شنو شروط المعلمة المتميزة ومتى

شنو شروط المعلمة المتميزة ومتى يطلع الترشيح والاسماء
بسرعة

للرفع مساعده للمعلمات

واللة ياحبايب الشروط الى حاطينها غير والى يطلعونهم غير
وكانت فية مدرسة كثيرة الغياب
يعنى بالاسبوع او الاسبوعين لازم تغيب على الاقل يوم ومع ذلك خذت تميز وين العدل باللة عليكم
يبة يامامبدعات ماخذو تميز مابى احبط بس هذا الواقع الى صاير عندنا
يعنى معقولة الاعمال الممتازة مثلا ماتنزل لناس تكرف وتتعب وامتياز دايم ياخذون واخير شئ بعد الاستفسار لقو الناظرة معطتهم 92
موظلم مع ان هالمدرسة هى عمود الروضة معتمدين عليها فى كل شئ

ما ادري والله

الشرط اهوة لي حبتك عيني ما ظامك الدهر وانج تكفخين الطفل وتهملينة وتذلين عمرج للادارة وتهملين بيتج وزوجج وعيالج وتقدمين انشطة علي حساب الطفل المسكين اللي مايدري وين اللة قاطة

للعلم انا كنت ابلة روضة واستقلت قعدت البيت ابرك من الذل والكراف

الشروط انج اربعه وعشرين ساعه بمكتب الناظره وانج تصيرين فراشه عندها ولا تنسين بكل مناسبه هديه والحلو والقهوه والجاي على الاقل بالاسبوع مره .. وراح يطلعونج دورات ويعطونج امتياز حتى لو انتي ما تعرفين صفج وين صاير وراح يرشحونج وابشري بالتمييز هههههههههههههههههههههههههههههههههههههه
سوري ادري موضوعج جد بس انا هذا اللي شايفته مع اني توني صاير لي ثلاث شنوات بالتدريس بس شفت بلاوي ههههههههههههههههههههههه

(((( لا تقلبين علي المواجع يا مودموزيل )))
ناس تترشح للتميز بكل بساطه واهما ما يستحقووووووون التميز ….
وناس تكرف وتسوي كل شي في سبيل الرواضه ….والتميز يصير من المستحيلات عليهم ….
ما قول الا حسبي الله ونعم الوكيل …
واللي خذو التميز واهما يستاهلونه صج ,,,, ياعله عليهم بألف عافيه

ما يضيع عند الله التعب والتميز بالاخرة الدنيا زايله

صدقتي يا خنساء
هالكلمة والله تشرح الصدر
يا خواتي احتسبوا الاجر عند الله
والله مايخيب رجاكم يارب

الشروط خذيتهم من عضوة هني بموضوع مشابه مادري منو بس شوفوها