|
|
شلونكم وشخباركم انشالله بخير
انا بصراحه حابه افضفض لكم الشي اللي شاغلني
انا توني مالجه وعمري 23 سنه
وعرسي للحين ماتحدد ….
المهم
انا زوجي الحمدلله رجال دين وخلوق وزين … بس في مشكله ……
دايما اسمع من رفيجاتي واللي معاي بالدوام كله يقولون .. ديري بالج من ريلج اذا قالج خل نتشارك ونوفر بالراتب والله راح يقطج ورى الشمس .. لاتعطيييييييينه الكي نت لما يطلبج .. لاتعودينه على هالشي .. وماله شغل بمعاشج و و و و الخ .. واذا قالج لا قولي ايه … ولاتصيرين نفسنا خلف الله علينا ..
انا اهنيييييه قعدت افكر …. لان زوجي قال لي لازم توفرييييين ومايصيرين تصرفين كل معاشج باجر ورانا اعيال ومستقبل بنعيشه بدون ديون ومن هالسوالف لان بصراحه انا اصرف وايد واقط بالهبل … واذا انتي تسرفين وايد بهالمعاش بخلي الكي نت عندي واللي تطلبينه انا حاضر وراح استقطع من المعاش 100 ومن معاشي 200 كل شهر واحطهم بحساب توفير …….
اهنيه خفت وكل كلام رفيجاتي دار فوق راسي …………..
انتوا شرايكم ؟؟؟؟
ريحوني الله يريحكم من كل شر 
بس حاولي تقتصدين
وانتي شاوري امج بعد
مع الايام اكيد بتحطين معاه وهاذا الشي طيب منج لكم منتي مجبره بس نصيحه مو من اولها انا صار لي
9 اشهر متزوجه يعني حتا ما صكيت السنه وقام ينغز علي اصرف عالبيت وعطيته طااف كلما اشتهيت غرض للبيت اكسسوار ولا شي شريت ما قصرت لكن من
كيفي وسوالف الجمعيه عليه اهواا الريال انا بس اروح معاه وانقي اللي ابيه ولين رحت السوق مرا تاتنقص له
تي شيرت , بجامه اي شي بس مستحيل اصرف عالبيت يعني قطي من كيفج وطيبج مو غصبن عنج
ومره طلب مني قرض وتوه صاير لنا 6 اشهر همن ما عطيته ولا اخذت عشانه مو عن شي والله الفلوس ترخص له
لكن المثل يقول الريال على ما تعودينه وابنج على ما تربينه وعادي ترا يزعل يومين بكيفه بس انتي لا تتغيرين عليه
وتالي بترجع الامور طبيعيه تراا كلامي عن تجربه وانتي براحتج
كلش مو شي تعودينه على هالسوالف
الصرف و الفلوس هذي مسئولية الريال .. انتي شرعا و قانونا مو ملزومه تحطين و لا 10 فلوس على البيت .. لكن في اشياء الوحده تسويها كـ تصرف عادي و طيب منها .. و في رياييل مو كفو هالطيبه بصراحه
فـ انتي لا تعرضين نفسج لهالمواقف
و عشان تكونين صاجه فتحي حساب توفير او حساب استثمار او ودائع في احد البنوك و خشي فلوسج بدال لا تصير كاش .. عشان ماتصير سحبتهم سهله
و الله يوفقج
ما يخالف تصرفين بس بكيفج .. ترى الريال على التعود … يمكن اول يومين يتحلطم بس بعدين يصير عنده شي عادي
واذا تبين توفرين من معاشج اوكي بس يكون الحساب بسمج
والله يوفقج
بس همن في مشكله
الحيييييييين شلون أواجهه اذا قال لي هالحجي شقوله
ابي اكون لبقه وعقلانيه
ماني عارفه شرد عليه بخصوص الكي نت واذا كان مثلا قرض للمستقبل
ابي اسلوووووووووووووووووووووووووووووووووووب قولوا لي شقول لما يتحجى ؟؟
ونصيحتج بسويها ^_^
وعطي امر بالبنك تحويل مبلغ 200 شهريا من الحساب الراتب الى حساب الوديعه
حبيبتي لا تخلين احد يأثر عليكم بحياتج الخاصه
ترى كل بيت له ظروفه وطريقته الخاصه
الله يوفقج يالغاليه
تسلمين يالغاليه وماقصرتي ….. بس ياخوفي بعدين يطمع بهالوديعه