شتسوون بعد الولادة مباشرة

لا عادي اي بجر اكيد بتكون خايفه و مو عارفه شنو تسوي

انشالله بعد الولاده و الله يسهل عليج انشالله

اذا كانت طبيعيه تطلبين من السسترات يعطونج شور و ينضفونج بعد غرفه العامليات

اما اذا قيصريه ياخذون فوطه و فيها ماي و يمسحون جسمج و ينظفونه بس ما يجيسون الجرح

مشكورة هيونة ويعطيج العافية

الله يهون عليج ويقومج بالسلامه
عاادي انا احب اتسبح قبل الولاده وبعدها على طول احس براحه اكثر طبعا يكون بمساعدة السسترات
الله يهون عليج مره ثانيه

انا بعد ابي اعرف
بجر ومتوهقه
واقدر اسبح قبل الولاده على طول؟
يعني بالمستشفى اقدر آخذ شاور؟

اتسبحي قبل لاتروحين المستشفى

اي والله شنو اسوي بعد الولاده
يعني اولد واقوم اتسبح ولا اروح غرفتي اتسبح مادري وشنو نكون لابسين بالولاده يعني شنو البس ولا هم يلبسوني مال العمليات الاخضر

امبي اسئلتي غريبه بس بجر مادري شسوي

انشالله نولد بالسلامه

والله انا اذكر اني بس ولدت و يو يخيطوني عطوني بنج و نمممممممممممممت حتى يوم نزلوني الجناح كنت نايمه تخيلي !!

نومة وحده .. و هم بدلوا مال الولاده اللي كنت لابسته اول ما دشيت و لبسوني ثاني

بس لمن قعدت من النوم عقب تسنعت .. يعني مو على طوول عرفتي ..

انا اتوقع يعتمد على ولاده كل وحده .. لان انا كانت ولادتي صعبه و هلكت فـ نمت من غير ما احس و عقب زادوها بالبنج خخخخ

الله يسهل علينا و عليج .

الله يسهل علينا

عقب الولاده نمت وثاني يوم تعدلت وتسبحت بمساعده السسترات

يعني مايصير ناخذ شاور بعد الولاده على طول؟

بالنسبه لي اتسبح قبل لا اروح المستشفى للولاده
وببجري ماتسبحت بعد الولاده بس تغسلت وغيرت لاكن بولادتي الثانيه حسيت بشعور بايخ واني وصخه وفيني ريحه قمت وتسبحت قبل حزت لا ييون الناس
بس احلا ولاده ببجري اذكر اول ماطلعت من الولاده لسوني وامي كانت معاي ساعدتني ويابولي نسكفيه وكرواسان كان بالمواساة

ماعندي فكره .. اتوقع حسب ولاده كل وحده

اب اب

بليز قولولنا تجاربكم

والله انا منه قالولي ولادة رديت البيت ويصرخون علي يقولون لي لازم تردين قبل ساعة رحت يبت اغراضي وسيادتي وتسبحت بالمستشفى قبل العملية وسويت شعري ولازم بنات تشيلون المنطقة اللي تحت سواء كانت الولادة طبيعية او قيصرية ولبسوني الروب مال العمليات وحطو التخطيط والدرب وعقب سوو العملية الظهر ومابطلت عيني الا ثاني يوم الفجر كنت وايد تعبانه وضغطي نازل وثاني يوم يو السسترات ومسحو جسمي اب فوطة وشالو البربيش ولبسوني ومشكو شعري وثالث يوم ودوني الحمام وتسبحت بس كانت معاناة عساكم ماتشوفون اللي شفته نصيحة لوجه الله بالشهر السابع لي التاسع اكلو فاكهه وخضره عشان ماينقلون لكم دم ويغربلونكم مثلي