ساعدوني بنتي عندها اللحميه متضخمه وموعافه وين اسوي عمليتها

ااسلام عليكم ورحمه الله وبركاته

بنتي عمرها 3 سنوات ونص وتشتكي من تضخم في اللحميه
وبصراحه محتاره اسوي لها العمليه ولا لا يتراولي اصغيره عليها
واللي مسويه العمليه حق بنتها او ولدها بنفس عمر بنتي او اصغر ياليت تكتبلي تجربتها وعند اي دكتور سوت العمليه
وياليت بعد اللي تعرف دكتور شاطر بهالسوالف تلحقني بأسمه وعنوان عيادته جزاكم الله خير
لانها وايد تعبانه وتشتكي من هذي الاعراض
تنفسها بصعوبه وشهيتها عن الاكل مسدوده بس تبي سوائل بارده
وتشوخر سواء نايمه ولا قاعده وتجيها مثل حاله اختناق او شرقه اثناء النوم
ومره لقيت بفراشها دم طالع من خشمها طرت فيها للمستشفي وقالولي لازم نعملها كي وخفت بصراحه ما سويته لها
والحمد الله ما تكرر الدم مره ثانيه

السلام عليكم ….. شوفي اختي انا توني ما صار حق ولدي شهرين من سويتله العمليه
وعمر ولدي سنتين الحين
طبعا العمليه جدا سهله وما تخافين منها يكويها بالليزر وبنفس اليوم يطلعها انشاءالله
لا بعد انا سويت حق ولدي اللحميه واللوز وركبله تيوب تهويه بالاذون عشان الصديد
وسويتها عن دكتور خالد الصبيح
ولدي بالبدايه تعب لانه شي يديد عليه وما يقدر يبلع ويصيح متعسر بس عاد وسعي صدرج عليها كلها يومين وخلاص
بس الحمدالله ولدي شهيته انفتحت وقام ياكل بشكل طبيعي
ترى بسبب اللحميه واللوز ما يحسون بطعم الاكل ويتعبون من انهم يعلجون الاكل فما ياكلون يكرهون هالعمليه لانها تتعبهم

وعليكم السلام ورحمه الله وبركاته …..
ريحتيني الله يريح قلبج بس حياتي كأنه اصغير علي العمليه الله يحفظه ويخليه لج انشاءالله

حبيبتي اشلون عنايه الدكتور بالطفل وشغله بالعمليه زين ولا لا يعني تنصحيني اسوي عمليه بنتي عنده ولا لا
واذا كان زين ممكن عنوان عيادته او رقم تليفونه

لاتبخلون علي بتجاربكم جزاكم الله خير حدي تعبانه من كثر التفكير وايد احاتي
الله يسهل علي وعليكم اللي تعرف دكتور زين تنصحني فيه

والله ماعرف بس حبيت ادعيلها الله يشافيها

ولد اختي سواها بمستشفي الراشد قبل سنتين وكان عمره….5 سنين….ماتشوف شر بنتج يارب…..@@

اول شئ ما تشوف شر الحلوة بنتج …ولا تحاتين ولا شئ بالعكس التأخير بالعملية يأثر على البنت ويتعبها فـــ ريحيها وسوي العمليه بعد التوكل على الله …لآني سويتها حق ولدي كان عمره سنة ونص عند الدكتور عماد اللى بنفس عيادة الدكتور عبدالله العلى …كلهم ممتازين وهادين واي واحد تسوين عنده فخير وبركة …سويتها بمستشفى هادي وقعدنا نص يوم والحمدلله ارتحنا من السعابيل على طوووول والشخري وانفجار طبله الاذن دايما …وماتشوفين شر …رقم العيادة 25644660

انا ولدي سويت له العمليه وكان عمره سنتين بالضبط واسم الله عليه الحمدلله كانت العمليه ماي بالاذن ولحميه وسويتها في مستشفى الاتصالات في الصباح المتخصص انف واذن وحنجره

سهالات ان شاء الله انا سويتها لولدي وكان عمرة 2 و10 شهور وسويتها بهادي عند دكتور ممد عبالظاهر لوز ولحمية وماشاء الله بنفس اليوم طلعنا بس لابد يتعسر الياهل جم يوم

ماشوف شر ابنيتج اخوي سواها وعمره سنتين ونص عند عبدالله العلي عيادة الاستشاريون بحولي وسواها بالهادي الحين لو بشوفينه بطووووووط وحييل ارتاح

والحين ولدي في لحميه وماي بالاذن وعمره 10 شهور وحيل متأذي بعد قلبي وقالي دكتور خالد بوحيميد لازم تنشال بس ننطر علي احسن سنه ونص والحين استخدمله بخاااخ

انتي توكلي باللله وسويلها وعمر بنتج اسم الله عليها زين

الله يشافي اعيالنا

الدكتور خالد الصبيح عيادتة في عمارة الطبية الكندية ورى مستشفى الاميري الدور 13 و سواها حق ولدي في مستشفى رويال حياة يلوعون الجبد سويها بالسلام احسن واما عن عناية الدكتور شحليله ويهتم

مشكوره حبيبتي علي الدعوه الله يشافي كل مريض انشاءالله

حبيبتي اشكثر طولت العمليه يعني كم يوم قعد بالمستشفي اذا تذكرين

الشر ما يجيج انشاءالله بعد قلبي
ريحتني الله يريح قلبج دنيا واخره نص يوم يعني سهاله انشاءالله
بدق عليهم انشاءالله وباخذ موعد وعلي الله

حياتي والله سنتين وعمليه الحمد الله علي سلامته والله يحفظه من كل مكروه
بنتي يا الغاليه سويت لها اختبار سمعي بس الحمد الله ماطلع فيها شي كانو شاكين بالماي اللي تحت الطبله بس الحمد الله ماكو شي يعني بس لحميه