سعوديه تطلب الفزعه يالكويتيات

هلا اختى اول شى مبرووووك وعسى ان شاء الله ربى يوفقكم بالنسبه للطق انا خابرة الطق الاصلى مال اول اللى اهو القصار
فيصل السعد
والخريف
و الردهان
والعمانى
اسماعيل كرم

انا خابرة مايصير اتحطين مع الطقاقه او الطقاق دى جى لان مايسوى ايشيل قشه وطيران ويطلع بعد ساعتين او 4 مادرى اعتقد جذيه
ان شاء الله البنات يفيدونج

و الله كان ودي اساعدج بس جد ما اعرف بالهمواضيع

و انشالله البنات يساعدوونج لا تزعلين

هلا والله … مافهمتي علي انا اقصد اجيب ديجي يعني تطق الطقاقه جم طقه ورا بعض بعدين نحط الدي جي اغنيه وحده بس ولا بالكثير اثنين على شان ترتاح الطقاقه وبعدين تكمل الطقاقه وراح تكون موجوده بالعرس لااااخره .. يعني الدي جي بس شي بسيط كنوع من التغيير

وشاااكره مرورج

هلا وغلا يكفي مرورج وردج ياذوق

عيل بالحاله هذى يبلج تتفقين مع الطقاقه بصوب والدى جى بصوب بس لازم اتنسقوووون لايصير تكرار فى الاغانى

بالتوفيق ان شاءالله … وعسى ربي يهينكم
ومثل ماقلتي ترا ام طلال شي وطقها حلوو بالبداوي واهي من الاساس سعوديه وتقدر تجيكم بس مادري ما اعرف رقمها بس ان شاءالله اذا عرفته بكتبه لج

صج تذكرت وعندج موضي الشمراني اشفيها هذي طقاقه سعوديه معروفه ؟ ليش ماتجيبينها لعرسكم ؟

ام فيصل

العبده وووووووووووووووووووووووووبس

ترقص اللي مايرقص بدويه بطن وظهررررررررررررررر

لا تطووووووووفكم

يا قلبي انا انصحج بفرقة فيصل السعد حدهاااااااااااااااااااااااا عجيبببببببببببببببببه

اي اكيد لازم اتفق معاهم وضروري التنسيق .. بس عموما ماراح تتكرر الاغاني لان الاغاني اللي راح تنحط على الديجي ماراح تكون بداوي كلش ملش يعني الدي جي حق الهز وعلى قولة اختي الديجي حق الشخلعه

وشاكره مرورج يالغاليه.. واذا حصلتي اي رقم لاتبخلين علي اختج..

الله يوفق الجميع يارب … اي بس ام طلال سمعت ان تعاملها مع الناس مو شي صايره فيها شوفة نفس مو طبيعيه ونكبت ناس بالكويت شلون ماتنكبنا احنا اللي بالسعوديه ويبيلنا تطقلنا درب… وهم بعد تاخذ همجه (( يعني غاليه)) واحنا نبي وحده على قدنا

بس هم اذا حصلتي رقمها ياليت انا بانتظارج يمكن لعل وعسى يهداها الله

منو موضي الشمراني ؟؟؟ يعني حلوه!!!! ياليت اذا تعرفين عنها اي شي رقمها ولا منطقتها اللي ساكنه فيها ولا اسعارها ياليت تردينلي خبر وانا بانتظارج

وشاكره مرور قلبوووووش

يااااااامعوده الحقيني بارقامها اسأليلي الله لايهينج … افزعولي يابنات

انا ماعندي اي ارقام ماعدا جم طقاقه سعوديات حضريات يعني وتعرفون طق حضر السعوديه مايصلح لنا كللش.. لااااا وفوق هذا طالبه 20 الف ريال .. بغى يوقف قلبي لما قالت 20 الف هههههههه

شاكره مرورج ياعسل

للاسف فرق الرجال ممنوعه عندنا في منطقتنا لو نجيبهم على طول تسحبهم الهيئه خخخخخخخخ عاد تخيلو اشكالهم مسجونين ولا محلقين روسهم هههههههههه

لا يبه خلونا بالسيف سايد… ويسلملي مرورج

**********

والله يابنات ادري ودكم تساعدوني وجزاكم الله خير .. يكفيني مشاركاتكم هذي واهتمامكم

لا خلا ولا عدم يابنات الكويت

92 مشااااهده

وبس 5 اللي ردو علي

ودي ابجي نفس هذا اللي بالصوره

انتي اي منطقة بالسعوديه

لانج اذا بالشرقيه او بالحفر الباطن

الشهر اللي طااااف وحدة من جمعتنا احضرت لعرس بالسعودية بالحفر الباطن وكانوا جايبين طقاقه ام طلال

وعرس حيل حلوووووووووووووووووو

اتمني اني افدج

هلا بشمعه الجلاس انا من الشمال يعني بعيد عن الكويت .. واذا تقدرين تجيبين لي رقم ام طلال او غيرها اكون شاكره لج

ومرورج اسعدني يالغلا

ان شاء الله يفيدونج البنات المشكله ماعرف

حبيبة قلبي يكفيني مرورج وردج يالغاليه

بس اذا حصلتيلي اي رقم لاتبخلين علي فيه

وانا متعشمه بالبنات خير