سالفتي توها صايره يا بنات ساعدوني

بنااااااات امبييييييه لحقوووني سويت حركة غبية حدي انصدمت اشلون سويت جذي ؟؟

انا وزوجي كنا سهرانين ومستانسين بالصالة عاد انا دشيت الغرفة ونمت واهوه قعد بالصالة قاعد يكمل الفلم .. المهم عقب ما خلص دش الغرفة وانا حسيت فيه قعد عالفراش وفتح ابجورته جان يقوم ويروح يم تليفوني انا حاطته على الشحن وامطفيته وامخليته على طاولة جدامي انا فتحت عيوني شفته امبطل تليفوني وماسكه وماسك تليفونه جان اطالعه وانا مستغربه قلت له اشفيك قال لا بشوف خدمة الانترنت لان من شغلت الـ mms انقطعت خدمة الانترنت وبشوف شنو الاختيارات الموجوده بجهازج عشان اسوي نفسها ( انا وزوجي خطوطنا وطنية وفواتير كان يقصد بيشوف خدمة واب او واب اكشن عرفتوا يعني بيشغل الانترنت والـ mms بنفس الوقت ويبي نفس الاختيارات اللي عندي ) المهم انا عطيته نظرة جان اقوله مو شرط اتشغلهااا … جان يقول اهاا جذي السالفة اوكي اوكي صح ماله داعي جان يقط جهازي بمكانه وياخذ الجنطه فيها لاب توبه من عالكرسي ويروح الصالة واهوه امعصب .. امبييييييييه انا مصدوومه من نفسي انا وزوجي الحمدلله متفاهمين ما صار لنا سنة بس الحمدلله حتى بالنظرات نفهم بعض وعادي جم مرة ياخذ تليفوني يخليه عنده ينزلي ويفات والعاب من اللاب توب وانا اكون نايمه عاااااادي وجذي واهوه واثق فيني وانا واثقه فيه حتى مسجات النكت بيني وبين رفيجاتي مافيها قلة ادب .. انا حدي منحرجه منه وخايفه امبيييه اخاف يزفني عاد اهوه عصبي
ادري اني غلطانه بس مادري شنو خلاني اسوي جذي ؟؟؟ مادري شسوي ؟؟ شقوووله ؟؟ اهوه بالصالة الحين قاعد وراح ينام بالصالة ادري لان مرة سواها كان امعصب بس كان غلطان ونام بالصالة ؟؟؟؟؟؟؟؟؟ شسوي الحين قولولي شي تكفوووووووووون

ههههههه زي حلاتي بس الفرق انه قااام راااح المسجد انا قهرته حسسته انه غلطان وما كان عنده رد فطلع حبيبتي صلي الفير واقريلج صفحتين من المصحف وانشاءالله الامووور تتعدل

مشكووووره حبيبتي زين مو بس انا المتورطه .. ايي اهوه توه طالع راح المسيد بس مادري اشلون اواجهه

ليش منحرجه؟ و خاايفه يزفج؟؟ هذا موبايل منو؟ و انتي من اي نااحيه تحسين انج غلطتي؟؟؟ لانج حسيتي ان شاك فيج لما مسك موبايلج و سالتيه شفيك؟؟ اظن من حقج تعرفين السبب اللي يخليه ياخذ موبايلج حتى لو ما عندج خرابيط و الموبايل طايح بييده 24 ساعه!!
اناا شوف ان ماله داعي يعصب! و اهوا الغلطان مو انتي
من وجهة نظري مافيها شي اذا الزوج سال زوجته قبل لا ياخذ التلفون مو مسالت ثقه كثر ما ان كل واحد المفروض يكون له خصوصيته

خليه الحين لمن يطيح الي براااسه لا تعودييينه تروحيله على طووول واذا مااافيج صبر بوسه عالراااس وكلمه طيبه واعتذااار منج ما اتوقع انه بيردج والله يهديكم لبعض

مادري ماحس انج غلطتي بشـي يعني عشان تخافين

الله يهديه ان شالله

عادي ولاا جنه صاير شاي و تدلعي عليه و دلكيه اذا فبل لاا ينام و سولفي عن اي شااااي ثاني
وان شاء الله تعدي على خير

مآشوفج غلطتي بشي بالعكس من حقج الخصوصيه
طولي بالج وطنشي مصيره بيطخ لاتعودين تراضين الرجال خليه هو اللي على طول يراضيج <<<سياستي
مووفقه

ماأحس انج قلتي شئ غلط

واهو ماله داعي انه يعصب ..

