صحتي وسلامتي

مرحبا ابلات الروضه وجميع ابلات المنتدى

ابي تحضير للاسبوع الاول من صحتي وسلامتي مع الهدف العام وجزاكم الله خير

تعبت وانا انطر الموجهه

الضاميه شفييييج نطري تو الناااااس

انا والابلات اللي معاي ليلحين ما حضرنا بالدفتر مال هالاسبوع كاتبينه بورقه خارجيه وليلحين ما نقلنا شرايج

نطريني الثلاثاء اخلص اجتماعي مال الامهات واكتبلج اوكيك

صحتي وسلامتي حق مستي اول وغذائي حق ثانية الحياة ياانا دايخة واجتماع الامهات ملعوزني ياانتي ههههههههههههه

مشكورين بس انا مستعجله لاني ابي اجهز من الحين حق الموجهه

زلابيااااااااااااا وينج

السلام عليكم

طبعا احنا بمنطقة مبارك الكبير مطبقين علينا نظام بلوم الله يقطعه من نظام

ضيعونا اكثر والله

بس راح احطلج تحضيرنا

السبت
يتعرف على الحواس الخمسه
يصغي لنصائح الآخرين
يميز مجموعه من الأصوات

الأحد
يعدد أدوات النظافه
يستخدم أدوات النظافه الخاصه به
يستكشف أماكن أدوات النظافه في الفصل

الأثنين
يذكر أهمية الفرشاة ( صورة فرشاة )
يتابع تنظيف اسنانه قبل وبعد الأكل
يفحص أسنانه عند طبيب الأسنان

الثلاثاء
يربط العدد ( 2 ) بمدلوله من خلال مصادر الغذاء
يشارك بإعداد وجبة متكاملة
ينسخ العدد 2

الأربعاء
يشير الى الغذاء
يحرص على تناول الغذاء الجيد
يقلد حركة غسل اليد

هذا تحضيرنا

تكفون منو من منطقة مبارك الكبير ابي اعرف

بصراحه النظام اللي مطبقينه عندنا جدا سخيف في طريقة التحضير

والله حدنا ضايعين والأهداف اسخف من السخافه لو تلاحظون

ان شاءالله يفيدونج اختي

وسامحيني ع القصور

امبييييييه سامحيني نسيييييييييييييييت

والله حدي تعبانه

المهم … تره هذا تحضيرنا السنه اللي طافت والمشرفه امس ما جيكت عليه مادري شحقه !!!!

السبت :

يتعرف على اعضاء جسمه

الاحد:

يتعرف على الغذاء المفيد

الاثنين:

يربط العدد 2 من خلال ادوات النظافه

الثلاثاء:

يتعرف على صورة فرشاة من خلال اهمية النظافه

الاربعاء:

يتعرف على اهمية الفرشاة للانسان

السلام عليكم ورحمة الله وبركاته كيف الحال إن شاء الله دوم بخير ؟ أنا مو مدرسه بس بنتي اول روضهوابي منبه للدرس ادري بتقولون ليش بس مشتهيه اقدم خدمه لابلتها عشان تحب بنتي

تكفون ردوا علي

تسلمووون يااحلى ابلات

واحنا طريقتنا على نظام بلوم هالسنه

اها يعني انتي مثلنا

الله يعيننا

شرايج فيه يالضاميه

شنو بعد هالنظام!!!!

جنه مار علي يوم بالكليه؟؟؟

شسالفته جان زين تعلموني عشان انصدم قبل لا انصدم

الله يسلمج اهو مجموعه من الافعال
تقسمينها على ايام لاسبوع في التحضير

يعني خلاص تقولين حق كلمة يتعرف باي باي

مثلا الجانب المعرفي ينقسم حق 6 اقسام

اللي اهي
التذكر ، الفهم ، التطبيق ، التحليل ، التركيب ، التقويم
وطبقا كل قسم تندرج تحته مجموعه من الافعال

اما الجانب الوجداني ينقسم حق 6 اقسام اللي اهي

الانتباه ، التقبل والاستجابه ، التقييم والتقدير ، تكوين الاتجاه ، التنظيم القيمي ، تكوين القيم

ومثل اللي قبله كل قسم تندرج تحته افعال

اما الثالث اللي اهو الحسي الحركي نفس الطريقه

الله يسلمج

لازم ترتيبن تحضيرج على اساس تدرج هذي الاقسام وتاخذين الافعال منها

لو تراجعين التحضير اللي انا حاطته حق الاخت اللي طالبه التحضير بتعرفين الطريقه

طبعا اهو نظام جدا سخيف ويمكن انا ضيعتج اكثر معاي لأني انا اصلا مو فاهمته

وحياتج شغاله نقل من المدرساه اللي يمي