|
|
السلام عليكم …حدث حصل لي وبغيتكم تستفيدون خواتي تعرفون احنا الحين نعيش اجواء تصلخ تطيح الطير من السما بهالحر طلعت انا وامي قبل تقريبا اسبوعين الصبح وردينا حروة الظهر والا نشوف هالعمال اللي يشتغلون طاقتهم الشمس طق وعز علي منظرهم .تذكرت وحدة الله يجزاها خير ويخلي عيالها تسولف مرة بالصدفة تقول انا اطلع بالقايلة اروح الجمعية واشتري كرتونين ماي صحة واوزع على العمال اللي بالشارع .طبعا رحت وسويت نفسها شريت ووزعت على العمال وقلت بقلبي خالصة لوجه الله وحده وراها بيومين والله الشاهد تبشرني رئيسة قسمي اني اخذت امتياز لا واعلى وحدة بالمدرسة والناظرة اصرت تعطيني بالاسم حتى رئيسة قسمي تقول قولي انتي شمسويا ؟؟حبيت تستفيدون خواتي واحنا اهل الكويت اهل خير طول عمرنا جربي منتي خسرانة شي وتخيلي نفسج بمكان هالمساكين واحنا الحمد الله بخير ونعمة الله يدومها علينا ويحفظها من الزوال*
الله يعيـــنك دوووم عـــــلا فعل الطــاعات انشــالله
وجـــزاك ربي الــف خير
جزاج الله خير
ما شاء الله تبارك الله
الله يوفقك لأكثر من هذا بفعل الخيرات
خالصه لوجه الله سبحانه وتعالى
الله يبارك لك بالأمتياز ويكون بميزان حسناتك
بإذن العلي القدير
صج هالعمال الله يرحم حالهم
وييسر أمرهم المسلمين منهم
والله يهدي ويصلح غير المسلمين منهم
محتاجين للماي البارد
والقميص النظيف
والكبوس والطاقيه اللي تقيهم
من أشعة الشمس
وكل هالأشياء ما تكلف
بمية فلس
يا بلاش
300 فلس لكل عامل
خليها نص دينار
؟؟
ياااااااااا رب أعنا على ذكرك وشكرك وحسن عبادتك
يزاج الله خير