مآدري الله يهديه انشاءالله ..

عادي ماسويتي شي بس روحي سئي ليش زعلان ماصار شي واانا مو قصدي وبس

شوفي حبيبتي من وجهة نظري ماصار شي اتخافين منه

و عادي روحيله و سولفي معاه و لا جنه صاير شي إنتي بخوفج ألحين راح اتحسسينه إنج غلطانه

و إذا فتح الموضوع قوليله ما كنت أقصد

ههههههههه عادي حبيبتي روحيله وقوليله شفيك زعلان تره موقصدي وبس

قوووووووووه الصراحه ماكو شي تخافين منه ولاتبالغين حيل وتهتمين بشعور زوجج حسسيه انج انتي بعد زعلتي من تصرفه وانه خذا تلفونج من دون علمج وهذا شي خاص فيج عشان لاتنهدم الثقه واهو بعد مايرضى انج تشوفين تلفونه من غير علمه يعني وحده بوحده لووووووول

أعتقد والله أعلم ماتوقع تكونين قايمة ..!!

وهو أخذ جوالــــك وهو ضامن أنك بسابع نومة ..!!

عشان كذا : تورط وزعل وطلــــع ..!!

يعني أخر الليـــل وش تبي بالأنترنت وأعدادات ومدري شنو ..!!!!!

مو وقته حط راسك ونااام .. عشاان كذا قلب السالفة عليك ..!!

لأن كلمتك ماتزعل صراحة ..!!

هو اللي عصب من خوفـــه ..!!

لاتعطين الموضع أي أهمية وخليه ينام بالصالة وش صار يعني .. تمددي على سريرك ولاهمك ..!!

ومو كل شي إعتذار على شي مايسوى ..!!

هههههه
حبيبتي اول شي ماله داعي تضيقين خلقج واتكبرين السالفه!!
عادي انتو ازواج وشي طبيعي بصير بينكم خلاف بسيط او كبير او مشكله او او او..
الي بوصله انه عادي شي طبيعي الي قاعد يصير هاذي الحياة الزوجيه..
بس بالنسبه لي موضوعج انتي غلطانه ومو غلطانه بنفس الوفت ..
بتقولين لي اشلون؟
غلطانه لانج عصبتي علي وخليتي نوعما يعني مو اكيد يشك ان بقول بينه وبين نفسه هاذي شنو عندها بموبايلها الي ماتبيني اشوفه!!!

وموغلطانه ان هذا موبايلج ولج خصوصياتج مع رفيجاتج اهلج امج الي يكون ..
فالي تسوينه الحين خليج عادي ماله داعي تشتطين وتروحين اتقطين روحج عليه يمكن اذا فتحتي الموضوع اهو مو حاطه في باله ولمه يشوفج جذي مشتطه بحطه في باله ويدرسه فالي تسوينه خليج عادي مثل ماانتي كل يوم بس اذا بطل الموضوع خلي رياكشن ويهج مستغربه على ناسيه الموضوع وبعدين قوليله اييي لا انا عصبت عليك لان فجاه مسكت موبايلي وانا نايمه على بالي قاعد تشوف المسجات لان انا اسولف مع رفيجاتي فمااحب احد يشوف مسجات رفيجاتي الفصله وضحكي وخليج عادي واذا رد قال ياسلام ليش انا مو زوجج قوليله اوكي بس بينه خصوصيه في اشياء مااحب احد يشوفها مثلك انته عندك خصوصياتك مع ربعك انا المفروض مااعرفها وغيري الموضوع على طول قوليله بعدين اي صج اليوم تقدر اتقطني عند امي؟
اذا بطل الموضوع شوفيه بنظره حلوه وضحكي وامشي واذا ناداج ورد على الموضوع قوليله حبيبي بليز صكر الموضوع حده مودي اليوم مو اوكي ورحي الدار عصبي ,, يبي اي طاري بنت خالتج اختج اذا انتي بالجامعه الدكتوره واذا انتي بالشغل عن موضفه فالي اقصده ان حاولي كثر ماتقدرين تقلبين الموضوع واتخلينه اهو الغلطان واهو يتاسف
وبس
وانشالله حصل خير
قوليلي شنو يصير معاج والله يهنيج مع ريلج