|
|
السلام عليكم
خواتي انا مشيمتي نازله حيل
و نايمه بالمستشفى من 5 ايام
خلاص عديت ال 15 يوم
و بعد ما اطلع من المستشفى عندي راحه تامه اقلها اقلها اسبوع
فاكيد ابي مجلس طبي
فشنو هذا و شلون ؟
الطبيب قال ان خطر الاجهاض قااائم لمدة شهرين
لان المشيمه ماراح تصعد الا لما يكبر البيبي و يرفعها براسه
و انا بس لازم انطر ينزل لي دم علشان ينوموني بالمستشفى هذا اذا طلعوني !
فشلون اذا احتاج طبيات اكثر من المستشفى ولا المجلس ؟
الله يخليكم ابي معلومات وافيه لو اقل معلومه راح تفديني
ويعرضونج على اللجنه واللجنه تحدد الاجازه
الله يسهل ويهون عليج وتقومين بالسلامه ان شالله
مشكوره على سرعة الرد و الكلام الواضح
امممم يعني انطر بعد اجازة الطبيب الي يكتبها لي بالتقرير و اروح المدرسه يوم اطلب المجلس
و اقزرها طبيات لين موعدي معاهم
و هم يحددون لي اجازه ؟
و اذا حددوا لي اجازه قصيره اقدر امددها ؟
تطلبين تحويلج لمجلس طبي من مدرستج وتودين تقرير دكتورج ( يعني لازم يكتب تقرير بحالتج انج تحتاجين راحه )
ومن المدرسه يدزونه المنطقه ..
وبعدين المنطقه يعطونج اورقه عشان تراجعين المجلس الطبي ..( وهل الورقه على ما تطلع يبيلج قولي اسبوعين )
والمجلس الطبي يحولج حق لجنه طبيه بمستشفى الولاده ياخذون تقريرج ويعطونج موعد( واللجنه ترى يعطونج موعد يالله شهر اييج موعد اللجنه مالتج )
وقت اللجنه ادشين على دكاتره يشوفون تقريرج وحالت .. وعلى اساسه يعطونج اجازه ولا لأ ..
ساعات يعطونج شهر ويراجع تراجعينهم ومددون او لا على حسب تحسنتي ولا لأ ..
واذا حالتج صعبه يمكن يعطونج من البدايه شهرين ..
ملاحظه :- ترى اللجنه تعطيج اجازه من تاريخ روحتلج للجنه يعني من ادشين على الدكاتره ..يعني طبياتج الي قبل الي اخذتها من طلبتي تحويل لجنه من مدرستج لما موعد اللجنه مو محسووبه ..
فعشان جذي طلبي هم لجنه تصديق طبياتج يعني لما اتروحين حق المجلس الطبي عشان يحولونج لمستشفى الولاده قولي ابي لجنتين لجنه طبية عشان تاخذين اجازه ولجنه ثانيه حق تصديق طبياتج الي طافت ولازم ابهل الحاله تكون صور طبياتج كلها عندهم ..
والله يوفقج واسهل عليج امورج ويحفظ الي ابطنج ..
اولا عسى الله يسهل عليج ان شاءالله امورج
ثانيا بالنسبه للمجلس الطبي …. اولا طبياتج اللي تقولين عدت 15 يوم اذا كانت من مستشفى حكومي راح يقبلونها لج
بس اذا خاص لازم اتحولين لجنه تصديق طبيات
و بعدين المدرسة المفروض دام عديتي 15 يوم راح اتحولج على طول مجلس طبي
و اذا ما حولتج مجلس طبي …. انتي روحي يم ادارة المستشفى و راح تلقين قسم خاص حق المجلس الطبي
و تطلبين تحويل حق المجلس الطبي ( لا تنطرين المدرسة اذا ما حولتج ) طبعا راح يقولون لج منو الدكتور اللي اتراجعين عنده ؟ و يدقون عليه و يطلبون منه تقرير حقج و عن حالتج و يقولون لما تخلص ورقتج اندق عليج تلفون
و بعد ما اتخلص تاخذين التقرير و تروحين صوب المجلس الطبي و اتقدمين التقرير و يحطون لج موعد .. و مو شرط الموعد يكون بعيد ..لانه على حسب حالتج يحددون الموعد .. يعني يمكن بعد اسبوع او اسبوعين حسب الحاله
و بعدين تروحين الموعد … و يشوفون الدكاترة تقريرج و ملفج و يسالونج اسئلة … و يحددون اشكثر تحتاجين راحه .. و لازم تردين تعتمدينها من المجلس الطبي الاساسي
بعدها يعطونج موعد ثاني و يشوفون حالتج اذا محتاجه تمديد او لا
اسفه طولت عليج … بس صارتلي نفس القصه … الله يكون في عونج … و عسى الله يسهل امورج ان شااءلله
سلااااام
فصراحة عطيييييييييييييييييييييييييييييت المدرسة طاف
ومستحيل احد يقرب يمج…
كنت اخذ مرضيات مرو من دكتورتي…مرة من طبيب المستوصف…
واوال ما كملت 15 يوم غياب متواصلة حولوني لمجلس طبي
والمجلص الطبي اخذ تقرير دكتورتي وشرحت لهم ظروفي
والحمدالله اجازوا لي الغياب الي طاف كان تقريبا واصل شهر وفوقه عطوني شهر…
وعقبها كان الكورس بيخلص وانا تطمنت على نفسي وداومت
وبس وخس وسمبوسة
وماتشوفين شر
ورحت لما خلص شهر وسوه لي شهرين وبعدها ولدت
لان سمعت انها قشران ومايعطون ويه
زين يصير اعتمد طبيات الفصل اللي طاف؟
انا حملت وتعورت بس اخذت طبياتي من المستوصف وما اخذت اجازة لان من غبائي مافهمت انه عوااااار الا متاخر طول الوقت عبالي دورة ومن التعب مطولة
بعدها مسكني ظهري وقمت اغيب لحد ماصار غيابي 57 يوم
وراجعت رواتب الوزارة قالولي خصمج 870 دينار تخصم من رواتب العطلة!!!!!!!!!!!!!!!!!!!!!!!
والله قهر
طبعا تقاريري خرابيط بالحكومه مسخره و بالخاص عندي عمليه بعد جم يوم مادري شلون اتصرف !!