|
بنات ساعدوني من جم سنه وضرس العفل مو راضي يطلع التحتاني يعني طالع نصه ما كمل واللي فوق اعتقد طالع من زمان ماذكر متى
بس هذا شكله بادي يعورني والله احس اللثه باديه تلتهب منه
مادري اخليه ولا اشلعه؟ ابي الحق على عمري لأن كلش ماتحمل عوار اسنان
انصحوني تكفون
فا دام يعورج شيله واذا تبين في دكتور بمركز رويال اللي بالمنقف هذا رقمهم شغلهم وايد حلو
ت: 23711155
لكن الحين خف العوار يعني يتراوالي من الشقه لأن بيطلع بس انا قاعده احاتي عوار بعدين!!
اختي تقولي خل يطلع كامل بعدين يخف العوار
تقول اهي ظل وياها اسبوعين تقريباً لين خف العوار
بتحمل وامري لله
تجاهلته .. وكل مايعورني أخذ بروفين
لما شب علي .. لي درجه ماقدرت أنام بس أبجي من العوار لثتي كلها تذبحني
وصادف يومها عطله يوم السبت فـ رحت الطوارئ .. قالت لي هذا يحتاج جراحه
لانه مايل نص طالع ونص للحين .. واذا ماعالجته راح يزيد علي وعلى قولتها ويهج راح ينتفخ
عاد عطتني مضاد حيوي ومسكن .. يمكن اروح اليوم او يوم الاحد عشان يحولوني بنيد القار
الا الضرس استغفر الله .. مافيه غشمره ..
و اخاااف من شيله الضرس
المفروض شايلته من سنتين بس اخااف و دايماا ااجل
انا اللي معور قلبي بسالسالفه ان اسناني اللي تحب خايفه تخترب من ضغط ضرس العقل