|
|
السلام عليكم ورحمة الله
يا بنات انا احس بشعور غريب يعني مو نفور بس احس اني ما اشتاق لزوجي مع انه ما صار لنا 8 شهور بس
خلوني اقول لكم سبب هذا الشعور علشان تكونون بالصورة
انا طبعا في بيت اهلي مدلله اللي ابيه ايبونه لي امي وابوي الله يطول بعمرهم وما عمر احد من اخواني او خواتي طلبوا منى فلوس غير المبالغ البسيطه يعني اذا بغوا مساعده ما يتعدون ال 80 دينار وانا الحمد الله ماني من النوع البخيل واللي اعطيه اخواني او خواتي لمن يطلبون مني خلاص اعتبره هديه وغير هذا احب اييب لهم هدايا وافاجئهم
زوجي مر بضائقة مالية .. يعني كاتب شيك على نفسه وقاموا يطالبونه بالفلوس ولا الشيك بيقدمونه للنيابه .. كل من ساعده اخوانه وخواته باللي يقدرون عليه لكن احتاجوا ان احد يكمل المبلغ طلب مني وراح يسددهم لي بعدين وعطيته واحتسبتها لوجه الله اولا و ثانيا هو زوجي وانا احبه
اللي صار ألحين احس اني اتصرف تصرفات غصب عني يعني ما قمت أشتاق له مثل اول ولا اتصل عليه احس بفتور وهو بالعكس تعلق فيني اكثر ويقول لي احبج وأحب التراب اللي تمشين عليه وانا صح استانس لما اشوفه مرتاح بس انا مادري اشفيني
ليش فجأة صرت بارده وياه من ناحية مشاعري انا مادري 
ياليت تفتوني
اتعوذي من الشيطان ..واكثري من الاستغفار
ماني متكبره كلش .. الكبر لله وحده.. ياليتج بس تفهمين قصدي
احس اني ما قمت اشتاق له ولا اوله عليه مثل اول وماني عارفه ليش جذي مع انه هالشعور معذبني صج
ترا بعدين لما يشوفج بارده
يكرهج ويعرف انج انانيه
ترا الرجال الوفي عمله نادره بالزمن
تعوذي من الشيطان وتمسكي فيه
لان الشياطين تتراكض ورااه
مردج لزوجج وخلج شوي حاره بمشاعرج
ياحلوه دام وفي ويااي الا رجل ومن الرجال قليل
" انت احسن منه … ما بستاهلج … انتي وين وهو وين … شنو هالمستوى اللي طحتي فه "
تعوذي من ابليس …. كل يوم الف مرة
والرسول (ص) اوصى المرأة بحسن التبعل
والله لا يبليج وانتي اللي تحتاجيله
موفقه
بالنسبه للمصروف انا اصرف على نفسي هو معشه مو مكفيه ومرات يطلب مني مصروف والله هالشي ينفرني منه اكثر .. بس انا في بداية زواجنا عطيته يمكن مرتين بس عقبها كل ما يطلب ما اعطيه.. هو عليه قرض و ثلاث ارباع معاشه كله اقساط للقرض
امانه ما تحسين بنفور من زوجج اذا انتي تصرفين عليه والله احس اني زهقت
كلنا باول الزواج مسجات واتصالات وشوق وحب وتكشخ ومع الايام الوضع عادي وحتى لو تحملين ان شاء الله وتجيبين عيال سبحان الله بتلتهين باليهال ومو معناة هذا انج ماتحبين ريلج او تهتمين بنفسج او فيه
انا نفسج صارلي 8 شهور متزوجة بس ما اشوف نفسي انني نفس اول الزواج بحكم العشرة وان صار لنا مدة مع بعض غير عن او الزواج متولعين ببعض
قبل كل دقيقة اذا طلع ادق عليه وبالدوام ادق عليه اسأل الحين صار عادي بس للأشياء المهمة ومن باب التطمن يعني الوضع اكيييد بيختلف مو معناته انج ماتبينه
تعوذي من الشيطان وهذا شي طبيعي وعادي
وعن سالفة انج عطيتيه وانه يطلب منج هذا انتي قلتيها معاشه رايح عالقرض ومحتاج مو قاعد يطلب مني والطريج وحمدي ربج لان غيرج ريايلهم عايشين عالة عليهم واهم اللي يصرفون بالرغم من ان معاشه بالالف وطالع وماعنده شي
وبعدين هذي حالة اغلبية المتزوجات الموظفات الدنيا الحين تغيرت بعضهم ماخذ عليها قررض
ريلج يحبج وشوفي الاشياء الحلوة اللي بينكم وتركي عنج السلبيات والماديات ترا اهم شي الراحة النفسية والله يصلحكم
بس حاولي تغيرين من نفسج شوي يعني تسوين ليله رومنسيه صدقيني شعورج راح يتغير انشالله
الله يخليه لج صدقيني واجد يتمنون ان رياجيلهم يهتمون فيهم
احمدي ربج الله يوفقج
انتي تلاحظين ان ريلج لما يطلب وتقولين ما عندي
يتغير عليج ويزعل والا لا
اذا عادي مايزعل معناته ان الماده مو كل شي عنده
بس ضروفه حدته
اما اذا يزعل يمكن في باله شي ثاني
واللله يريح بالج
المره تحب الريال يصرف عليها وتعتمد عليه ما تحب تحس انه اهو الي معتمد عليها
هني المشكله
|
المشاركة الأصلية كتبت بواسطة مدندنه
 …………………… هذا بالضبط ابليس قاعد يقولج
" انت احسن منه … ما بستاهلج … انتي وين وهو وين … شنو هالمستوى اللي طحتي فه " تعوذي من ابليس …. كل يوم الف مرة والرسول (ص) اوصى المرأة بحسن التبعل والله لا يبليج وانتي اللي تحتاجيله موفقه |
اي والله صااااااجه يا وخيتي بكل كلمة كتبتيها
تعوذي من ابليس وتقربي لزوجج
وبعدين يمكن حامل انا اللي اعرفه ان الحامل تلوع جبدها من زوجها روحي جيكي
عسى الله يهديكم ويقربكم لبعض
تقبلي مروري
اختج
لي طبعي الخاص
لأن المرأة – و خصوصا الشرقية- تحب تحس انها محتاجة للرجل و انها تحت كنفه، يصرف عليها و يشيلها و يقوم فيها و ما يخليها بحاجة شي
و الصدمة اذا حست المرأة ان الرجل اهو اللي معتمد عليها و بحاجتها .. راح تبدى صورته تهتز جدامها و تحس انه مو اللي في بالها!!
عادي .. عالعموم حطي في بالج انها فترة و ان شاء الله بتعدي .. و الله يرزقكم و يهديكم و يسخركم لبعض
انهم ياخذون فلوس زوجاتهم مع
العلم انة قادر انة يدبر نفسة .وهذا شي مو حلو..
انزين اذا طلب منج مرة ثانية قوليلة ما معاي