شنو شعوركم من نظرة الناس حق عيالكم؟

انا الصراحه تنبط جبدي لان في ناس ماعندها اخلاق
يعني لمن اطلع مع ولدي ونروح مثلا السوق او الجمعيه
يصارخ بس على لعب لان وده يتكلم وموو قااادر يبي يوصلنا
معلمومه ان مايبي العربانه يبي نوقفه ونمشيه خصوصا لمن
يشوف يهااال يلعبون ويركضووون واااااااااااااي هالايام
صرت ما اتحمل اشوفه جذي يكسر خاطري خصوصا لمن
يعظ ايده حيل احس قلبي يعورني واقعد ابجي
وادعي ربي ان يشفيه بسرعه
وفوق هذا كله الناس مادري اشلون صايره اللي يتحلطم
واللي يتأفاف ولي يخززز بنظرات خاااايسه
يعني تخيلوا انتوشكثر متضايقين على عيالكم
وفوق هذا كله الناس ونظراتها
الله يشفي عيالنا كلهم ياااارب وبأسرع وقت
ويفرحنا فيهم

أي والله صادقه الناس عليهم نظره أول كنت عادي بس الحين ماعاد اتحمل ماأحب نظرة الشفقه وكأن بنتي جايه من كوكب ثاني سبحان الله مع أن الناس تطورت وتعلمت أقصد ماعادت الإعاقه هاذاك الشي الغريب والله لي أكثر من4شهو ماطلعت لغير بيت أهلي أحس أني ماعاد أتحمل حتى حمولتي ماعاد اروحلهم احس اني اذا قعدت بالمجلس الأنظار كلها علي انا وبنتي والي يقول لاحول ولاقوة الا بالله ,الله يشفيها ,الله يصبرك ,وراها كذا ,والاعاد اذا تشنجت تعالي شوفي خليها على ربك على قولتهم لاتشكيلي ابكيلك بس الحمد لله لعله من الإبتلاء
انا مااقول ماأبي أحد يدعيلها بس بعض الناس يضايقك بطريقته ويلفت الأنتباه
والله ان بنتي تسوى الدنيا ومافيها وماأقدر ابعد عنها لوساعه
الله يشفي بنيتي ووليدك ومن اشتكى من المسلمين ويرزقنا الأحتساب يارب

يارب يقر عينج بشفاء وليدج
والناس أجناس والصراحة أغلب المجتمعات العربية تلقين فيها الشي هذا من تخزز وتأفف .

بس انتي كل ما صادفتي هالأشكال عطيهم طاف من قلب
وخزيها مثل ما تخزج.

أم نونة وسمسومة الحبوبة00
الحمد الله على كل حال والله يعطيكم الصحة والعافية ويعافي عييلكم اللهم آمين00
ماتنلامون يابعد قلبي من نظرة الناس اللي ما ترحم ،بس صدقوني مثل ما قالت الحبيبة الصابرة عطوهم طاف ولا تهتمون لهم ولاجنهم موجودين وشوفوا عيالكم يشبون وطيبوا خاطرهم00
واللي مضايق ومو عاجبه يترك المكان واللي يسأل ليش وشحقة قولواله الحمد الله على كل حال ،ولا تحترون أدري أنه ضنه وغالي ودكم اتشوفونه بأحسن حال بس لاأعتراض على أمر رب العالمين ، والله أعلم باللي ابتلاه والله مع الصبر لكم أجر كبير والصبر يفتح أبواب الجنة تذكروا هالشي 00
والله يشفي عيالكم ويخفف عليكم ، ويبعد عنكم اصحاب النفوس ضعيفة الايمان

لا تنبط جبدج ولا شي .. هذا أنتي قلتي ما عندها أخلاق .. وولدج خليه براحته
ولاتتضايقين عشان الناس .. وأنتي حاولي تفهمينه قبل لا يحتر ويعظ روحه .. صدقيني هو يحس
فيج وبتعابيرج أكثر من أي شخص ثاني فيا بعد قلبي أنتي لا ترفعين بصرج في بصرهم
وتحاشي عينج تسقط على عينهم واللي يتافف عطيه نظرة يفهم من خلالها أن عيب يا اللي سويته
(( من راقب الناس مات هما ))
وعسى الله يفرحج فيه مشافى معافى

