|
|
شلونكم بنات شخباركم.gif "Eh S(7)")
انا صرت معلمه من 2024 واالحمدلله حصلت على درجة بالاختيار2010
يعني صرت معلمة ج 
وانا اللحين الدرجة الثالثة مع علاوة وحدة..
فمو عارفه شلون انا اللحين( ج )من 210 وصرت الدرجة الثالثه وعندي 1علاوة مكتوب بشهادة الراتب
فابي اعرف متى اصير درجة (ب ) ومتي اصير درجتى الثانيه.gif "Eh S(2)")
مو لازم بعد خمس سنوات ازيد درجة بالاقدميه غصبا عليهم .gif "Eh S(13)")
وانا اللحين سادس سنه لي بالوظيفه.gif "Eh S(10)")
:e h_s(10)::e h_s(10):
يعني اخذت ج بعد ثلاث سنوات وبعدها سنتين لازم اخذ بالقدمية واصير ب لان العدد الكلي لسنوات
الخدمة 5سنوات..
ناطرتكم ابلات وشكرااااا
اختي بالنسبه لمعلم ا و ب و ج هذي ما تعتمد على الاقدميه لا تعتمد على الامتيازات الي تاخذينها بالسنه الدراسيه بدرجه ٩٠ وما فوق
اول ما تتعينين معلم د بعد سنتين امتياز تترقين معلم ج —– و بعدها بثلاث سنين امتياز اتصيرين معلم ب يعني خبرتج ٥ سنين
وبعد اربعه سنين امتياز تترقين معلم ا يعني ٩ سنين خبره
اربع سنين بعدها تترقين معلم ب متخصص يعني ١٣ سنه خبره
اربع سنين امتياز تترقين معلم أ متخصص يعني ١٧ سنه خبره
و أي سنه ما تخذين فيها امتياز تتأخرين فيها ومثل ما قلت لج ما تعتمد لا بالاقدميه ولا بالاختيار
اذا اخذتي امتيازات تترقين مباشره من غير تدخل احد و تختلف اذا كنتي تربويه او لا ( يعني خريجه تربيه تسمى تربويه – خريجه علوم او اداب و غيره غير تربوي)
اما بالنسبه للدرجه هذي الي تخضع للاقدميه و الاختيار
طبعا الاقدميه بعد خمس سنين
والاختيار على حسب الاسماء الي تطرح للوزاره
واول ما نتعين على الرابعه و منها خمس سنين تترقين الثالثه
ملاحظه بس
بعد خمس سنين تترقين بالاقدميه بعد ما تخلصين السنه الخامسه
يعني وانتي بالسنه السادسه يوصل لج كتاب بالترقيه
اتمنى اني اكون افدج
وانصحج اتراجعين الوزاره مبنى رقم ٢ في كاونترات سألي الموظفات عن كل شي
لان ياما معلمات صار عندهم خربطه و تأخير نتيجه غلط موظفه ومنهم انا الي اغلطوا في عدم ترقيتي من معلم ج الي ب قبل سنين
وبعد ما رحت اراجع عرفت بالغلط و نزلوه لي بأثر رجعي
وبصراحه الغلط غلطنا احنا المعلمات الي ما نعرف شروط ولا الطريقه للترقي
ومنها خذيت درس و عرفت الآليه الي يمشون عليها
موفقه
و انتي سالي بعد بالمنطقة احسن
شكراا للطرح