شنو حكم الي يغير كلامه بعد الزواج ؟

طبعا قتله اعتبر هالامور شروطي واذا عندك مانع بأي شرط خل نأجل موضوعنا عشان لا تتعب معاي ..
وطبعا كان مقتنع ومتقبل كل هذا وبكل معنى القبول والفرحه .. قالي اصلا عااادي انا ابيج مثل ما انتي وانا راضي بكل هالاشياء ولا تحطين فبالج اني اغير كلامي ..
قتله اكيد يعني مايتغير هالكلام .. قالي اكيد اخذيها كلمه ومن هالكلاام يعني

بس المشكله يا بنات ان قاعد يتحلط عاللبس وانا والله والله ما البس ضيج او قصير بالعكس حتى مكياجي وطريقة حجابي محترمه .. طبعا من خذيته لزمني عالعباه لما اروح لاهله وانا علشان كنت توني متزوجه قلت لا اسويها سالفه عادي ووافقت .. والحين يتحلطم عالطباخ ليش وليش وليش .. والله ان حتى من الطلعات مانعني وانا ما اطلع كلش يعني عادي يمر الشهر وانا قاعده ما احن عالطلعه ولاشي ..

ابي اعرف شسوي الحين ؟؟؟ الله يخليكم ساعدوني ؟؟؟ انا يمكن لاني كنت مدللـه شوي فبيت امي فمووقاادره استحمل هالقوانين والتحكم العجيب والزعل والمشاكل .. انا ما ابي اهدم بيتي .. انا متمسكه بزوجي واحبه ..
اللي ابي اعرفه اهوا شنو الحكم بالاسلام على هالشي .. على زوجي اللي قبل لا اخذه وافق على شروطي والحين مو راضي ؟؟ وانا ما كتبت بعقد الزواج الا شرط الدراسه …. بس حدي متضايقه وربي شاهد احس اني مظلومه ….

واسفه عالطواله