شنو مشاعركم وقت الخطبة ؟؟ مخطوبة وخايفة نصيحتكم خواتي !! الله يطمن قلوبكم !

السلام عليكم ورحمة الله وبركاته

الله يعطيكم العافية خواتي

تكفون طالبة نصيحتكم

تكفون قولولي شنو مشاعركم وقت الخطبة ؟؟ وشنو سويتي ؟؟

انا مخطوبة وعمري 30 سنة .. وللحين ما تحدد موعد الملجة

حدي احاتي وخايفة .. وفيني بجية !!

احاتي الريال .. احس للحين ما عرفته عدل .. ما ادري اختياري صح والا لا .. مادري نصلح لبعض والا لا ..

تونا مخطوبين .. كلمته مرة وحدة قبل الخطبة .. مبدئيا تمام .. بس خايفة !!

اللي يشوفني من داخل يقول هذي وحدة غاصبينها على الزواج .. احساسي مستانسة على خايفة .. ساعات ودي يطلع شي يكنسل الموضوع عشان ارد على وضعي و انسى هالخوف !!

احاتي الريال .. احاتي اهله .. مجتمعه .. حشى تقولون الريال ياي من المكسيك هههههههههههه

مع اني اجتماعية .. اسولف مع الغرب عادي .. بس فجأة الحين احس متنحة ..

بعيش في بيت ثاني .. مع ناس ما اعرفهم .. امبي شلون؟ مكاني ابيه .. ابي اهلي ..

تكفون كلموني .. شنو مشاعركم وقت الخطبة ؟؟ وشنو سويتي ؟؟

يارب الله يتمم. علييييج. ويوفقج ويكوووووون. زين. لج يارب. ولا تحاتين. واقري سورة البقره. واستغفري. وشي طبيعي الي تحسين. في
بس. كثفي دعائج ان الله يسخره لج وحطي صدقه كلما حسيتي بالخووف. حبيبتي الف الف الف مبروووووووك. ��������

بالعكس مافي شي له داعي للخوف هذي سنه الحياه وانتي مو صغيره بمرحله المراهقه علشان تخافين يا قلبي
عجبتني ياي من المكسيك ههههههههههههههههههههه
توكلي على الله وانتي اعتمدي على سؤال اهلج عنه واذا لج معاه نصيب بتاخذينه الله يوفقج ياارب

اي شعور طبيعي هذي حياة جديدة كاملة مو فترة وتنتهي
استخيري ولاتفكرين وايد حاولي اتحبينة

مووووووفقة

بالعكس شعوور حلو وماراح ينساا

نفس هالاحساس يجيني

انا مالجه وتجيني نوبااات اكتئاب وخوف قمت اتحاشى اقعد بروحي

احسن نصيحة ممكن انصحج اياها اهيا انج تسكتيين و ماتقولين لاحد نهائي حتى موضوعج غلطه
لان العين حق و تقبس و تخرب
الرسول عليه الصلاه و السلام قال استعينوا بقضاء حوائجكم بالكتمان
وقال: وخير الامور ما احيط بالكتمان
اعرف وحده وايد تسولف و تتحجى كلشي تمام يبيها و تبيه يوم قص المهر تهاوشو و هداها والحين كبرت و على حطتها
عن نفسي وايد اتوترر كل مره و اضعف مااكل لما انخطب شي طبيعي
بس تقربي من ربج و حصني نفسسج وادعي اذا خير و سعاده يزوجج اياه و اذا شر و تعاسه يبعده عنج

مشاعر طبيعيه

عااادي كلنا مرينا بهالشي

وخفنا وحاتينا وبنهايه سهالات

توكلي علي الله وذكري ربج ذكر الله راحه

ومبروك ياعروسه منه المال ومنج احلي كتاكيت ؛ )

الله يوفقج و يتمم عليكم يا رب..توني صغيره ما انخطبت مأجله لموضوع لورا التخرج ان شاء الله

عادي كلنا حسينا بهالاحساس
وحبيبتي نصيحه بهالفتره اقري قرىن وايد عشان الله يوفقج ويسهل امرج و يباركلج بهالزواج
وعشان تهدى نفسج وتتطمنين
لاتحاتين الله يجعل اللي فيه الخير ان شاء الله واكيد بتخافين لانها مرحله انتقاليه من حياة لي حياة ثانيه مختلفه تماما
من الدلع واللا مسؤليه لي بيت وزوج وحموله وان شاء الله عيال
اتفائلي واهم شي انكم تسئلون عدل عدل عدل عن الريال

الله يوفقج ويتمم عليج

ويكتب لج الخير

للحين مو متزوجه

بس شي طبيعي علشان ترتاحين اهم شي يكون في بينكم توافق سواء كان اجتماعي ديني مادي الخ

وثاني شي شخصيه الخطيب درسيها عدل علشان تتفادين المشاكل بالمستقبل في سيديات حق الدكتور صلاح الراشد وااااايد احس مفيده لج انج مقبله على حياه يديده احس هذا شي مهم تسمعينه قبل الزواج يعلم المرا شلون تتعامل مع الريال و شلون الريال يتعامل مع المرا وهم يعلمج شلون تتعاملين مع مصاعب الحياه وااايد عجيب

اسمه وقفه مع الذات تقريبا فيه 13 سيدي

للاسف ما اعرف المكان بالضبط بس بحثي عنه اهوا اعتقد بحولي

غير هذا ما اشوف في شي يكون مهم

ودايما ادعي

اللھُم إني وكلتك أمري ، فكُن لي خير وكيل ، و دبر لي أمريّ ، فإني لا اُحسن التدبير

كثري من الصدقات وبالاخص صدقه السر

صدقة السر تطفىء غضب الرب

وكثري من الاستغفار

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ، وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ )

وقولي

حسبنا الله سيؤتينا الله من فضله إنا إلى الله راغبون

والف مبروك

مشكوووووووووووووورين خواااااتي

الله يوفقكم ويرزقكم كل اللي بخاطركم يا كرييييييييييييم

ما تتصورون شكثر ردودكم اسعدتني وشرحت صدري

الله ييسر دربكم ويسهل اموركم