شسوي مع بنتي؟؟

السلام بنات شلونكم..

بنات انا عيزت من بنتي عمرها 10 شهور وكانت قبل شهر احسن بوااايد من الحين تاكل وترضع وارضعها 5 مرات باليوم تقريبا 150 مل كل رضعه بس الحين نهائيا ماتبي لا ترضع ولاتاكل كللللللللللللللش كلللللللش الا بالبجي والغصب ما ادري شسوي معاها يمكن الاكل اهون احطه بحلجها غصب بس الحليب مشكله مو راضيه ترضع يمر اليوم ما ترضع الا مرتين او 3 مرات وكل رضعه 90 مل او اقل …مرات انطرها لين تنام وارضعها وهم ترضع شوي وماتبي …ذبحتني صار تفكيري بس اكلها وحليبها يارررربي جننتني اليوم وديتها الطبيب يقول مافيها شي…شلون مافيها و فجاه تبدلت ؟؟؟كانت تحب تاكل وترضع وكلشي اوكي …ماعندها مشكله باسنانها الحمدلله طالعين..

ما ادري شسوي معاها عفيه اللي مرت عليها هالحاله عفيه الله يخليكم علموني شسوي؟؟؟والله كاسره خاطري والله يوفق كل وحده ترد علي ويبرد قلبها وينولها اللي في بالها يارب..

up up up

حبيبتي ان شالله ماكو الا كل خير عادي احيانا الطفل يمر عليه مثل هالحاله
واشوي واشوي تشوفينها ترجع زي قبل انا مريت ببنتي مثل حالتج وبسم الله على بنتج كبر بنتي
بس لا تحاتين ولا شي اهم شي تاكل القليل يمكن عشان التسنين ذابحها ترا التسنين يقلل الشهيه عند الطفل
الله يخيلها لج وتشوفينها عروس يااارب

حياتي الموضوع نفسه مر علي في بنتي وربي تعقدت ماتبي تدخل شي في حلجهاا

واسننها اللي جدام طالعين قلت بروح الدكتوره وشوفها شتقولي رحت وقالت لازم امسح حلجها من داخل

قلت ليش قالت فيه نفس النفر الصغار باللثه وحيل يعورونها وعلشان جذي ماتاكل ولا تشرب

ومسحت حلجها والحمدالله صارت زينه

انا انصحج اتودينها سعاد البصيري وربي مايعرف للياهل الا اهي

وماتشوف شر بنوتج

مشكورين خواتي عالرد والله انكم ريحتوني الله يخليلكم عيالكم ويحميهم من كل شر اللهم امين..

حوريه الكويت فعلا انا ملاحظه شغلات بحلجها من داخل مثل الحبوب الصغيره وبيضه جذي كانت بنتج؟

حبيبتي 5 رضعات باليوم وايييد لعمرهاا

انا بنتي اعطيها باليوم 3 مرات وكافي الباقي اكل

واخلي فتره كافيه بين الوجبه والحليب

يمكن بنتج شبعانه وانتي مستلمتها ازأط البطه لووول

عطيها فجه بين الاكل حدود الاربع ساعات .. وخلال الاربع ساعات شربيها عصير عطيها خفايف روب بالفواكه …
وخلي اكلها الاساسي ريوق بعد ما تعطينها الحليب ب3 ساعات
وغدا
وعشا بس العشا خليه المغرب عشان اذا جت حزه نومتهاااا تعطينها حليب وتنام

وتأكدي يمكن فيها فطريات بحلجها عشان جذيه ما تاكل ولاتشررب

وكثري لها سوالف الينسون والحبه الحلوه يمكن تريحها شووي وترد تاكل طبيعي ..

انا بنتي من فتره كرهت الحليب كلش

طلع عندها اللوز الظاهر كانت مريضه

وظلت فتره ماتاخذه والحين الحمدالله ردت له

اكيد فيها شي ماترفضه مني والطريج

مشكورين حبايبي عالرد ..بس والله البنت الاكل رافضته ما تبيه ماتبي شي نهائي اختي (عبث طفله ) صحيح كلامج اللي بعمرها لازم 3 رضعات بس تكون 180 مل وفوق..وهي ترضع 90مل وبالغصب يعني تخيلوا امس الساعه 8 رضعت 90 مل ونامت والله لثاني يوم ماتبي ترضع ..المشكله وديتها الطبيب يقول مافيها شي..المشكله ان انا بسافر وهي معاي جذي راح تتاذى حيل والله كاسره خاطري الله يعين مشكورين ثاتي مره عالرد والله يكافيكم ويكافي عيالكم شر المرض يارب

الله يشافيها ويعافيها وديها طبيب خاااص افضل

يبيلج شاش حطي فيه ماي دافي ونظفي حلجهااا من داخل لفي الشاش على صبعج ونظفي

واقري عليها المعوذات والكرسي

مشكوره اختي آهات الليل وانشاء الله اسوي اللي قلتيه ..انشاء الله ترجع مثل اول

حبيبتي شصار على بنوتج طمنيني

بنتي فيها حبوب خفيفه ماتبين انا ماشفتها بس الدكتوره شافتهم وسوتلهم مسح

واي شي تبينه دزيلي بالخاص لأني مارد للمواضيع وايد