شلون اصير دكتوره بالجامعه

السلام عليكم

بنات انا ادرس بالتجاري تامين وبخاطري اصير دكتوره تامين يعني ادرس بالجامعات

بس شلون يعني لين متي اكمل ؟ ووين اكمل ؟

اب اب موفقة

ثانكس حبوبات يعني وراي طريج ://
الله كريم

رفعي معدلج حولي جامعه الكويت اخذي بكالوريوووس

و بعدين ماجستييير ( تصيرين معيده بالجامعه او استاذه) سنتين

كملي دكتورااه ( تصيرين دكتووورة بالجامعه ) 4 سنين

اتكملين بروفيسوراه ( تصيرين مستشاره اتوقع )

بالتوفيق

ثاااانكس عالمعلومه ^^

شوفي كملي الباكلريوس بأي تخصص تحبينه و بعدين كملي ماستر حسب تخصص الباكلريوس و بعدها الدكتوراه

بس الجامعه مافيها تخصص تأمين

كلام سليم ومثل اللي كنت بقوله لها
اعتقد تدرس ماستر وتصير استاذه عقبها تدرس دكتوراه تصير دكتوره..

,
,

لكن للاسف مافي بالجامعه تخصص تأمين مادري ليش اعتقد لانه مايخدم سوق العمل بالكويت مع ان في عندنا شكثر شركات تأمين
بس الماشي عندنا تخصص محاسبه هذا الواقع للاسف

حبيبتي
اهم شي حق المستقبل لازم معدلج عالي
وكل الابواب تنفتح لج باذن الله

الدكتوراه لازم بعثه برا الكويت

بعثه من الدوله < لازم تكونين متفوقه
مايصير تروحين على حسابك وتجيبين الدكتوراه وتدرسين بجامعه الكويت !!

جان الكل الحين دكاتره بالجامعه

،

موفقه حبي

^
بليز يعني انا اول ماتخرج اقدم ع بعثه او لما أخلص ماجستير
وجم لازم يكون المعدل

^ لووول البعثة اهي ان تروحين تدرسين برا و تاخذين الماستر

مافي شي يضحك :/
ادري ان البعثه اروح برا وادرس عارفه ؟ كلنا ندري
اقصد متى تصير البعثه اذا ييت بكمل الدكتوراه يعني ؟ ولازم جامعه الكويت تقدم لي بعثه او عادي جامعات الخاصه

خلصي الدبلوم تخرجي
عقبها روحي جامعة الكويت العماده سألي اذا تقدرين تكملن دراسة أو شلون تدرسين هناك و أخذي الباكلوريوس خلصت 4 سنين و أخذتيها
عندج حلين تدرسين ماستر بجامعة الكويت أو تروحين تقدمين برا الكويت
قدمتي برا مثلا و رديتي بالماستر قدمي على الدكتوراه و ترجعين دكتورة أن شاء الله

طبعاً تبين دكتورة بجامعة الكويت لازم بعثة من جامعة الكويت

هذا موقع الدراسات العليا بجامعة الكويت فيه كل شي شروط الماستر داخل و خارج و البعثات و النسب
College of Graduate Studies

يفيدج أكثر

موفقه يا رب