|
|
السلام عليكم
بنات اول شي الولاده الاولى تخرع ولا عادي لاني خايفه
مابي بطني يتشقق ويتجعد بعد الولاده وايد من صديقاتي صار فيهم جذي وعلى قولتهم خرايط وصارو متان بعد شسوي
بنات بالولاده لازم يشقون ويخيطون انا نابي جذي ابي ولاده بدون شق نفس حريم اول الدايات قالتلي يدتي الحين كلا يخربون الحريم الدايه احسن من هالدكاتره
انا خايفه
ولا زوجج ينحاش ايام قبل غير والله الحين ايامنا دلع بدلع لاتخافين لمايشقون ويخيط
ون ماتحسين كللللللللللش لان بيكونون حاطيلج بنج موضعي
وانتي حافظي على نفسج عشان لاتطلعلج كروشه واكلي اكل نفاس والادويه وانشالله خير
انا اقول الحمدلله ان مالحقت على أول اللي يشوفون الموت بعينهم ..
الحين الوضع سهاله في حريم تبارك الرحمن يوولدون سهاله بغمضة عين و اللي تستعسر في مهدئات و مسكنات وكمام و ابرة ظهر
واللي خلاص يحسون ان ماكو مجال تولد طبيعي علطول يحولونها قيصرية و ساعه ونص بالكثير البيبي يمها !
يعني الحمدلله هذا غير السونار اللي يبين الياهل ونموه شهر بشهر و تابعينه وتسوين تحاليل تعرفين شنو ناقصج مو ناقصج
اول شنو خنت حيلي والله الجنين مرات يموت ويخيس في بطونهم مايدرون الا وتسمم وماتت ,, وماكو قيصرية الله يعينهم يارب ويآجرهم اضعاف اضعاف اهلنا اول
وشوفي تبارك الرحمن المستشفيات كل وحده تقولج تعالي انا ادلعج اكثر 
شتبين بعد
وبالنسبة حق التشققات هذي عاد اللي لابد منها لان تخيلي البطن بيتمدد وبيعيش فيه بيبي اكيد بيطلع خطوط !! الوحده من تنقص او تزيد جم كيلو طلع لها فما بالج بالحمال 9 شهور !! مع النفاس تقريبا سنه الا شوي ,,
الله يسهل علينا كلنا و يرزق كل محرووومة ولاتحاتين الحين كل شي سهل ومريح
من الحين لازم تحطين كريمات
ولا ولدتي ان شاءالله سمعت عن الاكسجين تحطينه ويرد بطنج طبيعي وحده معانا بالمنتدى مجربته وكتبت
وعاد المتن عليج انتي تردين تحافظين على جسمج وما تاكلين
بس شي طبيعي يبيلج 6 شهور على ما بتعدل الجسم
انا يوم ولدت ما شاءالله تبارك الرحمن صرت بطه معني شضعفي
بس ولدت كل ما شفت احد
ما شاءالله لا اله الا الله
قالي انسيلتي ورديت ضعفت مو بس رديت حق وزني قبل الحمال لا اضعف بعد
كل شي على جسم الوحده
لا تحاتين هالاشياء
في اشياء اهم
ووقت الولاده اصلا ماراح تحسين بشي لن لويه
كل واحد يحطلج شي ويسوي شي
وماراح تحسين بالخوف ان شاءالله
الله يسهل عليج يارب
وحتى اللي تحت مايتغير حتى لو ماخيطوج عدل
لاتحاتين ولا شي
والله يعين حريم اول
وجسمج مايتغير يمكن تزيدين جم كيلو بس
يخليج ما تتغيرين من تحت فهمتي؟
و البطن انتي و نوعيت بشرتج اذا نوعج فيج تشققات من قبل فالغالب راح يطلع في بطنج
فا انتي من الحين دايما حطي كريمات خاصه لبطن الحامل و اقري قران على بطنج و ادعي ربج بالصلاة ان جسمج ما يخترب ولا بتشقق و لاااا تمتنين وايد خليج بالمعقول و توكلي عالله ترا مو الكل يخترب جسمهم بعد الولاده
انا بالسابع و زايده ١٥ كيلو و ضايقه فيني الدنيا لان فبجري زدت١٢ بالتاسع لا تسوين مثلي
ثاني شي لا شفتي البيبي بتنسين الي فيج والي مريتي فيه من تعب كله
ثالث شي كل جسم غير عن الثاني مو شرط تمتنين ولا شرط يخترب جسمج!
