|
|
السلام عليكم حبايبي
شلونكم ان شاء الله بخير
فديتكم انا عروس وبروح اشتري من الدمام والخبر لجهازي
فحبيت اخذ رايكم شنو اشتري منهم ومن وين
وياليت اللي تعرف محلات حلوه وشغلات غريبه عندهم لا تبخل علي
الله يوفق اللي ترد علي وبليز حتي لو ترفعون الموضوع
إن شآء آلله البنآت يفيدونج :$
وو
أب ..
يعني الي بتلقينه بالخبر والدمام بتلقينه بغيرهم نفس الماركات ونفس الشغلات
عاالعموم برفع لك المضوع ان شالله يفيدونك البنات
الخبر كلها حلوة
شوفي هالموضوع صج انه قديم بس للحين يسولفون فيه عن الاماكن
وان شاء الله يفيدج
بيومين خلصت وااايد اشياء ماشاءالله
روحي فينيسيا مول ..
فيه واحة الجلابية .. خذيت منه طقم اول ليلة وايد ذرب و ناعم ..
و خذيت منه قمصان حلوة .. و عنده الارواب الحرير خامتهم حيل حيل حلوة
غناتي ..
اهوا كشك خذيت منه ست البخور و العطر و عطر فواحة جنه او خمرية مااذكر والله
و خذيت المرش
فيمي 9 ..
خذيت منه جم قطعة حلوو وايد عنده سوالف بس قلت بعدين ارجع على شهر 12
زهور الريف
خذيت منه مجموعات الجسم و فواحات و ليف .. كان عنده عروض حلوة بس و الله خذيت وايد منه
المجموعات كاملة شاور جل و شامبو شعر و بدي بتر و لوشن للايد و معقم للايد و عندهم ليفة للويه حلوة خذيت منها و للجسم
و مجموعة تيي مع بعض عطر حلوو .. يعني عنده سوالف و يسويلج خلطات
الماجد
طبعا ضروووووري تاخذين العاذرية يااااللله ذرب ذرب هالعطر ماشاءالله ماالوم البنات فيه
خذيت طبعا معاه البخور و المرش و عطر الفواحة
و عندهم عطر العروس بس مااذكر اذا شميته ..
و خذيت بخور من العربية للعود اسمه المبثوث اعتقد كان عندهم عرض
انا رايحة يومين بس بس ما قعدت ههههههه
و للاسف مرضت حيل ثاني يوم كنت منشولة و زادت علي و صار فيني حرارة ..
فرحنا الراشد .. دخت منه صراحة ماشاءالله كبيييييييييييييييييييييير و فيه وايد اشياء
و عندهم dune مال الجواتي تكرمون .. اللي موموجود عندنا و سألته قال صارلهم جم شهر مبطلين و موجودين بالظهران مول
و بالبحرين مادري دبي
بس همن ما خذيت منه لاني برجع الخبر و بطول فيها هالمرة
طبعا لازم تمرين الدهام و الحميضي حق الساعات عجيبين و في محل الماس حلووو و الله نسيته اسمه فيه حرف الزين .. موجود بفينيسيا .. بس تأكدي ان الماس و عليه كفالة
و بقولج على شغلة .. عيبهم الوحيد انهم يبطلون الصبح و يسكرون على اذان الظهر يعني الحين عالشتا يمكن يسكرون 11
و يردون يبطلون العصر .. يعني احنا تصروعنا على اساس من اول ما نوصل بنروح السوق بس الحمدلله همن خلصت وايد اشياء بيومين ماشاءالله
انا من كل قلبي انصح بالخبر .. المرة الياية يمكن اقعد اسبوع هههههه
الله يوفقكم دنيا واخره يارب
عندج فنيسيا مثل ماقالو محل واحه الجلابيات روووعه الاطقم البيضه ببلاش نسختهم تلقينها عند الطاهر وانور على٩٠
واهو نفسه اسمه فلور نفس المحل مال واحه الجلابيات بس واحه الجلابيات نصه قمصان ونالنص الثاني جلابيات
عنده طقم الارواب مال المعاريس هم نفس الطاهر انا شريت مالي ب٣٩ لقيته بالتنزيلات عند الطاهر ب٧٠وشي
عندج بعد الكوشكات ومحلات الاكسسوارات حلووه اخذت منهم اكسسوارات الشقه كلها التيجاان عجييبه عندهم وبناتيه
مجمع الراشد ماركات اذا بتاخذين احذيه ماوكه او جناط ماركه اخذت جنطه روووعه
فنيسيا بعد عندج فوق الاحذيه حلو تحصلين كم واحد ذرب والعمليات عندهم وببلاش
الماجد للعطور شوي عندهم فواحه العاذريه وفراوله ورشوش الببت وبعد بخورهم حلوو