|
|
السلام عليكم ورحمة الله وبركاته
بنوتات بقولكم مشكلة وحدة من رفيجاتي .. تعاني من شعر غليظ حول حلمه الصدر جنه شعر الابط .. المهم عااد وايد تعاني منه وخرعوها قالو لها يمكن تكيس بالمبايض عااد اتمنى تفيدونااا .. حد عنده هالمشكلة ؟ المشكلة هيي على ويه زوواج وحدهاا خايفة ..
عااد قلت مالنا الا كويتيااات فديتهم
اول مره اسمع عن شي جذي ..
اهو اوكي في بنات يكونون مشعرات و يطلعلهم شعر بهالمنطقه بس عمممممممره ما يكون غليظ .. و بالذات حوالين الحلمة
المفروض ان جلد هالمنطقة من الله الشعر يكون فيه خفيف
بس سؤال .. اهي كان يطلعلها شعر خفيف و تشيله بموس مثلا ؟؟؟
لان هالشي ممكن يكون خلى الشعر يقوى اكثر ..
خل تروح حق دكتور جلديه و تسوي فحص هرمونات و تشوف شسالفة .. مادري والله
و يمكن الموضوع فيه لخبطه هرمونات فلازم تعدل هرموناتها ..
و لا تحاتي
ان شاء الله ربج يشافيها و مافيها الا العافيه ان شاء الله 
بس اهياا ما تشله بموس .. وشعرتين طالعين من نفس المكاان بعد
بس مو خطر
خل تراجع هناء العدساني او كمال الشومر
وتسوي شعر الصدر ليزر
لاتخافين
اختي مسويته ورفيجتي بعد راح وما رد
بس تعالج الهرمونات بعد
السالفه لان انا اول مرة امسمع ان الشعر يطلع اهني
وانشالله مافيها الا العافيه
سؤالي اذا بنروح نروح حق دكتور هرمونات او نسا وولاده اي تخصص بالضبط ؟
واذا رحنا حق الدكتور لازم يفحص الصدر ؟ .. ولا راح يعرف لم نقوله
يلدا : اختج راحت حق اي دكتور ؟ وهل فحص صدرها ؟ ..
وقاعده اعالج الغده .. هل هذا سبب هالشعر؟ ولا لازم اعالجه بروح
ولا لم اتعالج من الغده الهرمون من نفسه راح يتعدل ؟
مادري فهموني
مو هناء العدساني لطيفه الدويسان غدد ممتازه
هذي من خربطة الهرمونات
تقدر تشيلها بشيرة بس تطلع مرة ثانية
او تسوي ليزر بليزر انشا الله ماراح ترد
بس شعره وحده موواجد
خرعتوني بنات
يعني متاكدين انه مافيها خطوره؟