شتسوين اذا ريلج يدش الجات ويسولف مع بنات ؟ تغارين ؟

*
*
*

شنو شعورج وانتي قاعد يم ريلج في البيت وحوالينكم عيالكم وريلج بيده الايفون ماله يطقطق فيه وتكتشفين ان مو قاعد يلعب قاعد يسولف بالجات

شنو موقفج ؟؟

تغارين ؟

والا عادي وطاف ؟

انزين اذا ما حسيتي بغيره عادي عندج ؟

والا ممكن تحسين ان في شي غلط ولازم تعترضين وتتكلمين بحكم انج زوجته ولازم يحترمج ويقدرج ؟

انزين واعترضتي .. وتهاوشتي .. ومنعتيه .. وما قام يسوي هالشي

وبعدين ؟

كل الي بصير انج بتضلين ادورين وراه واهوا بضل يخش عنج والي كان يسويه جدام عينج بسويه من وراج

ايهو احسن بالنسبه لج يسوي هالشي بعلمج وجدامج والا من وراج ويا عالم شنو ممكن يوصله خصوصا ان كل ممنوع مرغوب يعني اذا منعتيه عن هالشي راح يسويه ويتعمق بعد يعني اذا اهوا كان مكتفي بشوية سوالف وشافج مضايقه ومعصبه ومو عاجبج راح تحلا السالفه بعينه اكثر وبصير الموضوع اكبر من مجرد سوالف …

سألت وايد أسئله
وابي منكم الاجابه على كل سؤال لغرض في نفسي

بعرف ردود الافعال .. والآراء ..

الغرض من الموضوع بالاختصار اني بعرف شنو الي يدفع الزوجه لمنع زوجها من مثل هالامور هل هي الغيره ؟ ام احترامها لذاتها ؟ وهل سكوتها يدل على عدم احترامها لذاتها ؟

يعني الي تغار معروف ليش تسوي جذي بس الي ما تحس بالغيره على زوجها من هالسوالف شلون شنو وضعها ؟

السلام عليكم

طبعاً أولاً وأخيراً راح اكلمه وأنصحة خوفاً عليه من الغلط اللي وقع فيه بحق رب العالمين
هذي حرمة من حرمات الله لازم يتجنبها

ثانياً راح تحركني غيرتي عليه
زوجي وحبيبي وأغار عليه من نسمة هوى
شلون إلا بنت تكلمه والله العالم شنو الحوار اللي يدور بينهم

ثالثاً
عندي هالشي يصير جدامي عشان آلحق عليه واحاول آصلح فيه
أحسن من إنه يتم بالسر ويتمادى في الغلط ويقع ما لا تحمد عقباه

رابعاً
إذا نصحته وحاولت معاه ولكنه ما اعتدل
راح ارجع بيت اهلي
وإن سألوني عن السبب راح أقول لهم أفكارنا مختلفه عجزنا نتلاقى في الأفكار

لا آفضح زوجي عند أهلي وعياله ولا عند أهله والناس
إلا في حال هو فاضح روحه ولا ساتر على نفسه فما بيدي حيلة غير إني آقول لهم عجزت معاه

والحمدلله الذي عافانا مما ابتلاهم به وفضلنا على كثير ممن خلق تفضيلاً

و الله على حسب منو يكلم في رياييل يكلمون ربعهم بالشات و بال بيبي ام يعني مو شرط بنات ..

اذا يكلم بنات اسوي شي واحد بكل بساطه اخذ التلفون من ايده واكسره على راسه ليش اتعب نفسي بالحجي

انا مومتزوجه بس شدني الموضوع بصراحه شي اكيد بغار شلون قاعد يكلم بنات ويسولف ولا بعد جدام عيني وانا ياغافلين لكم الله

بس طبعا اناقشه بهدوء عشان اقدر اسحب من كل شي وبالتفاصيل اما اذا حاسبته بطريقه موحلوه او بدفاشه راح ياخذ الموضوع من الجانب الثاني
وتبدي المشاكل بينا عشان مااخسره ولا يخسرني ابدي بالتفاهم معاه اذا حسيت انه مظلوم ومجرد تسليه وقتها لا اكثر ولا اقل اطوف المووضع اما اذا حسيت المسأله لف ودوران وفيهاا خيانه اعامله بطريقه ثانيه وازعل

يسلمووووووووووووووو

اكيد بغار و ما راح ارضى
و ما ابيه يسوي هالشي لا جدامي و لا من وراي

يعني برايج هذا السبب ممكن الوحده تزعل عشانه وتروح بيت اهلها ؟
حتى لو كان بالنسبه له مجرد تسليه وتقضية وقت مو اكثر ؟

واذا كانوا بنات ؟ وبعلمج انتي يا زوجته واهوا بنفسه يقولج ان الي قاعد يكلمهم بنات .. شتسوين ؟

وعقبها بطقج طق السنه بساعه

او يحقرج ما يكلمج مدة شهر شهرين يعني يطنقر

او او او

وفوق هذا كله ما انحلت المشكله راح يتمادى لان بقول مو انتي الي تمشين كلامج علي

وبعدييييين ؟؟؟؟

يعني انتي من رايج ان اذا كان الموضوع بالنسبة له مجرد تسلية لا اكثر ولا اقل الوحده تطوف الموضوع ويا دار ما دخلك شر ..

همم ..ما اصير غبية واتهاوش ..ادور سالفة اخلية يسولف وياي ولا اييب جنجفة نلعب اي شي لان اهو فاضي قاعد يسوي جذي ..وسالفة البنات اااااااااااااااااه يا بنات ابليس..انتي متاكدة من سالفة البنات ؟؟

انا اذا شفته انصحه بكل هدوووء وامسك اعصابي علي الاخر
واروح اتوضا واصلي ركعتين وادعي ربي فيهم ان يهديه لان الصراخ والمشاكل مامنها فايده واذا نصحيته كذا مره يعتبرها مسبه ويصارخ ويزيد بالعناد ويكلم من وراي ليش اييب المرض حق نفسي رب العالمين فوقنا وينصر المظلوم
هذا اللي اسويه دايما وعسي ربي يثبتنا علي طاعته ويهدي الريااااايل كلهم

والحل شنو ؟

اي متأكده

اهوا يسولفلي يعني ماخذ الموضوع عادي يتسلى مو أكثر

طيب اذا كان معاه بنات بالدوام ويسولف معاهم ويتريق ..~ شتسوين ..~

يعني ماتقدرين تمسكين الرجال واللي واثقه من نفسها وزوجها ماعليها حتي لو شافته يكلم بنات بيكون عندها عادي ..

هذا رجال ماتقدرين تملكينه لازم يكون له مساحة حريه اكثر منج بشوي للاسف ..~