ساعات اقول في نفسي ياليتني عايشة بزمن حريم اول

مرحبا بنوتات شلونكم ياعسولات ………
موضوعي الي بكلمكم فيه وايد يخطر في بالي وافكر فيه ويمكن اغلبكم يفكر فيه .

أبي اتكلم عن تأثير الوظيفة على علاقتج بزوجج بالذات من هالجانبين :
* المادي كون المرأة تشتغل تطلع من الصبح وماترد الا الظهر ولها دخلها الخاص فيها صارت مثل الرجل بالضبط يعني ماتحسون انه ممكن هالشي يأثر على نظرة الزوج لها كأنثى ناعمة ماتزاحم بسيارتها الصبح ولاتطلع بالحر والشمس بدليل اول كانو ما يخلون الزوجة تروح جمعية او تزاحم الرياييل وتطلع بالشموس والحر لقناعتهم انه عودها طري مثل مايقولون ونعومة بس الحين يقولج روحي جمعية روحي سوق وكل مكان الزوج صار ما يحاتي وايد بخصوص طلعة الزوجة لأنه قاعد يشوفها تداوم وتخالط اشكال والوان وماعندها اي مشكلة . هذا غير ان استقلالها بمصروفها خلاه مرتاح وماعنده وايد التزامات مثل الزوج اول.
* الشي الثاني وهو الأهم في راي علاقتج الخاصة بزوجج ما تحسين انه وظيفتج مخليتج احيانا مقصرة معاه ,الوظيفة والإلتزام فيها خصوصا مثل دوامي تعب بدني وذهني . احس يأثر على مزاجي بدليل اذا خذيت اجازة صج صج اتفرغ لزوجي حتى مزاجي يكون عال العال وكلامي يسير ولي مزاج لكل شي حتى المشكلة لما مريت فيها يكون حلي لها افظل .
ادري موظوعي بيكون وااايد له معارضين خصوصأ من مؤيدين شغل الزوجة انا اشتغل بس لي وجهة نظر بهالموضوع .
احترم رايكم كلكم واحبكم كلكم وحابة اعرف رايكم ….

انا رايي من رايج
انا الحين مو موظفيه عطاليه بطاليه
اقدر اجابل زوجي وولدي
واهتم بنفسي واطبخ واتفنتق بالطباخ
بس اليوم اللي يصير عندي موعد من الصبح وماارد الا الظهر
مالي خلق ولا شي عقبها
حتن لمن يطرشني ودي اعصب مالي خلق
وحق الطباخ اطبخ على السريع اي شي

وحتن ترا سالفة الخدم اول ماعندهم وااااايد اريح

انا توني من شهريين يبت خدامه الصراحه قبل غير البس على طول واتمكيج واتعطر
والحين مااحب البس اي شي الخدامه كله تطالع ومترززه قبالنا بالصاله

صج حياة حريم اول واااايد اريح

الله يرزقج بنسبة ترضيج ويوفقج ….
انتي فهمتيني صح … الي تعبنا بهالزمن الوظيفة احنا نشتغل برو وداخل بيوتنا نجامل بالدوام ونجامل داخل بيوتنا . نحاول نضغط على نفسنا عشان نحافظ على ابتسامتنا سواء بالدوام او بالبيت واحس تعبنا
ياليت البنات يشاركونا برايهم
شاكرة مرورج الكريم

اب لعيون زينة ….

بصراحة عندي كلام وايد بس مالي خلق أكتب بقولج الزبدة
المرة تقول أنها تتعب داخل وبره البيت بس الحين في خدم عندهم على شنو تتعب داخل البيت ؟
أما عن شغل المرة فأنا أيد وأعارض بنفس الوقت …. إذا الوحدة كان بينها وبين زوجها اتفاق وكان لها هدف ساااامي من العمل مثل أنها تكون دكتورة أو مدرسة تربي أجيال وغيره من الشغلات المفيدة الي تخلي الأمة الإسلامية بازدهار فهذا شي طيب وأساسا أن الريال متفهم وقاعد يعاونها …
أما إذا بتشتغل عشان الفلوس وبس من غير ما يكون لها هدف معين وعشان الكماليات الي مالها داعي فتقعد في البيت أحسن لها
شرااااايج بالاختصار …
وبصراحة ما أتمنى أكون بزمن أول لأن لكل زمن حلاوته واحنا لازم نتأقلم على زمنا ونعيش ظروفه ونواجه الحياة

