شالحل مع هالعيار ؟؟

موضوعج جا بووقته وايد بنات يحتاجونه وصاجه بدال لا نكحلها نعميها

مشكلة الريايل انهم يعرفون يقلبون السالفه علينا ويطلعونا احنا الغلطانين حتى لو اهم 100% عليهم الغلط

مادري شلون .. انا خايفه من هالشي وماعرف اتصررف

واصعب شي انه اسوي نفسي كانه مافي شي اموت من حرتي ف داخلي اموت قهر ماستحمل ويبين على ويهي

اذا هو غلطان شي طبيعي ماراح اسكت ولا راح اراضيه
اقعد كم يوم ماكلمه وهو يجي يراضيني

انا مو متزوجه
بس انا أأيد المواجهه والصراحه والوضوح
والنقاش يكون بهدوء مو بصراخ
ولازم لما تناقشين تكونين واثقه من نفسج مو تبجين وتبينين ضعفج

وانا ضد لما اهو يكون غلطان المره اهي اللي تعتذر!!!

اهم شي تكون المرة مثل العاصفة ولا تضعف وتكون كلمتها وحدة وتكون ماثبتله انه اذا ما استغل وقت العاصفة وهو راضاها راح تكبر السالفة لان الريال يحب يندعس ويحسب حساب للي تدعسه للأسف هذي الحقيقة

اسكت اسكت ليما ابطها بس اهو يقعد يرقع وانا ارضى المسكينه ههههههههه

معاج حق في بعضهم يقلب الغلط عالزوجة ويطلعها اهي الغلطانة

بصرااحه مااعرف كيف لاني مااعندي هالمشكله الحمدالله

بس بنت خالي هذي مشكلتها وتعاااني منها وراح تعاني للابد الا اذا غيرت اسلوووبها

هي ضعييييييييييييييييييفه وتتخربط وماتعرف تتكلم اذا صارت هووشه
وتجلس تتعذرر وتتعذر كانها غلطااانه وهي كلها بس عشانها ماردت على جوالها
او ان خلص شحنه واتصل لقاه مقفل

اول مايكلمها يجلس يصاارخ ويهااوش وهي تتعذر وربي كنت بشحنه وربي كان ازعاج وماسمعته
انت ليش تصرررخ مانتبهت وتحااول تهديييه

وهو يحس ان قاصده او شي ثاني لانها تتوترت وتتعذر كأنها غلطانه !!!!!!!!!

دائما اقولها تكلمي بجديه وشوية حززم وهدوووء وردي عليه سسوري حبي خلص شحنه
ولو صرررخ اقوله وش كنت بتقول متصل فيني بيقول بس بتطمن او بسأل او اي شي ارد عليه واجاوبه واقوله تامر على شي انا بسكر
مااسمع وانهيهااا بثقههه

وطبعا بالبيت كل شي هي غلطااانه لدرجه مره لبست قصير وكاان يبي يتهااوش قالها ماتستحين لابسه هالبس خخخخخخخخخخخخخخخخخخخخ قدام بنتك <<عمرها 3 سنوات

الرجل قداام المرأه الضعيفه يتماااااااااااااااااااااادى واللي يحس انها بتضيع من دوونه

اما المراه القويه الذكيه المستقلللللللللللله مستحيل يقلب عليها ويهااوش الا بيتعذر لها ويمكن يبوس راسها بعد

باختصااار مااافي اسلوب او حل فيه شخصيه وتكوين من الصغر

انا مع نظام قابل صياح بصياح مثل مايبي يطلعني غلطانه ويقلب السالفة علي أطلعه بالمثل واخليييييه يومين ثلاث تالي يحس إذا هو غلطان طبعاً

يا ما وآجهته بس ولا مرة قلبها علي ..

أكون مدربة نفسي ,مضبطة نفسي بالكلآم قبل الموآجهه ^^

وإذا حاول يقلبها أقول له لا تقص على عقلي مآني بزر تسكتني بحلآوة

والدليل طبعآ يكون قدامي >> متحمسة عجبني الدور ههههه

حياتي 99.9 من الرياييل مثل ما تقولين ، كبيرة عندهم الاعتراف بغلطة وانا اصلا اخاف من النوع اللي يتاسف وايد
لانه معناها الاسف عنده شي عادي ومرده بيرد لنفس الشي اللي سواه ، انا اقول اللي عندي واطلع شي لكن بوقته
او نغزات توصل للقلب وتوصل وياها فكرتي.

حبوبه الحل وياه انج تقولين اللي تبينه باسلوب بدون صراخ ولا عصبية بكل برود ونظرات مننج طبعا هاذي بهارات ، وتنطرين
الرد وان قال ما قال قولي انا قلت اللي عندي وانت بكيفك عاد وكله بيرد عليك انت .

اعااااااني حيل من هالمشككله يطلعني انا الغلطانه وانا الدقيقه وانا النكديه وهو التلقائي ابو نيه صافيه

صراحه اعاني من هالمشكله ,, صار يتفنن في انه يمسك الكلمة الي اقولها مع انها تكون عاديه
عشان يتهرب من الي نتكلم عنه ويبدي يخربط بالحجي … حاليا انا صايره بارده نوعا ما وبديت اتغير قبل بسرعه اطنقر
واتشره واهو مايبرد قلبي لا يقعد يتناقش الحين اخذت طريقة ثانيه ان من بداية الموضوع اطوف واتشره بطريقة عاديه من غير زعل
صار يتقبل وبسرعه ينحل الموضوع لان اهو ما يحب ابين له انه مقصر ولا غلطان بطريقة الزعل والاخذ والعطا التشره البسيط ينبهه اكثر والحمدالله حيييل هالطريقه احسن قبل لي اختلفنا نزعل باليومين ثلاث الحين بسرعه ينتهي الموضوع وتنحل السالفه

انا اخليه يحلف على القران لكنه يحلف واهو جذاب هاي احسن حل خله يتكسر وموكفو يقلب السالفه علي لكنه يستمر في الانكار واهو مكشوف الحمدلله والشكر