شنو الأعراض الغريبة اللي صارت معاج؟؟؟

سؤال للي عندهم خبرة ؟؟
شنو الأعراض الغريبة اللي صارت معاج قبل لا تعرفين انج حامل؟
يعني شنو الاعراض اللي صارت معاج وما توقعتي تكونين حامل ؟
مثلا في بنات يقولون صارت معانا اعراض الدورة (الم في الثدي والم في البطن و الظهر مثل الدورة-انتفاخ و تصلب في منطقة الرحم ………….الخ)
بليز فيدونا

اشدعوة وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اي صح انا احس بعوار مثل الدوره بالضبط وازهب لها وحالتي حاله وانطرها اكثر من اسبوعين ماااكووو واخر شئ احلل واعرف اني حامل والحمدالله على كل حااااااااااااااال

انا قبل لا اعرف اني حامل أول حملة لي مااادري شفيني ما اشتهي آكل كلللش

طبعا هذي غريبه علي ههههه ، و غيرت اكلي قلت يمكن مليت ، ومااااكو فايدة مصرة

اصير رشيقة ، عاد خفت من الرشاقة و قمت اغصب روحي وآكل من كل شي شوية

علشان اخاف ايوع

وبعدين جلدي صار حساس حيل ، لو أحك حكه خفيفة جذي أو أي شي يزلغني بالخفيف

ألقى مكانه منننننتفخ حددده ، والبلا ان اي شي يحكني اذا حكيته عقب ثانيتين يصير

المكان خريطة وجنه شخابيط بس متفخ .

عاد عقبها حللت و طلعت حامل وكل هالسوالف قالت الطبيبة من الحمل

وحمالي الثاني مادري شفيني جلدي حرشف ، صرت ألوع الجبد من الخشونة ولمعة جسمي راحت

من يوم شفت نفسي جذي قلت هذاااا بلا بوك ياعقاب ، عرفت اني حامل

وسلامتكم

انا احس الم بصدري……..وجبدي لايعه

انشالله لا حملت راح اقولج

انا ببنتي الاولى كنت اشوف كوابيس وصدري وبطني منتفخ
بالثانية هم عرفت انيحامل من الكوابيس خخخخخخخخخ اسبوعين وانا اقوم مفزوعة كل لييييييلة
الحين متاخرة الدورة لها خمس ايام وماااااااااااا احس بشي الا النوووووم مااااااااااااااا اقدر اقوم من السريييييير ودوخة بسيطة معقولة حامل؟؟حللت وماااااااااكو شي:/

عن نفسي تكرمين نزل علي القليل من الدم وكان وقتها بالضبط واستعديت وكانت كل الاعراض موجودة واهمها الصداع النصفي الله يكفيكم الشر وقبلها بيوم سويت تحليل منزلي العادي ولا كان في شيء بس بنفس اليوم شكيت واشتريت جهاز فحصل الحمل ديجتال وعلى طول بثواني اطلعت النتيجة حامل

انا بنات في حمالي الاول سلامتكم كنت توني متزوجه و رايحة الجمعية اشتري اغراض شقتي و اقول بقلبي ليش ما اشتريالي تحليل حمل و اجرب كنت اصلا مو حاطه في بالي شي ما كنت ادري متى موعد دورتي بس كانت لقافه بعدين رجعت البيت و قعدت اقرى الي على العلبة جان اسوي الي مكتوب و كان ارمضان ولا حااااااااااااامل طبعا مت من الخوف و قعدت ريلي ماكان مصدق

في حمالي الثاني نزل علي شوي دم جان استعد حق الدور و البس كعب و طلعت و لمن رديت شربت دارسين و قعدت ارقص و ضهري قام يعوني شي مو طبيعي
و عقبها بيومين ما نزل علي شي جان احلل بالبيت و طلعت حااااااااااامل و ناسه
وادعولي بالثالث انشاءالله