|
|
السلام عليكم ورحمة الله وبركاته
الأدوات:
{قدر صغير-شموع- بيض-عود أسنان}
وإليكم خطوات العملْ
[1]
أول شي نجيب البيضه ونفتح لها فتحه صغيره من فوق مثل ماأنتم شايفين بالصورة ..
[2]
نفرغ البيضه وبعد مانفرغها نغسلها بالمويه الين تنظف كلياً بس برقه عشان ماتنكسر البيضه
طريقة تنظيفها انك تدخلين اصبع من اصابعك جوا البيضه من الفتحه الصغيرونه وتفركينها من جوا زين عشان تنظف .. بس مثل ماقلنا بشوي شوي ..
شكل البيضه بعد تفريغ
نجيب القدر ونحط جواه الشمعه باللون الي انتِ تبينه ونحطه على نار هاديه .. لان لو كانت النار عاليه لاقدر الله يشتعل القدر <~كد صارت لي
ونخليه بالنار لين تموع الشمعه كلها . .طبعا ماتطول بسرعه تذوب الله ينجينا من عذاب النار ..
[5]
بعد ماتذوبين الشمعه تصبينها جوا قشور البيض بس بشوي شوي لان اذا صبيتيه دفعه وحده بيفور وبيطلع كله وبيطشر{معناة يطشر اي ينتشر زي الزيت }
{ملحوظه*إذا ودك تصير الشمعه لونين ولنفرض فوش وازرق.. تذوبين الشمعه الفوشيه وتصبينها على قشر البيض بس الى النص يعني نص القشر}
[6]
نجيب الفتيله حقة الشمعه الي ذوبناها وندخلها جوا مثل ماتشوفين بالصوره ..
ونعقدها على عود اسنان عشان ماتطيح الفتيله جوا .. طبعا انا مالقيت عود اسنان قريب عشان كذا حطيت عود اذان
بس ماانصحكم بعود الاذان لانه يذوب اذا جيتي بتصبين الطبقه الثانيه للشمعه ..
بعد ماتقضين صابه الشمع ورابطه الفتيله ندخلها للفريزر {عشان تجمد}
واذا جمدت نطلعها من الفريزر ..
{طبعا عشان تكون الشمعه من لونين بعد ماتجمد الطبقة الاولى نصب اللون الثاني الي تبينه على الطبقه الجامده ومن ثم نرجعها للفريزر الى ان تجمد الطبقه الثانيه<<هذي الطريقه اذا كنتِ تبين الشمعه لونين}
[7]
نجيب خرز او ترتر او شرايط او أي شي لتزيين الشموع ..ونبدأ نزين بالشمعه بالشكل الي نبيه
وطبعاً ملحوظه مهمه *مو تصمغين بصمغ المسدس لانه ماراح يتصمغ معك .. صمغي بالصمغ الاصفر العادي حق الورق …بس كثري الصمغ على الترتر لانه يالله يثبت ..
عطيني رايكم
وادعــولي الله يحققق الي بالي
تسلم ايدك يا قلبي على الموضوع
تسلم إيدج…
تسلم ايدينك علا هاالحركات الحلوه اموت باالاشغاال اليدويه
تستاهلون والله
بسألك خيط الفتله من وين اجيبه ؟؟؟
يعطييييج العافييه
ررررروعة تسلم الايادي حبيبتي
يعطيك الف عافية والله يوفقك
صج صج صج روووووووووووووووووووووووووووووعه
وحاولو تطبقون فكره وايد رووعه
والله حلووووه انا ان شااءالله بجربها