سوالف مع المصعد الكهربائي

السلام

صباح الخيراو مساء النور

شلونكم بنات ومتزوجات

حبيت اشوف انتو مثلي متضايقين من الشي اللي انا متضايقه منه ولا لا؟؟

واشوف راي كل وحده…

اول شي ببدي موضوعي بقصص صارت معاي

مره كنت بمجمع انا واختي واعيالي بالعربيه واقفه عند الاصنصير ولا واحد ايي اهو وزوجته وحرمه ثانيه معاهم وعربانه فيها ياهل ابو شهور وميت من البجي ولا كلموه ولاحاولو يسكتونه ابد الولد قام يقط الوان احمر ازرق وهم ما جنهم يشوفونه

والله عور قلبي
المهم اول ما فتح الاصنصير دشيت ومسكته وقلت لاختي دشي مع العربيه ولا ايي الريال ويدف عربيه اعيالي ويدخل عربيته ويدخل زوجته والمره اللي معاهم وهو ركب واهو جنه بعير من كبره ترسو الاصنصير جان اقوله لو سمحت انا ناطره الاصنصير قبل وداشه الاصنصير قبلك ابي ادخل عربيه اعيالي جان يقول وجع ياخذج انتي واعيالج شتبين اطلع
انا يوم شفته وقح جذي جان اطلع من الاصنصير واقول والله لو اموت ما اركب مع حمار مثل هذا

والله مت من القهر وقح وعادي

كان ودي اكفخه على راسه

ووايد تصير معاي بالمستشفى يشوفون مره بالاصنير بروحها ويركب عادي

طيب عيب عليك مره بروحها خير انطر شوي
والله لو مرته يرضى ريال يركب معها بالاصنصير بروحهم طبعنا لا
يعني لو مره وريلها اوكيه يقول ريلها معاها
لاكن بروحه استح لا
انا تصدقون ريلي لو نكون انا وياه نطر عند الاصنصير ويو حريم ورانا يبون يركبون يركبني والعربيه ويقول خل يركبون معاج وانا انزل بالسلم (الدري)المتحرك انطرج تحت
نفس لما حرمه تشوف الاصنصير مليان ريايل او ريال واحد وتركب معاه (نقول شفيها ما تستحي ما تشوف ريايل)ليش ما تصبر

سوالي
منو اللي تضايقت من هل النوع من الرياليل اللي ماعندهم ذوق ولا احترام ولا يستحون؟؟

ياقلبي لاتضايقين من شخص مافية احساس(ما اكرمهن الاكريم ومااهانهن الالئيم)
طاااف له رب يجازيه

قلتيها حمار كرم الله القارئ

ويع شفيه هذا مطفوق؟
انا الحمدلله ولا مرة صارلي موقف جذي

لوووووووووووووووووول عمى بعينه اي والله صاجه حمار

يكرم القارئ والحمار لوووووووووول

مشكورين بعد قلبي على الردود بس ما قلتو اذا صار معكم موقف

لانه دايما انا لما اكون بالاصنصير ويدش ريال معاي اطلع لو اني مستعيله بس اقول اذا هو ما يستحي انا استحي

الحمدالله ما صارلي موقف .

انا مرة صارلي موقف من اقل من شهر مت مت من الخوف
كنت بالمستشفى وناطرة الاسنصير
كنت برويال وانتوا شايفين الاسنصير جدام الريسيبشن وكانوا واقفين ريالين عند الريسيبشن بس يتساسرون ويخزون وانا اصد عنهم بعدين على لفتتي مرة ثانية الا اهم يمي وواحد منهم يتبوسم ويسوي حركات

فتح الأسنصير انا ركضة دخلته جان اييون ويدخلون معاي
انا نشف نشف دمي
وبس يتنحنحون ويتبوسمون احلى ما فيهم ريحة البخور والطيب اكفخت براسي لوول

وعلى ما وصلت الدور اللي ابيه الا روحي اطلعت

انا بس سوال ليش ما يستحون ؟؟؟

انطر دقيق واركب انت ورفيجك وضحو على راحتكم ويعه

صج ما يستحي على ويهه
والله لو شنو ما ادخل مع وااحد حتى لو فرااااش
شنو عيب اي شي
اي صاادف جذي مره انا كنت بالاصنصير عندي موعد بطيبه كلينك
اركبوا اثنين معاي
قلت بقلبي اي شي ما يستحووون
في نااس تحس وفي ناااس ما تحس عادي

للاسف قلت الرياييل وقل الذوق

بعد جبدي الناس اجناس ووايد معدومين الذوق هالايام

ليش اعصب على ناس تافه عطيهم طاف لان مستواج اعلى منهم :$

هذا ما فيه ذرة رجوله او شهامه

لاتضايقين نفسج على ناس ماتسوا

مايعرفون الاحترام

من صجه هذا ! الشرها مو عليه على الي معاه مرته الي ماتعرف الذوق وتقولة انطر خل تنزل
بس شتسوين ربج كريم الله يبعدنا عنهم امين يارب
والصراحة ان شالله ماجرب هالموقف