شسالفة الاعلان مال التطعيم اللي معلنين عنه ؟؟؟؟؟؟؟؟؟؟؟؟؟ ضروري جاوبوني

مرحبا بنوتات
بنات شنو سالفة تطعيم الاطفال اللي يقولون عنه هالايام ؟؟

تطعيم ( النيمو كوكال ) — ابي اعرف من اي مواليد لي اي مواليد ؟
انا يتني انفو مسج عل تلفوني كاتبين من مواليد 1/1/2006 الى 31/7/2006 ؟؟

ياريت اللي متأكده من معلوماته او تعرف احد بالصحه تييب لنا الخبر الاكيد فقط مواليد هالفتره ولا اللي بعدها هم مشمولين لان ناس قالولي من 1/1/2006 الة 31/7/2007 !!!!!!

و مستوصفنا يقولون ماكو تطعيم خير شر !! دايخين من عمر هالمستوصف

بليز فيدونا يا حلوين

والله ماعندي فكره

ماسمعت ان في تطعيم

ان شاءالله البنات يفيدونج

يزاج الله خير على الموضوع انا كنت بسأل المستوصف ونسيت إنشالله اليوم انا بروح المستوصف وإنشالله إذا قالولي شي عن التطعيم اقولج

و الله أول مرة أسمع فيه توني مطعمة بنتي محد قالي ، الله يخليكم فيدونا

حتى انا توني ادري عن هالخبر ؟؟

حبايبي انا امس رايحة اطعم بناتي وحدة عمرها شهرين والثانية سنة وتسع شهور . طعموهم النيموكوكال اثنينهم . اللي عمرها شهرين مكتوب بالميلادية من ضمن تطعيماتها يعني شغلة جديدة بس ما ادري مع اي مواليد بادين فيها . وبنتي الثانيةعمرها سنة وتسع شهور رايحين على اساس تطعيم النيموكوكال حسب الاعلان وطلعنا ناسين تطعيمها بو سنة ونص بس السستر ما قصرت طعمتها اياهم كلهم مع بعض مع ان النيموكوكال يعطونه بالفترة الصباحية وحنا رايحين العصر

اي دزولي مسج وامي بعد قاريه عنه بالجريده وعمتي امس تقولي ان الحين مواليد 2024 وبعدين لما يخلصون منهم يبدون بمواليد 2024 بس انتي سألي المستوصف علشان تتأكدين اكثر

حتي انا توني مطعم بنتي وسالتها عن التطاعيم الجديد قالت بس اللي مكتوب بشهاده الميلاد

ايه انا قاريته بالجريده, كل مواليد 2024 قبل شهر 8, وباجي المواليد بعدين.
هالتطعيم قامو يطعمون فيه مواليد 2024 واهو تطعيم يديد عشان جذي لازم الباجي ياخذونه.
لا وبعد ترا اهو جرعتين, الجرعه الاولى من 16|3 الي نص شهر 4, والثانيه من شهر5 الى ما ادري متى.

حبيبتي فقط مواليد 2024 يعني من 1/1_31/12_2006 والتطعيم بسبب اكتشافهم ان مواليد هالسنة متعرضين لالتهاب الصدر والتطعيم أعتقد عنه

رحت وسألت المستوصف التطعيم حق مواليد 1-1-2006 إلى مواليد 31-7-2006 بس مواليد هالسبع اشهر اما باقي الاطقال يكون من ضمن تطعيماتهم والتطعيم يكون بالفتره الصباحيه على جرعتين الجرعه الاولى من 16-3-2008 إلى 17-4-2008 والجرعه الثانيه من 18-5-2008 إلى 19-6-2008

انا بعد سالت الدكتور عنه قالي لازم ولدج ياخذه يقول مهم هالتطعيم

وهو عباره عن بكتيريا للحتقان والتهابات الاذن هذا قلي ايه الدكتوره

انزين اناولدي مواليد 5/ 2/ 2024 يعني يبيله تطعيم ؟ ارجو الافادة

اقتباس:

المشاركة الأصلية كتبت بواسطة ام رهيمه انزين اناولدي مواليد 5/ 2/ 2024 يعني يبيله تطعيم ؟ ارجو الافادة

مواليد 2024 طعموهم هالتطعيم