لا فديتج لا تسمحين لنفسج بهذا الشي .. ولا تقوقعين على بنتج الحياة وتحصرينها بهذي الطريقه
أفا عليج بس يا اللي يدعي لها أبتسمي له وقولي له مشكور وخلي يسكت لأن في ناس يحسبونج أنج ما سمعتي
فيقعد يردد ويعيد ويزيد بطريقه تلف افنتباه وهذا الشي صادر من الناس اللي كبار في العمر يمكن
أما أنج تحكرينها وتحكرين نفسج هذا مو زين لج ولا لها .. طلعيها تشوف الحياة
ومثل ما قلت للأخت أم نونه بقولج

مشكورين حبيباتي أم عزوز ومباركيه جعلكم يارب ماتحزنون على غالي

انا والله اطلع ولدي واوديه معاي كل مكان
ومطنشه الناس بس يبطون جبدي
اسوي روحي عادي ومو مهتمه جدامهم
بس بيني وبين نفسي اتضايق

السلام عليكم
انا من اودي ولدي السوق والا الالعاب لازم يتعسر و يعصب و يصارخ على شي تافه و ما يعطيني فرصه اساحله بالمرررررره و انا ساعات اعصب و يحتقن ويهي و تدمع عيوني و الحريم لا يعلقون و يهدون شغلهم و يطالعوننا و ساعات يعطوني نصايح و انا ما اتحمل كلششششششششششششششششششششششششششش صايره ما احب اوديه معاي مكان لانه وااايدد عسر

لا حبيبتي ام سعد
حرام تقعدين ولدج بالبيت والسبه الناس
صج ان انا اموووت من القهر منهم
وتنبط جبدي من نظراتهم بس مع هذا اودي ولدي
لان يكسر خاطري مايقدر يقولي مثل باجي اليهال ابي
اطلع ابي اروح الالعاب بس انا افهم نظراته عدل وادري
شنو يبي الحين صج الناس نظراتهم تقهرني
تخيلي هذاك اليوم ولد عمتي شنو قالتي
قالي هذا اشلون اتطلعينه من البيت
بط جببببببببببببدي وقلتله ليش وحش
انت الحين على وشك وتصير ابو وراح اتعرف يعني
شنو الضنى بالنسبه لك
صج حز في خاااااطري واااااااايد وقلبي قام يعورني
على ولدي حبيبي بس مع هذا بالطقاق مو مهم الناس
حتى لو كانوا اهلي المهم عندي ولدي ونفسيته

هلا ام سعد وليدي يمل بسرعة مايحب يقعد بالمكان واجد فعرفت شنو يبي على طول بس أحس انه مل أرد البيت لأني محسبه حسابي إن الطلعة حقه .
وانتي لاتعصبين وحاولي كثر ماتقدرين تمسكين نفسج ماعليه ياقلبي حاولي مرة ومرتين أدري إنها صعبة شوي عليج بس مع الإستمرار راح تنجحين وخلج قوية ولا تنهارين جدام الناس .

كلامج عين العقل ياالست الناظرة

حبيبتي ام سعد افا عليج هونيها وتهون
صدقيني انا وليدي لما كان صغير وكنت ما عرف شنو اللي فيه كان شي يصرخ وينسدح بالقاع ومو عارف يوصل اللي يبيه وكنت هم اطلعه ومن عرفت اللي فيه زادني هالشي اصرار اني اطلعه واخليه يتاقلم وانا اتاقلم معاه وامشي على هواه
والناس تجاهليهم واللي اطالع خزيها لما تنزل عيونها واللي تنصحج تقبلي وضحكي
واهم شي توسعين صدرج وولدج يكون اهتمامج الاول

الله يامشاعل بدعتي

الله يصبر قلبج وقلوب كل الأمهات يا أم سعد .. ما قصروا خواتي الصابرة ومشاعل
وعسى جزاج وجزانا الجنه اللهم آمين

الله يعينا ويزيد من صبرنا