|
|
السلام عليكم
بنات شلونكم
ودي ودي افهم شنو الطلق
انا بديت اتصرووووع و اخاف
الله يخليكم شرحولنا الطلق و من وين يبدي و وين العوار.gif "Eh S(16)")
نفس الماغص او الام الدوره
يعني تحسين بمغص مثل المغص اللي يجي وقت الدوره وقت الدورة الشهريه .. وتزداد حدة هذا المغص مع الوقت ..وألام بيكون في البطن ومو فى اي مكان ثاني .. وبداية الالم بيكون شويات مغص صغيره في كل مدة وبعدها بيتقارب الوقت بين كل مغص والثاني وبتزداد حدته وفي ناس شوية ألم بالظهر .
والطلق يا اختى راح تعرفين انه طلق عالطول … مو بس ألام ولكن سبحانه راح تعرفين من الله
وممكن ما يجيك طلق .. وتنزل ماء الرأس وبعدها يبدأ الطلق
اتمنى أكون أفدتج وجاوبتج شوي عن التساؤلات اللي شغاله بالج
الله يسهل لج الولاده ويفرح بالمولودك
انا اولاد قيصريه
بس يقولون انه الطلق عوار بالظهرر ومغص بالبطن
بديت اتصرووع ههههه
انا جربت الطلوق لما اجهضت سبحان الله جاني طلق
وامي والسستر يسالوني شنو تحسين فيه طلق؟؟
اقولهم شنوو يعني طلق!!
حسيت بالعوار من ١ الفجر ومارحت المستشفى الا ٥ الفجر
ما ادري انه طلق !!
بس انا اقولج شنو شعوري او شنو اهو
انا كان الطلق ابطني….. وظهري ماعورني كلش!
مثل ماغص يلويج لوووي <<< حق التخريع
يروح ويرد يروح ويرد
اقعد اسووولف مافيني شي فجأه الا بطني لاويني
واذا جتني الطلقه وانا واقفه لااازم اجندس ما اقدر افرد ظهري
واذا جتني وانا منسدحه لاازم ارفع رجولي يعني اثني ركبي
ماااا اقدر افرد نفسي
وجتني الطلقه وانا توني راكبه السياره ماا قدرت امد ايدي اسكر الباب
وبعدين قالتلي الدكتوره بنعطيج طلق صناعي عشان يطلع البيبي
بس لما دريت انها جذي الطلوق وهذا كله طلوووق
قلت برتاح شوووي نص ساعه ع الاقل بعدين عطوني ههههههه
لانها صج صج متعبه
والحمدلله الله فكني ماعطوني صناعي طلع بروحه
وجنى خررررعتج @@
انا بجر نفسج
وحدي خاااايفه ونذله ابي اخرعج معاي ههههه
بس تعدي تعدي باذن الله وان شاء الله طلوقج ساعتين وتولدين بالسلامه
راح تعرفينه ههههههه اذا يالج
بس عوار مو طبيعي عوار بطن
جنه بطنج بيطرد الي فيه الي اهو البيبي
ضغط قووي قوووي قووي
عوار ما تتحملينه
و الله يسهل و يهوون عليج
عيل فالتجمع مستقويه علينا الحين طلع الخوف ..
انا قالوا لي ان الطلق نفس الم الدوره بس اقوا وتحسين بحروره في ظهرج ..
الله يهون عليج وعلينا ويفرحنا بشوفه بيبياتنا ان شاءالله ..
نفس الدوره الشهريه بس اكثر ولها وقت محدد
يعني الطلقه تروح وترد
بالمعنى الصحيح تميزين الالم انه غريب وجديد
مو نفس الدوره الشهريه العاديه
كان الالم كله بالظهر
وحده عن وحده تفرق
وصعب ينشرح لانه من ايلج بتعرفين اهو طلق بس من بعد فتره انتي اساسا صعب توصفينه لنا
سبحانه الله شي ينسي بس تتذكرين انه مؤلم وبس
ويختلف تركيزه حسب وين يتركز العوار عندج بالدوره مثلا انا طلقي كله بريولي وظهري
انا مستغربه من شغله!!!
الكل يقول عوار الولاده والطلق مثل الدوره !!!!
لاااا مو نفسها ابدا ابدا ابدا
الدوره تحسين انج منغثه ولوعه وصج عوار ابطنج
بس فررررررق ماكو وجه شبه !
يختلف حبيبتي من وحدة للثانية
انا بدا علي مثل المغص حسبالي محتاجة الحمام
بعدين زاد صار عوار بالظهر والبطن متوااااصل ما كان يروح ولا ثانية
آلام مثل التقلصات والبيبي يضغط من تحت