سجل النشاط للروضة حياكم

مرحبا

بنات ابي مساعدتكم صراحه انا معلمة روضه وطالبين مني اسوي سجل النشاط من كثر السنع اللي فيني

صراحه انا اعرف بس مالي خلق كلش ابي وحده اتسوي لي تعرفون وحده متخصصه بالشي هذا بس ابي شي على مستوى تعرفون العاصمه يحبون الفناتك ولا تقلون لي معلمه متقاعده لاني قاعد ادز لها رسائل بس مااترد انا كنت ابي اخذ منها بعد المذكرات والمنبهات اللي عندها ياليت بنات تساعدوني او تعطوني افكار انتم شنو كانت سجلاتكم مالت النشاط

هلا تغاريد
تقصدين سجل النشاط الصباحي؟

اي ياعمري

صراحه زعلانه على البنات اللي ادخلوا ولا ردوا

تغاريد انا مستغربة شلون تسوية المعلمة السجل اللي عندنا من كذا سنة يكون تغليفة مثل الكتاب نفس سجل الحضور والغياب ونفس التاخير والاستئذان اعتقد جاهز من الوزارة ولا انا غلطانة مادري

بس اذكر اذا مجموعة تبي تتفنتق تطبعة ع الكمبيوتر مع صور وحركات ونلزقة على اوراق الكتاب الجاهز

وممكن طريقة جيبي الملف اللي فية اوراق شفافة نفس مغلف الشهايد واختاري اوراق ملونة على نفس تغليف الكتاب من برة واطبعي صور تخص كل خبرة على الطرف بجذية تميزين كل خبرة

بس يالغالية تعب تعب عليييييييج الله يعينج خلية على المشرفة احسن ههههه كل شي علينا اووف منهم

ممممم

تسوينه الحين يعني للسنة الجاية ؟ تو النااااس

بعدين حنا كل مجموعة اللي عليها نشاط الخبرة تسوي سجل كل يوم شنو بتسوي وتطبعه وتحطه بالفايل مال النشاط مثل اللي قالت عنه منوره ملف فيه ظروف شفافة وكل خبرة يظيفون عليه

المفروض كل مججموعه عليها النشاط تسوي جدولها حق الخبره

يعني شلون انتي راح تحددين لهم انشطتهم الي يسووونها؟؟!! ما يصير

والافضل انج تسوينه بيدج .. مثل ما قالو البنات ملف اوراق شفافه

والجدول خلي شكله ثابت بالكمبيوتر .. بس عبي مكان الجدول

السلام عليكم انتي شكو تسوينه اتميلحون بشغل الابله

نفس الحجي تغاريد
احنا كانت كل مجموعه تسوي جدولها بس يكون نفس الديزاين والتقسيمة
بالكمبيوتر ..
وكان فيه مغلفات بلاستيك يحطون فيه الاوراق
ومن بره يكون مغلف نفس ملفات الناظرة الباجية

هلا حبيباتي
مشكووورين على التفاعل بس فهمتوني غلط اكيد كل مجموعه اتسوي وتكتب نشاطها اللي عليها الخبره
انا قصدي الاوراق نفسها الثابته المربعات اللي ينكتب فيها النشاط وتكون كلها نفس الشكل يعني يادوب اورقه وحده وسوي عليها ابرنت بس اغير اسم الخبره سهل مو صعب بس الكسل اللي ذابحني وابي افكار يديده واكيد السجل نفسه عند الناظره ومغلفته مثل باجي ملافاتها ومن داخل بلاستك ادخل الورقه فيه بس انا احب يكون شغلي مميز وقلت ابي اخذ افكاركم شلون طريقه السجل ومشكوووورين اللي ردوا ويعطيكم العافيه

تغاريد قسمي الورقة ..
حطي اشكال بعدد أيام الاسبوع
عشان يكتبون داخلها شنو بيقدمون بهاليوم
وحطي حوالينها صور تدل على كل خبرة
تقدرين تسوين فواصل لأسماء الخبرات مع صور
وأوراق بعد لنشيد الخبرة

يعني جذي

مشكوره ياعمري
بس محتاره
انا نسيت شكل الورقه الاول بس نشيد الخبره واسماء المعلمات بس

هاي مرة ثانية تغاريد
دورت لج بملفاتي ولقيت هذا التصميم
احنا بروضتنا كنا نسويه

وانتي وابداعج

معلمه متقاعده
ام سالم
هذا رقمها
7926080

بس انت تعرفين توزيع الخبرات
اعتقد مبجر وايد

وام سالم امس انا طالبه منها شغل وجهزته الله يعطيها العافيه
وتري تو راجعه من السفر

ياعمري يــangelique تعبتج معاي
مشكوووره ياعمري

حبيبتي الخنساء عادي هي اورقه وحده واغير اسم الخبره بس يعني اذا كانت الخبره اسبوعين اطبعه مرتين واذا ثلاث اطبعها ثلاث وسلامتج ومشكوووره ياعمري ماقصرتي وزين انا بغيت رقمها يسلموووووو