شنو الحل مع الزوج الي ينقل كل الاخبار حق امه ؟؟تكفوون دشو!!

السلام عليكم وخواتم مرضيه

خواتي الغاليات ابي مشورتكم
ادري فيه منكم حكيمات برايهم

سالفتي باختصار زوجي اذا راح حق امه مايبقي شي بقبله الا يقولها

ودايما تصير المشاكل بيني وبينه وبين امه بسبب هذي العاده الماصخه

اي شي اقوله له لازم يوصل امه

زوجتي عزمت رفيجتها >>تدق ليش ما عزمتيني مو بيت ولدي وش حقه تعزمين ناس غرب انا ماعرفهم

زوجتي عرفت انا نزلت لي زياده >>طبعا من قبل هي موصيته ديربالك زوجتك تدري انها نزلت لك زياده>>تدق منو وصلج وشكو تجسسي بولدي مالج حق تعرفي عنه كل شي وووو الخ كله كلام يسم البدن والمشكله اذا دافعت عن نفسي تقول حق ولدها زوجتك رفعت صوتها علي وطولت لسانها ورفعت لي الظغط

زوجتي قالت انها تبي اييب حليب حق بنتي >>تدق ليش ماترضعينها من صدرج ماتبين الا تخسرين ولدي هو ماعنده وحالته تعبانه جم معاشه اجار ومصروف ووووو مافي حليب رضعيها من صدرج ...ارضعها من صدري بس هي ماتشبع وكله تبجي وطبعا سمع كلامها وتعالو شوفو بنتي الحين عمرها 7 شهور ووزنها 4 كيلو قاعدها اكلها بس هي محتاجه حليب وتدرون مع رمضان كلش نشف مني الحليب ومع المشاكل والحاله النفسيه

زوجتي قالت تبي ملابس <<شكو تبين تخسري ولدي عندج الكبت متروس ماتبين الا الموضه قاعدين يسمعونج الحريم ماجنتي جذي من قبل مع العلم والله والله ياخواتي ان اغلب ملابسي من ملابس ايام عرسي قبل 6 سنين وهي عارفه بهذا الشي بس ماتبي ولدها يخسر

زوجتي قالت تبي تسافر تشوف اهلها >>تدق شكو تسافرين انا قعدت من اهلي 15 سنه ماشفتهم
اصبري ولا تقعدين تلعبي بفلوس ولدي ملابس وتذاكر شنو بيكفيكم هدايا وتذاكر اعقلي

زوجتي قالت انها ماتحب تجي عندكم >>>ليش ماتحبين تيين عندنا شنو سوينا فيج وكلام ماله داعي ينقال مع انهم ما يحبو احد يروح عندهم الا في ازواره الرسميه الجمعه واذا رحت غير يوم يقعدو يقطون علي نغزات اليوم مو جمعه وليش زوجج تاخر نبي ننام اووووووووووف والله مقهوووره
هذي السالفه قبل جم يوم قلت له ابي اطلع شووي قال بوديج عند امي قلت له لا مابي صراحه ما اخذ راحتي هناك بسبب وجود اخوانك وتضايق لما عيالي يزعجوهم يمدو ايدهم عليهم ويعورني قلبي وراح قالها ماتبي تيي عندكم

واذا في يوم غيرنا وطلبنا غدا او عشا من برا وراح تسأله شنو تغديتو يقولها طلبنا من برا>>تتصل خففي على ولدي اطبخي بلبيت ليش تطلبو من المطعم بفلوس وانتو على اكل ببلاش انتي ماتخافين الله ولا تحمدي ربج على النعمه ماتبين الا المطاعم مع العلم والله والله اني كله اطبخ بلبيت بس اذا كنت تعبانه واو حبيت نغير في الشهر مره مو اكثر وعزمه من فلوسي ادري فيه بخيل وهم يرووح يعلم

وتعالو شوفو لما تدق علي ورد عليها ادافع عن نفسي
تروح حق ولدها زوجتك رفعت صوتها علي ما حترمتني طولت لسانها طلعت فيني الضغط
وبعد شوفو هو شلون يقلب علي

اخر سالفه صارت قبل اسبوع دقت علي وزفتني وسكرت بوجهي يعلم الله اني ما غلطت عليها بس ادافع عن نفسي وراحت قالت له زوجتك ماتحترمني وووووو
ويرد زعلان حتى سلام ما يسلم حاولت اراضيه واحاولت ومو راضي لحد الان

