ساعدوني بالاجازات

الله يخليكم انا مدرسه وحامل ومعاي نزيف وحيل متعبني الدوام وماخذه طبيه 3 ايام بعدين خذيت 5 ايام والحين باخذ 3 ايام لان النزيف ما وقف ولازم راحه تامه
بدال الطبيات شنو الاجازات اللي اقدر اخذها لاني ودي ارتاح شهر انشاءالله بنص الراتب
تكفون ساعدوني انا بانتظاركم

ليش ما تسألين من السكرتاريه الي عندكم المختصة بالاجازات المرضية ؟ الي اذا بغيتي مرضية تروحون لها اهي عندها علم،،،، وكلش كلش سألي بالوزارة بس انا اعتقد انج تقدرين تاخذين اجازة اسبوعين ويمكن اكثر عن طريق المجلس الطبي اذا اعتمد لج المرضية والله يشفيج يارب

خلي دكتورتك تكتبلك طبيه اسبوعين او اخذيها من اميره بهبهاني
ابرك لك من الاجازة لانها بتنحسب عليك عند التقاعد سواء براتب او بدونه
وعلى فكرة ترى مافيه اجازات بنص الراتب الا الامومه ..
وماتشوفين شر

هلا الغاليه

معاج سكرتااااريه تسوي طبيات المدرساااااااات ما شااء الله مدرستنا هالسنه الكل حمل الله يتمم عليهم جميعا ويتمم عليج

حببتي أخذيلج أسبوعين من دكتورج الخاصه
ولما تخلص اسبوعين بعد ولما تخلص هم اسبوعين بعد

وكل هالطبيات تروح للمنطقه التابعه لكم وعقب أهم يقرروون إذا يحوولوونج مجلس طبي ولا قرااار ثاني اختي الغاليه

الله يتمم عليج إن شاااااااااء الله

انا اقول وعن تجربة وعلشان لا يحولونش مجلس طبي
بين هالاسبوعين هذي خذي اجازة من مستوصف الحكومة وعلى العموم الحكومة يعطون للحامل اذا مستوصف 3 ايام واذا مستشفى اسبوع
يعني لا تخلين طبياتش متواصلة من عيادات خاصة دايم خلي بينها طبية حكومية

وسلامتش