طريقتك المنزليه في مكافحة أمراض أطفالك .

السلام عليكم ورحمة الله وبركاته

اليوم حبيت يكون الموضوع تبادل خبرات عن طريقتك المنزلية في مكافحة مرض أطفالك إبتداءا من الرضع إلى ماشاء الله

يعني إذا جبهتم حراره..

إذا قعد يصيح ماتدرين وش فيه

إذا كان بطنه يعوره ومعه غازات..

كحه وأنفلونزا..

تسنين..

داخله برد على قولتهم!!

وش تسوين ؟؟ وش فيه شي أستخدمتيه وكان نافع بإذن الله؟؟

مره وحده من صديقاتي طالعه مع أهلها لإستراحه ومن دخلت وولدها يصيح تخيلوا من العصر لييييييييييين الفجر وهي متنكده وهو بس يصيح كل شي سوته آخر شي جت أمها ودهنت كل جسمه بزيت زيتون ودفته وعطته في راس الملعقه الصغيره زيت زيتون وكم حبة رشاد أكلها الولد من هنا وسهل الله يكرمكم شي مهب طبيعي وأرتااااح وناااااااااام صار ياحبيبي فيه برد!! طبعا كان ولدها بالشهور يوم قلت لأمي القصه قالت كانوا منول يعطون اللي بالنفاس 3 حبات رشاد تطلع البرد على قولتهم

هذي تجربه وأنت وش تجربتك؟؟ وياليت تقولين لنا عمر ولدك..

____________________________

للأمانه ملطوش

ياريت يابنااااات تكتبون تجاربكم وخبراتكم عشان نستفيد ونفيد وأدري ماراح تقصرون

دمتم في حفظ الرحمن

راح اكتب من خبرتي البسيطه واللي فعلا طبقتها على ولدي ولقيت نتيجه مرضيه

لعلاج البصفار
خاصه اول ما ينولد فصخي ملابسه بس خلي البامبرز وعرضيه للشمس في الصباح الباكر او نوميه تحت اضاءة ليت نيوون واعطائه ماي الرقي القشره البيضه.

لعلاج البلغم
مغلي النعناع واذا حبيتي تستخدمين دواء عندج بروسبان نقط.. وايضا نومي الطفل على بطنه وطبطبي بيدج على ظهره من اسفل الى اعلى راح يساعد على طرد البلغم.

لعلاج الحراره
كمادات ماي بااارد مع شويه خل وطبعا ادول كل 4 ساعات واذا زادت الحراره اعطيه تحاميل.

للتسنين
كنت استخدم الجل بس سمعت انه يأخر ظهور الاسنان فقمت اعطيه عضاضه بعد ما احطها بالثلاجه تبرد على لثته وسمعت الفراوله تحكين لثته تخفف الالم وبعد لفي صبعج بشاش وشويه زيت زيتون وافرك فيها لثته هم يخفف الالم.

للكحه
دهن قدمه بفكس مع تدفئة جسمه.

للغازات
مغلي كراويه وينسون ولما كان بالاربعين كنت اعطيه ماي غريب.

ويالله نشوووف تجاربكمم

تسلمين ياقلبي على مرورج وياريت تكتبين في أي عمر سويتي هالأشياء

وأبي أعرف أنا عيالي عمرهم 9 شهور وذبحهم البلغم وأعطيهم بروسبان نقط ودايما أطبطب على ظهرهم

وياريت قلبي أعرف طريقة النعناع وشنو تحطين معااااه ؟!

انا ولدي الحين اسمالله عليه 7 شهور يعني هالكلام اقل من هالعمر والبلغم اذكر كان عمره شهرين

النعناع احط معاه نبات بس ماي مغلي ونعناع وخليه يتنقع 10 دقايق لا تغلينه لا حطي بكوب وصكي راسه بس

انا اذا الياهل بالأربعين يبجي وماادري شنو فيه اذوب شويه مرة باقل من ربع ستكانه ماي دافي واعطي بنتي والله وحدة بوحدة تنام وترتاح
هذي وصفة يدتي الله يطول بعمرها

ولدي الحين اسم الله عليه عمره سنتين وأربع شهور إذا سخن أسويله كمادات وأحط فيها شوية خل وأدهن ريوله وهالطريقة علمتني إياها خالتي أم ريلي
وإذا فيه اسهال روب أحط فيه شوية نشا وأعطيه وايد زين ويوم كان أصغر بالأشهر كنت أسويله ماي التمر زين حق الغازات والإمساك وإذا بجي أسدحه على بطنه واااايد يرتاح وينام وهم كنت افوح له ماي الرضعة بحبة هيل

تسلمون ياعمري والله إستفدت منكم وااايد والله يخليكم لعيالكم

موضوع مفييييييييد
تسلمون خواتي

ومنكم نستفيد

مشكووووووووووورين

مووضوووع رووووعه ….

للغازات وعلشان تريح البيبي وينام مغلي النعناع واليانسون ….

للحراره فكس ندهن ريول البيبي ….

سؤال.؟؟

اللي اعرفه المره حيييل طعمها مر شلون يشربه البيبي؟؟ عادي يعني

بنات هل الاعشاب عادي للمولود بالاربعين الدكتور زفني لما سالته يقول الياهل ما يتحمل معدته ما تكون غشاءها للحين شرايكم؟؟؟

مشكوره سراب

أنا عن نفسي لما سنن وليدي عطيته

محلب مطحون و سكر نبات وشوي مر وكل اليوم أفرك اللثه

سمعت من رفيجتي إنه البابونج زين واااااايد للكحه والزكام

كانت تسوي له بخار البابونج وتشربه منه وصااااار الحمدالله زين

بنتي كان فيها إسهال وأنتم بكرامه عطيتها رشاد وقفه على طووول