على حسب الجسم والبشره في ناس ما تهتم بنفسها تمتن وتخترب وفي ناس تحافظ وتحب نفسها خلج من النوع الثاني وان شاءالله ما يتغير شي اهم شي لا تهدين الرياضه حتى الحامل لها رياضه خاصه وبعد الولاده الطبيعيه على طول بلشي رياضه وتمارين خفيفه لين تشدين وتستمرين بالرياضه طووول عمرج ولا ودعي الرشاقه (خرعتج ها ههههه) شسوي لان في بنات كسالى الله يهديهم يتحلطمون على اجسامهم ومصيبه صابت فلانه وعلانه على جسمها واهمه ما يبون يسون رياضه ولا يضعفون
رابع شي الولاده احلى تجربه سواء متعبه او سهله ومو كل الولادت نفس الشي وان شاءالله فالج السهاله الطب تطور الله يعافي ابرة الظهر لا عوار طلق ولاهم يحزنون بس انا افضل الطبيعي طبعا
وانتي اولدي بالسلامه ومالج شغل بشي شيسون فيج ما يسون يخيطون مايشقون مااااا عليج اهم شي سلامتج انتي والبيبي
لا تخافين واستاااااانسي انتي باحلى نعمه والله
ربي يتمم عليج ويسهل لج
سوري قرقت
بس حافظي عقب النفاس وبتظلين باذن الله مثل ما انتي
وعلى قولت دكتورتي ماتخافيش من حاقه الا لما تقربيها
تقربيها يعني تجربينها
وثاني شي لا تحاتين ولا تفكرين في هالشي تره بتتعبين
ولا تسمعين من الناس اللي تخرعج
تره كل وحده تختلف عن الثانيه
واهم شي تهتمين بروحج وعليج بالكريمات وخصوصا كريم زبده الكاكاو
وبعد الولاده اهتمي بصحتج و اكلي عدل بس لا تخربطين و بيرد جسمج ان شاءالله
والولاده ماتخرع تره فيه كمام وفيه ابره الظهر
الحمدلله كلها تساهيل من رب العالمين
الله ينول كل وحده تبي بيبي يارب ويعطيكم الذريه الصالحه الي تشيلكم وتدعيلكم يارب
الله يسمع منكم واولد بالسلامه وكل حامل تولد بالسلامه ان شاءالله
انا توني صاريلي 10 اسابيع وما اخترت دكتور او دكتوره شرايكم منو احسن ؟؟
انزين انا اكل حبوب حديد اوقف وفيتامينات لان شعري يحت من قبل الحمل لان فيني انيميا
فيدوني تسلمون حبايبي
ويفرحج بضناج ويجعله لج من الذريه الصالحه ..
انا بجريه وتوني والده ..
والحمدلله بفضل الله ومنته اقول الولاده وايد اهون من الـ9 شهور وضيمهم ..
وشقوا وخيطوا .. والحمدلله ما احس بشي ..
مافي شي يخوف ياقلبي ..
وكان وزني بداية الحمل 62 ومع الحمل لي الشهر التاسع وصلت 74 وانتفخت .. وقلت شلون راح افش ..
بس الحمدلله بعد اسبوع فشوا ريولي .. وايديني …
وبالاسبوع الثاني قاعده ألبس ملابسي اللي قبل الحمل ..
يعني لا تحاتين ولا اتفكرين …
وبطنج ربطيها ولعبي رياضه .. والتشققات الله يخلي الكريمات والخلطات ..
والحديد والفيتامينات سئلي دكتورج عنهم … وشوفي اذا يعطيج شي بديل مع الحمل او تستمرين عليهم …
والسهاله من رب العالمين …
جدامج طريج بس اتعبين روحج بالتفكير والمحاتاة …
والي يبي الدح ما يقول اح
لووووول