|
|
انا وزني زايد وحاولت ابكل رجيم وماكو فايده يعني من انولدت وانا متينه واسوي رجيم اضعف وارد مره من المرات ضعفت 35 كيلو ورديتهم واخر حل وصلتله اني بسوي تحويل مسار فعفيه قولولي وساعدوني تنصحوني ولا لاء و اي دكتور اروحله واللي مجربه او اتعرف احد مجربها تقولي شنو صار عليه؟؟؟؟؟؟؟؟؟؟؟؟؟؟ بليز لاتطنشوني
شوفي حبيبتي
شوفي بالون المعده
اهوا احسن حل
وتقدرين تشيلينه
احسن من التحويل والتدبيس
وانا انتي بتسوينها عن قناعه
وشايفه انج صج اووفر وييت
وماتقدرين تستحملين
شوفي دكتور
محمد براك الهيفي
دكتوور روووعه ومعروووف
انا اتعامل وياه بس ماسويت شي بمعدتي
سويت عمليات ثانيه عنده
وشوفي في القسم في موضوع مثبت
واقريه
وشوفي استشارة الدكتور عليج شيقول
ولكن بعدالعمليه
راح ينصحج الدكتور بأنج تشتركين في نظام غذائي معين
او تسوين نظام استشاره
علشان العمليه
والله يوفقج يارب
واللي فيه الخير
ان شا ءالله يكون من نصيبج
الدكتور : محمد براك الهيفي
استشاري جراحة عامه وجراحة المناظير المتطوره والجهاز الهضمي والأورام
ت:2665058
ف:2665059
الشعب البحري : شارع بن الخطيب متفرع من شارع الاستقلال بجانب مجمع
فاطمه
ما انصحج حبوبه
اذا سويتي التحويل المعده عندج ماراح تشتغل وبجذي ممكن 80% يصير فيها غرغرينا شالله حادج حبوبه !!
انا ما عندي اراده كلش بس لما وصلت حدي انا بروحي تغيرت تتغير جذري وقطعت على روحي وعد وعهد اني ما اخلي الرجيم حتى لما جسمي يتعدل الحمدلله انا ضعفت الحين وصرت انسانه ثانيه ومستمره وفكرت وايد اني اسوي عمليه تحزيم او تحويل بس ريلي وامي موراضين فاقتنعت بالرجيم ومازلت مستمره الله يثبتني انشالله واكمل بدرب الرشاقه والفال لج انشالله
لاااااااااااااااااااااااااا
ولاااااااااااااا ليش نشجعج
الزم ما عليج صحتج يا قلبي والا اذا طلعلج شي ثاني من هالعمليه ذيج الساعه بتقولين يا ليت وياليت خففي اكل ورجيم
مثل ما عزمتي تسوين هالعمليه وتشجعتي تشجعي وسوي رجيم ان شا الله لو لمدة سنه
ديري بالج
مع تحياتي يا حياتي
مزيونه وشقره
ليش تاذين نفسج عمليه وخرابيط.. اصلن راح اتاذين
خففي اكل عشان تضعفين على صحه مو على مرض واذيه
وراح تهونين على طول ههههههههه
والله بروحي خايفه اكثر منج وعقب الكلام الي قريته منكم بنات خوفتوني زياده
خاصه سالفت المصارين" يمه" قريتها تخيلت مصاريني متربطه مع بعض بطني قامت تعورني يقطع ابليسج
بس الصراحه بنات في وايد يمدحونها اعرف وحده تسولف عن حماتها مسويتها وصارت تهبل بس ماادري عند منو ولا شنو صار فيها وناطره ردها تقولي اذا مرتاحه او متاذيه
انا خايفه اسويها وعقب بالحمال الياهل ما ياخذ غذا كافي مني
خوفتوني زياده بالاصح صرقعتوني موووووت