قولو لي شنو الحل مع اني ناويه اروح باجر واعتذر من امه مع اني مازعلتها بشي والله ادرى بكل شي صار بينا بس عشان يرضا هو علي

الحين ابيكم تعلموني شلون خلي زوجي يقلع عن هذي الطبيعه ابيه يتركها نهائيا
مره ناقشته بهذا الموضوع وقلت له هذي امك على عيني وراسي بس مو كل شي اقولك تروح توصلها شوف المشاكل كلها بسببك
وحط بباله اني احرضه من امه وراح قالها شنو قلت له وقالت لي انتي تبين تبعدين ولدي عني وانتي وانتي ومن هذاك الكلام الي سم البدن
صراااحه كرهوووني بلحياه
ابي اقولكم شغله انا في البدايه ماكنت اطلب منه شي كنت استحي عقب الزاج
وبعدين كنت بروحي وكنت راعي ظروفه بس الحين تغير الوضع صرنا عايله 4 يهال وانا وهو
لا يبي ييب لنا ملابس ولا سكن مثل الناس ولا ولا وحالته زينه بس هو وامه يدعون الفقر
وهو بخيل حيييل
وفوق هذا كلمت امه لازم تمشي في حيتنا سوا كانت صح ولا غلط

الي عندها خبره لا تبخل تكفووووووون تكفوووون

واخيرا نزل الوضوع

الله يعينج

خل ينقل دام انني واثقه من نفسي

شكووووره

مشكوووره
المشكله قاعد يسبب لي مشاكل ويا خالتي وهي من ابسط شي تسويها سالفه وزعل

ويييييييييييييييييييع
الله يكووووووووون بعونج انا تنرفزت

الا ويعتييييييييين

مشكوووره

الله يعينج عليهم ريلج وامه صج ينرفزون

صايره جنها ماري منيب بالافلام العربيه
لما تتنيحس علا مرت ولدها
نصيحتي لج
كلمي ريلج بهدوء وقوليله انه اهو قاعد يخرب العلاقه
بينج وبين امه والسبه تنقل الحجي

وذا يحبها لايغثها بسوالف ترفع ضغطها
تعاليله من صوب انج خايفه علا امه وعلا زعلها
شكله متعلق فيها حيل
او كلمي واحد كبير بالعايله يشوف حل للموضوع

استغفر الله لوتموت ارحم لج الله يهديها

اااااااااااااااااااااااااة ببجي
شهالحياة صرخي عليه يمكن يخاف والله مبين يخاف من امه ولا على باله بر الوالدين جذي انا اعرف كلام الخالات ووويع

الله يهديهم

كلمته والله اكثر من مره بس ماكو فايده
امه هي راس العايله وهومن بعدها

ترآ كلنآ جذي في بدآية آلزوآج تقريبآً
وآلكرآهية مو مآنبي آحد يدري لآ بس فيه آمور شخصيّة
شوفي آذآ زوجج صعب آلآقنآع آن حنّآ لنآ حيآتنآ
تعآلي له فوق تحت
شلون ؟
آنآ آقولج وآجد ريآجيل مآيتقبلون سآلفة حيآتنآ لهآ خصوصيتهآ وشنو تبيني آخبي على آمي !
ويآخذونهآ من بآب بـ تفرقين بيني وبين آهلي !
مآلج آلآ هـ آلحل
على يوم سولفي عليه آي سآلفة وقولي شي خآص فيج آنتي ويآه حيل
مثلآ ً يوم رحت لـ خوآتي قلت لهم آنّك تحب تسوي هـ آلشغلة وطلعآتك لهـ آلمكآن
آشيآء خآصة يعني
هو آكيد بـ يكره هـ آلشغلة هنيه آبدي بيني له على عيني ورآسي مآعآد آقولهم
بس آنآ عبآلي عآدي مثل مآ آنت تقول كل شي عآدي آنآ آقول كل شي
تصدق يوم قعدت آتكلم عند رفيجآتي آو خوآتي قآمو يقولون لي نصآيح شيطآنية
آلنآس جذي مآ يعرفون شي عن حيآتنآ وطبآيعنآ ويوم قلت عن حيآتنآ حسيت نصآيحهم بـ تخرب حيآتنآ
بـ جذي آنتي ضربتي عصفورين بـ حجر
لآ بينتي له آنّج مآتبينه يقول كل شي و وصلتي له فكرة آن آلحيآة خآصة تبقى خآصة وآلآ ليش سموهآ حيآة خآصة !

حالته مستعصيه جدا الله يصبر قلبج

اللي قااالته مطيريه ماركة نفسسسسسسس اللي بقوووووووووله