|
|
انا متزوجه من تسع اشهر و انا مو موظفه زوجي كان شرطه اني ما اشتغل و طلعت من دوامي علشانه اهو زين معاي صج بينا مشاكل بس انا من النوع الصبوره و اتحمل و انسى مشكلتي معا انه من تزوجنه ماعطاني مصروف ولا حتى دينار من تزوجت و انا بوكي فاضي صج مو مقصر معاي يعني له رحنا السوق يقول لي اشتري و اهو الي يحاسب و حتى لمه اروح الصالون يسالني جم تبين بس انا مو قادره اتعود على هل شي مو متعوده بوكي يكون فاضي حتى لمه اروح بيت اهلي او طلعت معاهم مايكون عندي فلوس و انحرج اطلب من اهلي لاني عمري ماخذيت منهم توظفت عمري 18 ف متعوده انا الي اصرف على نفسي و على خواني و اساعد اهلي بعد حتى مر عيد الام و ماشريت حق امي شي حيل تضايقت و هذا الي خلاني اكتب الموضوع انا مو من النوع الي اصرف الله الشاهد ما اصرف اكثر من 80 او 100 بالشهر بنات شلون اقول له اني ابي يكون لي مصروف كل شهر ياريت تساعدوني بنات و مشكورين
يمكن تحتآجين شي ماتدرين
هم لآزم يتعود أن ماتروحين مكان بيت هلج بيت رفيجتج إلا بوكج فيه
ماعرف شلون تصارحينه ريلج وانتي ادرى فيه
بس مو لازم تقعدين و و و و تقولين
يكفي مثلا لما بتروحين بيت هلج ولا مكان قوليله حبيبي جذي جذي ….
") ليما يتعود ان يكون لج مصرفج لخـآص دايم
خل يعطيج ياهم دام الحمدلله تكفيج ومو من النوع الي تصرفين
وانا ابي مصروف خاص فيني ١٠٠ كل شهر
مو معقوله اروح لاهلي بطلع معاهم بوكي فاضي
او اشتهي شغله بخاطري وما اقدر اخذها مامعاي شيء
قوليله يا اشتغل يا تصرف زين علي
الحين انتي ضحيتي وتنازلتي بأهم شئ تملكينه وأخرتها بوكج ولا مليم فلس !!!!
أنا مادري ليش للحين مستحيه
قوليله ابي مصروف كل شهر ٢٠٠ دينار
وإذا منصب وراتبه زين زيدي ١٠٠ فوقها
والله مستغربه منج
إلا بهالسالفه الرجال ما تاويله بالمصروف
قوليله انا ابي مصروف
وشرحيله الموقف الحرج الي لما تطلعين مع هلج ومايمكون عندج فلوس
وشوفي شنو يرد عليج اذا وافق خير وبركة
اذا ما وافق مالج غير تقولين له انا ابي اشتغل انا مقدر اعيش بدون مصروف
واهو اكيد راح يعطيج مصروف يناسب امكانياته اذا مايبيج تشتغلين
بس اهوا مو مقصر حيل حيل وياج السالفة وموفيها يبيله تغيرين سستم طلبج الفلوس منه ، يعني بدون لا تصارخين
وابي وشفيك ما تعطيني ، قوليله قبل لا تروحين بيت اهلج ابي فلوس ، وقبل لا تروحين مكان ابي فلو س اهوا بالطريقة
هاذي راح يمل واهوا منه نفسه راح يقول بخصص لها مصروف وافك عمري بدال كل شوي ابي وعطني
ابيه وفعلا مع الوقت كل ما اطلع اقوله ابي فلوس ، لين اهوا حس فا الحسنى ترا توصلج للي تبينه وما له داعي يقول
هاذي شفيها على الفلوس جنها مو شايفة خير
تري باجر حتي مصروف منه يقطعه
انتي بس تفتحين الموضوع انشالله راح يحطها في باله ويتعود ..
قوليله حبيبي انا بومي فاضي و بصراحه ما احب اطلع ومافي شي اخاف اتوهق ،، ادري انك مو مقصر بس انا متعوده طول عمري يجيني راتب.. ومو حلوه بحقي ولا بحقك لو طلعت وماعندي فلوس و احد يدفع عني ، بيقولون انك مقصر معاي وانا مابي هالشي يصير
;p الحماس شين