بس انا الي اعرفة انة الزوج يتمنئ زوجتة موظفة
ماتشوفين الريايل يتمنئ يتزوج مدرسة

والله كلامج صح دايم احس اني مقصره بحق اهلي وعيالي وحتى نفسي بس شنسوي الشغل ضرورة

ولو مهما عطاج زوجج وماقصر مو نفس معاشج تلبسين وتكشخين وتشترين على كيفج واهدي اللي ابي على كيفي من فلوسي .. الاستقلالية المادية مهمة بعد

بس الشغل مو من ظمن اولوياتي يعني اعرف وحده مستحيل تاخذ طبية لو ولدها بيموت تداوم وتقطه على اهلها كل هذا عشان تترقى وعشان ماينخصم منها تقصر على زوجها وعيالها عشان وظيفتها .. انا اخذ امومة ولا يهمني الخصم او انهم ينقولني من مكاني حتى لو اني مرتاحه فيه ..

والسنعة سنعة واللي تبي توفق بين شغلها والتزاماتها تقدر بس مشكلة اللي يعتمد على الخدم بكل شي تروح الصبح الدوام ترجع تتغدا وتنام ماتدري عن عيالها ولا تشوف درسوا كلوا ناموا .. الشغاله كل شي تسوي حتى تسبحهم وتدرسهم

ومرات اقول الاجانب شلون عايشين اللي ماعندهم خدم ويداومون ليما العصر .. احيانا يطري على بالي اقدم استقالتي واتفرغ لبيتي وعيالي بس اتراجع باللحظة الاخيرة .. الله يقدرنا على المسئولية

[QUOTE=نشيج الروح;22665436]بصراحة عندي كلام وايد بس مالي خلق أكتب بقولج الزبدة
المرة تقول أنها تتعب داخل وبره البيت بس الحين في خدم عندهم على شنو تتعب داخل البيت ؟
أما عن شغل المرة فأنا أيد وأعارض بنفس الوقت …. إذا الوحدة كان بينها وبين زوجها اتفاق وكان لها هدف ساااامي من العمل مثل أنها تكون دكتورة أو مدرسة تربي أجيال وغيره من الشغلات المفيدة الي تخلي الأمة الإسلامية بازدهار فهذا شي طيب وأساسا أن الريال متفهم وقاعد يعاونها …
أما إذا بتشتغل عشان الفلوس وبس من غير ما يكون لها هدف معين وعشان الكماليات الي مالها داعي فتقعد في البيت أحسن لها
شرااااايج بالاختصار …
وبصراحة ما أتمنى أكون بزمن أول لأن لكل زمن حلاوته واحنا لازم نتأقلم على زمنا ونعيش ظروفه ونواجه الحياة [/QUOTE
]كلامج عجبني ومنطقي للغاية

الله يعينا على هالدنيا بس التوفيق بين البيت والدوام صعب ويبيله قلب قوي

موضوعج وايد حلو والاغلب الحين ما يبي الا موظفه بس فعلا لازم يكون هناك تقصير بامورها العائليه

تسلمين حبيبتي انتي الأحلى , يبيها موظفة ويبيها تتفرغله وتربي العيال عدل وتطبخ وتكون رومانسية وهذا يرهق الزوجة

اكييد نسوان قبل غير

عموما المراه العامله تتعرض لتعب يغير نفسيتها وحتى نعومتها ماقصد تصير رجال

اقصد عودها يقوى الشخصيه والتكوينالنفسي يختلفون

غير اللي فالبيت مدلعه وماتشوف الشمس والكراف والمسؤوليات

وكل ماكان الشغل متعب اكثر كل مازادت الضغوط وزاد التغيير

مهما كان احنا بشر ونتأثر