|
الموضوع باين من عنوانه
يا امهات اللي عندكم بنوتات كبار
متى بلغت بنتج؟
شنو المشاكل اللي تعرضتي او تعرضت لها؟
شلون فهمتيها وشلون تصرفتي معاها؟
عفيه والله موضوع حساس واتمنى من الكل يشارك عشان نستفيد
انا بنتي حول العشر عمرها، واحس هرموناتها تلعب لعب
عصبيه وااايد، دايما تقول محد يفهمني على اقل لسباب، جسمها يا حر بقه، يا برد بموت من البرد!!!
احسها قاعده تكبر والله يستر
والحين اخلي الموضوع لكم امهات وتجاربكم
وهذا موضوع مهم ياليت تفيدونا
اول شي…اوووووووول شي..
قبل لاتبلغ البنت.. من تحسين انها كبرت وقربت تبلغ لازم تخلين عندها فكره بسيطه عن الموضوع..يعني مثلا تقولين لها روحي جيبيلي الاولويز من الدرج الفلاني.. خلي هالاشياء مألوفه عندها..
ولاتتحلطمين من عوار الدوره جدامها..
عشان ماتخترع ويكون عندها فكره عن الموضوع..
ثاااااااااني شي
لاتكبرين الموضوع بعدين تتعقد البنت وتنعزل عن الناس وماتلعب وتضحك مثل قبل.. خلي السالفه عاديه جدا.. جدا.. وسوي نفسج مومهتمه حيل عشان البنت بينها وبين نفسها ماتفكر واجد وماتدش بدوامه..
ثالث شي..
اذا فعلا بلغت البنت كلميها بهدوء وخليج مستانسه..بس بصوره معقوله
ولاتتعدين على خصوصياتها..
يعني خليها تقط ملابسها الوصخه بنفسها ولاتشوفينهم..وعلميها شلون تلبس الاولويز
ومتى تبدلها
وكل هالسوالف
وبس انسي الموضوع
وحاولي تشغلينها باشياء ثانيه..طلعه..وناسه..عشان تستانس وتنسى
وبس…
اتمنى اني فدتكم..
وفيه بنات يتقبلون هالمرحله وفيه بنات اتعبهم وايد وتقلب حياتهم فوق تحت..الله ايعينج
انتي حاولي اتقربين منها قد ما تقدرين وحسسيها انج رفيجتهااااااا
عطيها كتب دينيه (خفيفه مو تفقع الراس)بس عشان اتعرفها وين الصح ووين الغلط
لا تمنعين كل شي عنها ولا تعطينها الحريـــــــــه
بس لازم تعرفين انه في هالمرحله البنت تكون حساسه واااااااااايد وعلى اقل شي اياثر في حيااااااااااتها وشخصيتها
وفي هالعمر تحس انها كبييييييييييره ولازم اتشارك معاكم انتو يالكبار
المهم انكم تعاملونها باحترام قد ما تقدرووون
انزين شنو اهيا الاعراض اللي تبين ان البنت قربت على البلوغ!!
الصدر يبدى يطلع حتى لو شوي
ويطلعلها شعر بالاباط والعانه
وممممم
مادري امور بديهيه.. كل ام اكيد تعرف بنتها وتحس فيها..
وبعدين ماتاكل الا بالحنه
وماتدفي عمرها تحس حرانه على طول
وتيي لهم دكتوره تشرح لهم لا تحاتين خلج قريبه منها و فهميها الموضوع حتى لا تتفاجأ بالمدرسه
وحتى لا تلجأ لاحد غيرج