|
|
السلام عليكم 
شلونكم بنات
انا ملجت الحمدلله :$ صارلي جم شهر و عرسي مطول عشان حضرتي ابي اضعف 
مشكلتي كالتالي :
1- جسمي : ابي انزل 12 كيلو سو بشترك بنادي الاسبوع الياي و بشترك بدايت كير بعد لمده شهرين شرايكم يكفي شهرين؟؟؟
2- شعري : شوي خفيف و متقصف 
و اخاف مع الرجيم يطيح ويصير خفيف …
3-بشرتي : دهنيه و تتشقر
ساعدوني حبيباتي .gif "Eh S(17)")
:*
آول شـي :: لآ تشتركيـن بدآيت كيـر ولآ نـآدي
^^ سمعـي كلآمـي و بـس عن تفسفس الفلوس اللي تحتاجينها لتجهيزج ^^
– تبين تضعفين ؟؟
دشي هالموضوع اقريه عدل ، اشتري الاغراض ، و سوي الجاي كل يومين و القهوه كل يوم
ســوي قهـوتـج وجــآيج بنفسـج ورآح ينحت جسمج نحت وبطنـج بيلزق بظهـررج طرريقتي بالصورر
+ تحركي بالبيت شوي ،، مو شرط تشتركين بنادي عشان الرياضه
الرياضه يعني حركه و تخلين الرباده والكسل
قوومـي تحركـي سوي نشاطات صعدي سلم ونزلي ،، بسييطه
– شـعرج –
الزيوووووووووووووت مالقيت احلى منها قبل عرسي
، كـل اسبوع تنامين ليله بزيت حبة البركه و الصبح غسلي بشوي شامبو
، و زيت الصبآر بعد نامي فيه
^^ سويلج خلطه من هالزيتين ^^
– و شوفي عقب فتره شلون شعرج شوي شوي بيصير شحلاته
– بشرتج –
ماعرف ، انا بشرتي جافه عكسج يعني
تسلمين حبيبتي ;*
حطي زيت جوز الهند اللي بقوطيه حديد
بشرتج دهنيه ما ادري بس بشره اختي تسووووي
خلطه قفشه ماي ورد عصره ليمون نشاااااا حليب وقفشه شووووفان وشويه ماااي وتخلطهم بالخلاط لين يذوب الشوفان خطيه بالثلاجه بعدين حطي ع ويهج يشد الوجه حيل
بالتووووفيق
جمالج بخلطات سهله من ايدج
جمالج يا عروس بخلطات سهله من ايدج – متجدد
التغذيه قبل كل شي
التغذيه ثم التغذيه اولا من كل شي ♥ ♥ قبل العرس ♥ ♥ ♥ ♥ ♥
تسلمووووووووووون فديتكم :*الله يوفقنا يارب
)
ممم اول شي تبين تضعفين .. اشتركي دايت كير شهر و شوفي اذا ضعفتي ولا لا بس انا بالنسبه لي ما اضعف علييه لان اكلهم وايد ايبون و لذييييذ 
و اشتركي نادي بس التزمي كل يوم سوي شي يوم سباحه يوم امشي و رياضه و يوم كلاسات بس كليوم روحي على الاقل ساعه .. و شربي ماي وااايد و اذا تبين سوي مساجات تخسيس مع النادي عندج كوين مساج و انا سويت تخسيس اب اجهزه في عياده دار البراء عشان يروح السيلوليت واايد نفع يعني تقريبا راح 50% بس تحسفت اني ما سويت كوين مساج معاه بنفس الوقت جان المفعوول اقوىى لان معروف الاحسن اجهزه + مساج يدوي
بس هالشي عقب ما تضعفين احسن و على حسب اختيارج انتي اذا تبين ولا لا مو ضروري يعني
و الشعر نفس الحاله متقصف و بيموت و بس اقعد اسحب فيه و انتفه .. انا مشكلتي اني صبغت شعريي و اللي شعرهم خفيف حرااام يصبغووونه !! علييييييج بالحننننه امبي اتينن قبل كنت احط كل يمعه حنه من حيادر اخذها لونها بني والله تينن تكثف الشعر و تعطيه لوون حلو و لمعهه بس انطر تخف صبغتي و ارد على الحنه حدها تينن !! و عندج زيووت اخذي زيوت جدايل اللي من القرشي يبيعونهم بالجمعيه حلويييين وايد ناويه اليوم احط ذكرتيني
و البشره شربي مااي مااي وايد لازم و انا ما اشرب ضروري الماي حق الجسم و البشره .. و حطي ماي ورد اب بخاخ و رشي بيوهج كليوم لي قمتي و سويت تنظيف بشره عند طلال العلي كان وايد حلوو حده عجبني اب 35 دينار .. و لازم ترطبين بشرتج مرطب كليوم و لي طلعتي الصبح حطي سن بلوك 50+
و اذا تبين سوي جلسات لييزر والله رااحه و فكه و يقل الشعر حده يصير خفيف بس اذا انتي شعر جسمج خفيف و متعوده عالشيره كيفج
و لا تنسين سوي بالشهر مره حمام مغربي انا جربت صالون اراماتكس حده حلووو عجييب و نظيف وايد و ان شاءالله تصيرين احلا عروس
و بس هاذا كللل اللي اب بالي و ان شاءالله اكون فدتج .. قاعده بالدوام و زهقانه نايمه عالمكتب قلت اشغل مخي شوي هههههه
النادي ما انصحش فيه كلش
انا اشتركت و لا التزمت و الروحه و الرده ملل
روحي كل يوم الممشى تمشي
و روحي دكتور تغذيه احسن
و الجسم عليش بالجمام المغربي روووووعه
و الشعر حطي زيوت
ترى جدا سهل بس يبيله التزام
اشتري خلطه صابونيه من المنتدى
انا شريت وودي اجرب تاجرات ثانيين حيل حلوه
اذا بتشتركين بنادي انا انصحك فيه لانه بيضبط جسمك خاصة ان بتنقصين 12 كيلو و 12 مو قليلة ماشاءالله واذا الجسم ما انشد راح يبقى مترهل
اشتركي والتزمي والله يوفقك
البشرة الدهنية ماعرف والله لها بالضبط لكن امس شفت دعاية حق غسول هيمالايا للبشرة الدهنية بشجرة النيم اتوقع
ومقاوم للحبوب والبكتيريا
الشعر يبي له تغذية ثم تغذية ثم تغذية
انا برجيمي كنت استخدم حبوب مكملات غذائية فيتامينات اسمها ديناميزان والله انصحك فيها رووووووعة حبة وحد باليوم وفيها كل الفيتامينات الي يحتاجها الجسم وقت الرجيم وهذي صرفتها لي شخصياً دكتورة برجيمي
واشربي ماي كثيررررررررررر وشاي اخضر مرتين باليوم
وان شاءالله يارب ما تكملين ثلاث شهور الا انتي بجسم منيكااااان
اسألني وانا تحت امرك لاني صرت خبره قولو ماشاءالله