|
|
مرحبااا 
طبعاً كل العرايس متضايقين من اغلاق التجمعات 
وأتمنى إنه الإداره والمشرفات يعيدون النظر بهالموضوع 
في عدة نقاط واقتراحات أتمنى تراجعونها 
أغلب الأقسام فيها تجمعات …
تجمعات العرايس تجمعات الحوامل تجمعات النحيفات تجمعات البطات .
شمعنى صار الإغلاق على قسم العرايس !! .gif "Eh S(22)")
مع إنه لا يقل أهميه عن الباقي ؟ 
تغلقون تجمعات التجهيز والعرس وتخلون تجمعات الفرفشه والسوالف ؟؟
هذا ظلم لنا صراحه 
و القروبات والايميلات والتواصل الثانوي غير المنتدى مو مثل فايدة تجمع المنتدى 
الايميلات اغلبها سوالف أو تعارف مافيه فايده فعليه مثل المنتدى والردود والمناقشات
اقتراحات أخرى غير اغلاق التجمعات :
إذا مضايقتكم الزحمه وكثرة التجمعات في العديد من الحلول 
أولاً : بدال لا يصير لكل شهر تجمع … يصيرون كل شهرين أو 3 شهور بتجمع واحد 
الفايده أكبر والوقت قريب مو فرق سنه أو 8 شهور ؟؟
منها احنا نستفيد ومنها إنتو تقللون عدد التجمعات ولايصير زحمه بالقسم
ثانياً : لا تفتحون أي تجمع قبل العرس بـ 6 شهور ..
يعني اللي فاتحين تجمع حق شهر 12 السنه الجايه 
او الشهور البعييييييييده . ماله داعي هالتجمع مع احترامي لهم ؟؟.gif "Eh S(10)")
حتى المتملكات اللي ما أعرسو
مصيره يتحدد عرسج وتعرفين انتي تبع أي تجمع ؟؟ 
تبين تهتمين تبين تتحمسين تبين تقرين ؟ تقدرين تدشين أي تجمع تحسين إنه عرسج ممكن يكون فيه وإتابعينهم ؟؟ 
ثالثاً : إذا كان ولا بد . من انكم تغلقون التجمعات ومصممين خلاص خلاص مافي أمل كلش ؟ .gif "Eh S(1)")
أجل لاتسكرون التجمعات اللي اللحين مفتوحه . خلوها لين تخلص
حرام والله جذي تحبطوناااا
بس أي تجمع جديد لاتسمحون فيه ؟
يعني ابدو مثلا من هالشهر . ممنوع اضافة اي تجمع جديد
اللي مفتوحه وفيها تفاعل والبنات مع بعض لاتخربون عليهم
رابعاً : التجمعات القديمه الشهور اللي تنتهي اغلقوها و جمعوها بموضوع واحد عشان نقدر نطلع
عليها وعلى تجرب العرايس ماتروح سدى ؟؟ أي تجمع يصير ويتسكر حطوه بهالموضوع ؟؟
لاتقطونا على صخر
واشكركم واتمنى آراء العرايس عشان تحن قلوب الحكومه لووول
|اي والله صح كلااامج كله صححح 100% انشالله تقراا المديرة والمشرفات و اتحن قلوبهم علييناا لان صج صج واايد قاعدين نستفيد !! بلييز خلووو التجمعاااات 
لان صج صج واايد قاعدين نستفيد !! بلييز خلووو التجمعاااات
بندرية يسلموووو عالموضووع .. انشالله اييب نتيجة .gif "Eh S(6)")
صــآجه ..
وأضــم صووتي لــج ..
أرسلي الإقترآح لحنــآين وبنت الكويت ..
والله كلنآ متضآيقين من هآلشيء ،،
والله اننآ قآعدين نستفيد من التجمعآت وعرفت اشيآء مآكنت اعرفهآ ،،
اغلب العرآيس يآ تكون الكبيره او وحيده اهلهآ والآ امهآ كبيره مآتعرف ،،
ومآيعرفون شيء عن التجهيز والتجمعآت قآعده تفيدهم ..
ان شآء الله بنت الكويت وحنآين يلقون حل لي هآلمشكله ..
الاخت الفاضله وباقي عضوات القسم
قرار منع التجمعات قرار اداري ولارجعه فيه
ارجو من الجميع عدم افتتاح مواضيع بهالخصوص وعدم ارسال اي احتجاج على الخاص
الموضوع مغلق
شكرا لتعاونكم