ساكنه بسكن مستقل تساعدين زوجج والباب مفتوح لغير المتزوجات حياكم

السلام عليكم اشلووونكم ؟

الله يسلمكم انا مو متزوجة بس ابي اسال الحين اللي ساكنه بشقة اجار مع زوجها هل تساعدينه بالاجار وحتى اول ما سكنتوا بالاثاث وجذي ساعدتيه والا كل شي على الزوج

لان فتحت الموضوع مرة مع رفيجاتي ووحده منهم مو متزوجة بس شدت بالكلام معاي وقالت ان الزوج اهوه يتحمل كل شي حتى سيارة يشتري لي مو بس يحطلي سكن وشقة وماله شغل بمعاشي وقلت لها يعني احنا الكويتيين اغلب الأسر عايشين على المعاش مو معقولة احمل الزوج وخصوصا في بداية الزواج قروض ومادري شنو اوكي نسكن برا بس اذا احتاج مساعده اساعده وان كان معاشه ما يكفي اشاركه بالاجار يعني اول وتالي الشقة بتكون لي انا اسوي فيها اللي ابي يعني بيتي واهيه عاندت وتمسكت برايها وقالت انتي مسكينة واذا هذا تفكيرج عيل كل شي راح يصير عليج

عاد انا قعدت افكر وقلت حق امي جان امي تقول رفيجتج هذي ياهل ومن كلامها مو شايفه خير

وما تفهم بالحياة الزوجية تقول الزوجة اذا ما وقفت مع زوجها وساعدته ما تتسمى زوجة .. تقول شفتي بيتنا اللي قاعدين فيه هذا كله بيني وبين ابوج ترى مو ابوج بروحه اللي قط عليه وصرف انا وقفت معاه وكل هذا عشان ما اخلي ابوج يحتاج حق فلان وعلان والاهم من هذا ان يكون عندنا بيت اللي خططنا له انا وابوج من سنين والحمدلله شرينا البيت وتقول على فكرة اول ما تزوجت ابوج وقفت قيدي بالجامعة وبعد ما يبت اخوج العود وشفت ان ابوج محتاج احد يوقف معاه رديت قيدي وكملت واشتغلت تقول مو عيب ان الوحده تساعد ريلها العيب ان الوحده تتجاهل هموم ريلها وتقطه على صخر .. طبعا هالكلام كان بيني وبينها وتقول المفروض ما اقولج بس تقول حبيت افهمج معنى الزواج من هالناحية واللي تحب زوجها مستعدة تسكن معاه حتى لو بملحق

انتوا اشرايكم واللي ساكنه باجار سواء توها متزوجة والا اللي صارلها سنين هل تساعدين ريلج والا لا ؟ معنى الحين كل شي زايد عن قبل وكل شي بالعلالي على قولتهم واللي مو متزوجة اشرايج بالموضوع واذا تزوجتي تساعدينه اذا طلب منج والا لا ؟

اكيد اللي تحب زوجها تساعده الحمدلله انا وزوجي متساعدين وفلوسنا وحده

اممم

موضوع يشوق ..

ولي عودة ..

اممم

موضوع يشوق ..

ولي عودة ..

انا ساكنه بشقه واول ما سكناها زوجي هو اللي اثثها من مجاميعوه مو تقصير مني بس حلف وكفر ما ادفع ولا شي يقول هذا واجباتي عليكم اني اوفر لكم السكن واجهزه والماجله عمري ما قطيت فيها فلس الا اذا مريت الجمعيه وشريت خفايف من كاكاو ومكسرات وعصاير ولااااااازم انزف يقول مو اختصاصش والايجار هو اللي يدفعه بس ما يمنع اني اذا بغير شي بشقتي اشتريه وما يمانع وما يحرمني من الكماليات سواء اكسسوارات للبيت او كفرات او مواعين وكماليات لمطبخي وحماماتي

يعني الحمدلله متعاونين والجيب واحد ولو يطلب عيوني ما تغلى عليه

الحياة الزوجيه تعاون بين الزوجين ياقلبي

فا اكيد اساعد زوجي واحط واجيب من جيبي

اذا موظفه او مو موظفه

فا رفيجتج باجر لا تزوجت تعرف ان اللي قالته غلط لابد ان الزوجه تشارك بالبيت لو شي بسيط

وليش ما اساعده اساعده ونصبس مو بكل شي خل اهو اللي يدفع اكثر
انا اشيل ثلث المسؤلية عشان مايبرد ويحط المسئولية علي
المساعدة حلوة حتى اهو بيستانس منج

حلو موضوعج صح الحياه مشاركه وماحب مبدأ اذا زوجي عنه فلوس ابيه واذا ماعنده مالي شغل فيه ………….انا امي بعد زواجها من ابوي درت ان مهرها كان دين باعت الذهب ووقفت معاه لما سدد اللي عليه وصار والحمدالله عنده خير وابوي نفسه دايما يذكر هالسالفه

جيبي و جيبه واحد
مايدور عندي فلوسي و فلوس ريلي فلوسنا وحده
اذا الحين اعانه الجامعة هالاميه اشتري فيها تناتيف للشقه فمستحيل راح ابخل براتبي بعد التخرج

حطيت وياه اشكثر وبظل احط وياه دامه يعزني ومقدرني ومووومقصر وياي ويايب لي حقي دوم

المره السنعه جذي توقف مع ريلها وترا يحترمها بزود وهالشي موعيب

الله يتمم عليكم يمه يازينكم وياحلاتكم ايييييييي هذا الكلام السنع حلات المره تحط ايدها بيد الريال وتساعده لانها اذا فكرت وقالت هذى فلوسي وهذى فلوسك جذى بتصير حزازات بينهم ومو بعيده توصل بينهم المشاكل لابعد الحدود
بس لي صاروا متفاهمين الفلس بيصير دينار والعشره بتصير اميه وهذا كله بتوفيج الرحمن اللي عينه ماتنام يبارك ربي بحياتكم وعيشتكم ويوسع عليكم بارزاقكم

حلات المرة
تساعد زوجها بكل شي

الله يتمم عليكم يارب ومشكورين على المشاركه

انا قاعده بسكن مستقل اهوه يدفع الاجار والماجله …..الخ

الحياة فيها تعاون اذا ابي ادفع ادفع من طيبي مو اهوه يجبرني

ولله الحمد عمره ماخذا مني دينار اهوه اللي يصرف

الرجال قوامون على الناس

اذا الوحده تبي تدفع معاه الاجار والماجله بالله اهوه ليش متزوج يقعد ابيتهم ابرك