شفت جيسين حمل بالسونار بس الدكتور طنش!!!!

السلام
بنات انا رحت الهادي من يومين بسوي سونار عشان اتطمن على البيبي و بسمع النبض لان حملي متأخر ومو على حساب الدورة … المهم سوالي سونار دكتور اسمه احمد و بالسونار سمعت النبض وبين معاه اني بالاسبوع الثامن و خمس ايام بس انا شفت شي غريب كان بالسونار مبين جيس ثاني يم جيس البيبي بس كان فاضي من داخل و الدكتور ما علق بس سألني انتي نزل عليج دم او شي قلت له لأ وبعدين قال خلاص كلشي اوكي و البيبي زين …
الصراحة انا صار فيني فضول شنو هالجيس الثاني الفاضي؟ ليكون فيني توم؟ لالالالالالا
انا دكتورتي معصومة مخصيد و موعدي معاها 20-4
ياريت تفيدوني………

الله يرزقج بالولد الصالح

حبيبتي الي فيج فيني هذا عادي جيس الثاني عادي و الي عندي كان حجمه اكبر من جيس الياهل و سأل اذا نزل دم لأن الجيس هذا اهو عباره عن دم و سائل و انا نزل علي دم و عطوني مثبتات منجذي سألج عادي و لا تحاتين هذا الجيس مال تكوين جيس الياهل و راح يروح لما ادشين الرابع بالرابع سويي سونار و راح اتشوفين انه مختفي لا تحاتين و لا شي

يمكن بيبي ما تكون و الدكتور ما يبيج اتحاتين

انشاءالله مافيج الا العافيه

انشاالله مافيج الا العافية

انشاء الله مافى الا العافيه .

ماعندي فكره بهالموضوع بس الله يتمم عليج ويرزقج الولد الصالح

والله ماعندي فكره .. وانشاءالله ماافيج الا العافيه حبيبتي..

اتوقع عادي

مو توام

لان لو توام كان قالج الدكتور

والله ما عندي فكره

شلون عرفتي انه جيس فاضي؟
انا لو اطالع السونار من الحين لي سنه جدام مادري شالسالفة

لا تروحين الا حق طبيب انتي واثقة منه ومرتاح له….روحي حق دكتورتج اريح لج قلب
على فكرة
الهادي اذا طوارئ مايبردون القلب

حبووبه لاتحاتيين انشالله ماكو الا العافيه
وانتي قريب موعدج مع دكتورتج وجيكي معاها بالسونار عشاان تتطمنيين

حبوبه على ما أعتقد إنه هالشغله طبيعيه لأنها صارت معاي و الدكتوره قالت هاذي دلاله زينه على إنه الحمل ماشي خن و حتى الجيس الثاني له إسم خاص يسمونه yolk sac
و اللي أعرفه عن هالجيس إنه مع تقدم الحمل يصغر لما تدريجيا يختفى و الله أعلم

الله يكتب اللي فيه الخير و يثبت حملج و يرزقج الذريه الصالحه