل شئ يسوون كل شئ حق زوجاتهم وكاشتين فيني بس دائماً أقول الحمد لله مدام أبوي موجود ما شيل هم أما الأشياء الثانية ملابس حق ولدي وحقي أروح مع الوالد أو واحد من خواني بس بعد ما تطلع روحي يوديني أما إذا طلب ولدي شئ مشتهيه من أكل أروح معاه مركز سلطان لأني ما أحب أزعل ولدي كفاية أبوه إلى ما يدري عنه وعن طلباته بس هذا أجر حقنا يا المطلقات نكسب أجر في عيالنا وإنشاء الله يردون لنا ولو جزء من تعبنا عليهم

والله ولا الزوجات ولا الخوات
صدقوني اهو طبع
ياما رياييل حق خواتهم يادهينه لاتنكتين وحق مرته يسف ويتف
علي الشخص نفسه
وكا احنا المتزوجات نركض يمين يسار
والاخ يطل بطلته المبجله وانتي تسوين الشغله صار اهو مسويها